OgVodafone er ömurlegt fyrirtæki

Ég er hættur að versla við OgVodafone. Þetta er í síðasta skipti sem þeir reyna að rukka mig tvisvar fyrir sömu símreikninga. Þetta er óafsakanlegt og óþolandi. Ég gæti skilið ruglinginn ef kerfið þeirra hefði bilað, einu sinni, en ekki oftar. Hvernig veit ég nema þeir steli frá mér vísvitandi? Hversu ömurleg getur þjónusta orðið?

Ég hvet lesendur sem versla við OgVodafone til að geyma kvittanir fyrir alla greidda reikninga, í a.m.k. hálft ár eftir að þeir hafa verið greiddir, svo fyrirbyggja megi að þetta hendi þá.

Söngvarakeppni MS

Aldrei hélt ég að ég myndi segja eitthvað þessu líkt, en ég skemmti mér konunglega á söngvakeppni! Nokkrar óvæntar uppákomur, sú fyrsta að Ásgeir var meðal kynna á keppninni. Tókst þeim vel að halda í við þá hefð að kynnar skuli vera hallærislegir. Mér til mikillar furðu stóð Þorkell við stóru orðin og flutti Hemma Gunn lagið Einn dans við mig. Sunna og Magga lentu í fjórða sæti, þrátt fyrir að hafa átt annað tveggja flottustu atriða kvöldsins. Sigurlagið hefði mátt hafna örlítið neðar. Einhver brjálæðingur söng lag með Mínus. Jahá.