Minnkar nýtni kaffis í öfugu hlutfalli við hversu mikið af því er notað í senn? Dæmi: Fæ ég jafnbragðsterkt kaffi ef ég helli upp á sjö bolla í sömu hlutföllum (ein skeið á bolla) og ef ég helli upp á þrjá, eða virkar hér sama lögmál eins og um minnkandi afrakstur, að þeim mun meira sem þú skóflar í kaffisíuna því þynnra verður kaffið? Ég gæti trúað því, vegna þess að vatnsmagnið er hlutfallslega það sama, en þeim mun þykkara sem kaffilagið er, þá er ekki víst að vatnsgufan komist alstaðar jafnvel að því. Hvað sem því líður er þetta hryllilega vafamál tilefni til ítarlegra rannsókna. Mitt kaffi skal vera gott kaffi.
6 thoughts on “Svona löguðu velti ég fyrir mér”
Lokað er á athugasemdir.
Farðu að mæta í skólann. Hljótum að geta plöggað góðu kaffi fyrir þig þar líka 😉
Ég ætlaði að mæta í skólann í dag … ég ætlaði líka að mæta í skólann í gær, var glaðvakandi á hárréttum tíma og allt. Ég bara veit ekki hvað gerðist næst.
Það er komin kaffikanna í Óholt. Kaffigerðarfólkið er flest mikið kaffidrykkjufólk (það er ekki nýr aðili á hverjum degi að fikta við kaffikönnuna) og mér finnst kaffið bara nokkuð gott þar. Svo þú getur farið að mæta í skólan.
Ég verð mættur fyrstur allra á mánudaginn!
Vert er að benda á að Óholt opnar um hálf 10 leitið, og fyrr má eigi vænta kaffis. En það er samt gott að mæta snemma í skólann.
Böh! En ætli maður mæti nú ekki samt.