Ég held að ég hafi fengið besta Nígeríupóst ever núna áðan. Svo virðist sem Michael nokkur Soleyjarson hafi nýlega látist í bílsslysi ásamt konu sinni og þremur börnum í Benín. Vofveiflegar fréttir svo ekki meira sé sagt. Michael vann víst í olíuiðnaðinum og skyldi eftir sig nokkurn arf – 15,5 milljónir dollara. Málfærslumaður hans hefur undanfarið unnið hörðum höndum við að leita uppi ættingja hans, úr Soleyjarson fjölskyldunni væntanlega, án árangurs. Hann fann mig síðan og stingur upp á að við tökum okkur saman og leysum út arfinn undir því yfirskyni að Michael hafi verið frændi minn. Hann er tilbúinn að redda öllum pappírunum gegn því að hann fái helming arfsins. Mér finnst þetta ákaflega fínn díll.