Jæja. Planið mitt um að vaka alla nóttina kom mér í koll. Ég sofnaði klukkan átta, klukkutíma áður en prófið byrjaði! Svo vaknaði ég við upphringingu frá skólanum og var mér tilkynnt að ég skyldi nú taka á honum stóra mínum og skakklappast niður í skóla. Svo þegar ég kom í skólann var mér sagt að ég yrði að taka prófið á þriðjudaginn næstkomandi. Ég tók reyndar munnlega partinn í dag og gekk það bara bærilega. En svo er saga á mánudaginn og ég nenni ekki að lesa.