Ætti ég að gerast týpan sem vaknar tveimur tímum áður en ég á að mæta til vinnu, rista mér brauð íklæddur kragamiklum slopp og drekk Earl Grey te með; reyki Sunday’s Fantasy píputóbak með Morgunblaðinu sem ég sit í húsbóndastólnum og þegar á mig er yrt hnykla ég brýnnar, tek lonníetturnar af nefinu og gef aðeins frá mér djúprómað jamm? Það hljómar svolítið spennandi.