1. Hugmyndin um að appelsínur séu náttúrlegar er álíka vitræn og að halda að pakkar af niðurskornum Gouda-osti vaxi á trjám; appelsínur koma í imbaheldum umbúðum, haganlega niðurskornar í lögulega báta, lötum Homo non sapiens non sapiens til hægðarauka. Það ætlar enginn að segja mér að þetta sé tilviljun. Klárlega er hér um að ræða samsæri stóra bróðurs til að halda okkur niðri, sem hefur gengið það lengi að við tökum niðurskornum appelsínum sem sjálfsögðum hlut. Við búum í sýndarheimi. Það er auðvelt að trúa öðru þegar við þekkjum ekki annað. Appelsínur eru ópíum fólksins. Forðist appelsínur.
2. Prómeþeus var fjötraður á fjallstindi hvar örn kroppaði úr honum innýflin dag hvurn. Yfir nótt uxu þau aftur og leikurinn hélt áfram næsta dag. Til sögunnar kemur yrðingin: Ice T. étur Snoop Dogg í morgunmat. Hugsið ykkur svo að Snoop vaxi aftur á nóttunni og leikurinn endurtaki sig morguninn eftir. Reynið svo að finna gróteskari hugmynd.
Skemmtileg hugmynd um Ice T., Snoop og Prómeþeus. Minnti mig á þessa klassík úr Happy Gilmore:
„I eat little pieces of shit like you for breakfast!“
„You eat little pieces of shit for breakfast?“
Snoop Dogg er eins og Gunnar Birgisson: íkynjaður og fullkomið frumafl í tilverunni.
Nei, en það er Ice T. Þú étur ekki fullkomið frumafl í morgunmat. Því til sönnunar: Hversu margir ætlar þú að geti étið Gunnar Birgisson í morgunmat?
Sko, eftir nánari eftirgrennslan í skjalahirslum ARCHIVVM SECRETVM APOSTOLICVM VATICANVM hefur áður óþekkt útgáfa af frumefnakenningu Aristótelesar komið í leitirnar:
Halldór Blöndal = Jörð (þurr og kaldur),
Grétar Mar Jónsson = Vatn (kaldur og blautur),
Gunnar Birgisson = Vindur (blautur og heitur),
Ice T. = Eldur (heitur og þurr).
Gert er ráð fyrir að fimmta frumefnið sé óþekkt og ofar okkar skilningi.
Fimmta frumefnið er George Dzunsza.
Það efast ég um. Hann er máske óþekktur, en hann er ekki ofar skilningi.
Allavegna mínum skilningi.
Þú þarft ekki að skilja hann til að sjá snilldina við hann. Ég meina, án hans hefðum við aldrei áttað okkur á sannleikanum um appelsínur!
Tilhugsunin um Gunnar Birgisson heitan og blautan fær mig til að kúgast.
Ég trúi því ekki að þú skulir hafa sagt þetta! Íðilfagur sem maðurinn er.
Heitan og blautan inná Goldfinger. Heitan og blautan.
Fyrirsögn Séð og Heyrt: Frumafl á Goldfinger! „Skemmti mér feitt.“