Ég er hundfúll. Ekki út í neinn sérstakan þó. Ég hef verið í vondu skapi síðan ég kom heim úr för minni til Rómaveldis ins forna, enda ekkert við að vera hérna heima. Hver dagur er öðrum verri – kannski vegna þess að þeir eru allir eins – og án tilbreytingar er lífið leiðinlegt. Mikið verð ég feginn þegar skólinn byrjar aftur. Ég er ansi hræddur um að ég verði að segja svolítið fáránlegt, en án skóla væri lífið grautfúlt.