Day: 10. febrúar, 2005

Hvað gerist inni í höfðinu á mönnum sem semja jafn mikla snilld sem Tunglskinssónata Beethovens er? Hvað sem það er þá er það með ólíkindum. Samspil nótna er fullkomið. Fallegra lag er ekki til.

Það er greinilega ástæða til að vera paranoid ef maður er sítengdur við netið. Tæpum klukkutíma eftir að ég virkjaði eldvegg á tölvunni (það tók tiltölulega stuttan tíma) lét tölvan mig vita að einhverjir tveir kónar væru að reyna gagnaflutning á tölvunni minni. Jahá!

Þjónustuver Símans stóð sig með prýði. Mér voru ekki gefnar óljósar upplýsingar um hvað ég ætti að gera, heldur redduðu þeir málunum fyrir mig. Alveg hreint prýðileg þjónusta.

Ég er ánægður með ævisögu Arnasar Magnæi. Því miður hef ég ekki tíma til að lesa nema brot úr henni. Ég þyrfti helst að kaupa hana, svo ég geti alltaf gripið til hennar þegar ég vil lesa í henni.

Jæa, ég hef talað við þjónustuver Símans og þeir ætla að redda mér. Ég vil sérstaklega þakka hinum geðþekka Páli Hilmarssyni fyrir að taka sér tíma til að benda mér á rót vandans. Paulus, te grato.

Nú ætla ég að panta mér eldvegg!

Á forsíðu Morgunblaðsins segir að íslendingar fái minni enskukennslu en ESB þjóðir og að Menntamálaráðuneytið stefni að fjölgun kennslustunda. Þetta sýnir að helstu hugðarefni Menntamálaráðherra er að skapa vandamál þar sem ekkert vandamál var fyrir. Það þarf ekki meiri enskukennslu, þar eð mörg börn í dag eru farin að tala takmarkaða ensku upp úr átta ára aldri auk þess að Ísland stendur flestum Evrópuþjóðum framar í tungumálakunnáttu, þá sérstaklega ensku, og það er algjör óþarfi að herma eftir þessum evrópsku glæpasamtökum í einu og öllu.

Menntamálaráðherra hefur augljóslega ekkert að gera. Þess vegna vill hún stytta námstíma til stúdentsprófs (hvers vegna telur hún þörf á því? Þá fækkar kennslustundum í ensku!) og koma á samræmdum prófum í barna- og menntaskólum. Hvað næst, samræmd háskólapróf? Nei, ég fékk betri hugmynd. Hvað ef Menntamálaráðueytið hætti að stalkera og rústa skólakerfið!