A star is born: Ástir og ævi Silvíu Nóttar. Þannig hélt blaðið Blaðið upp á dag íslenskrar tungu.
Kastljós hafði sinn eigin hátt á, þar sem fengnir voru tveir helstu málsnillingar þjóðarinnar – annar af hverjum eini yfirlýsti mólótovkokteilkastari landsins, hinn alþingismaður – til að ræða framtíð íslenskrar tungu og rapptónlist.
Sjálfur hafði ég minn eigin hátt á og fór á afmælisljóðaupplestur Ljóð.is. Þar sat meðal annarra maður við tölvu og brúkaði forrit til að skeyta saman ýmsum textabrotum svo úr yrðu ljóð, og las ég sjálfur upp eitt ljóð sem var kompútergeneréterað, svo ég brúki nýkansellístíl, og þar af leiðandi ekki eftir sjálfan mig. Þetta gerðu sömuleiðis margir samkomugesta, enda ekki á hverjum degi sem boðið er upp á svona nýbreytni.
Án vafa er þetta mín þurrasta bloggfærsla til þessa. Enda skrifuð á einum hinna 364 daga útlenskrar tungu.
Þessi fyrirsögn í Blaðinu böggaði mig alveg svakalega. Ekki vegna enskunnar, og mér finnst Silvía Nótt frábær. En „Nóttar“?
Ég hef heyrt að nafnið Nótt megi eða eigi að beygja svona, en ekki eins og nafnorðið, sem myndi auðvitað vera „nætur“. Sel það ekki dýrara en ég keypti.
En mér finnst það vera hallærislegir stælar hjá Blaðinu að vera með fyrirsögnina „A star is born“. Hefði það drepið þá að segja: „Stjarna er fædd“?
Mér var bent á þessa færslu – takk fyrir að hafa lesið ljóð eftir DADDA tölvuforritið mitt – vona að þú hafir haft gaman af því.
Jón Örn
Þakka þér sömuleiðis. Mér fannst það alveg frábært.
Íslendingar og fallbeygingar nafnorða sem persónunafna hafa ekki alltaf átt samleið.
Rétt, má: http://www.lexis.hi.is/beygingarlysing/mannanofn/kvk/No1tt.html
En það réttlætir það ekki að mínu mati. Margt er leyfileg þrátt fyrir að vera estetískt glæpsamlegt.