Munnlegt próf

Það er naumast hvað maður getur aldrei komið neinu útúr sér þegar mest á ríður, svo eftir einn bjór á barnum þarf heila herdeild til að þagga niður í mér.

Þartil ég heyri rök fyrir öðru verð ég að vera sammála Antoni um að best væri að deila [sic] bókmenntasögunni uppí tvo 2.5 eininga áfanga. Þannig væri hægt að fara ítarlegar í hvorn hluta um sig og staldra aðeins við, án þess að minnka neitt við hið flennimikla lesefni.

Ekki að ég sé að kvarta. Almennan í lögfræðinni mun vera 9 einingar og lesefnið eftir því. Þá missa sig sumir og leggjast í kör. Sjálfsagt er þannig haldið á spöðunum til að búa til síkkopatafjöld handa útskriftarnemum að verja, búa til eftirspurn til að anna framboði o.s.frv. Hagfræðin afturábak. Svona get ég nú verið víðsýnn.

24 thoughts on "Munnlegt próf"

  1. ábs skrifar:

    Þá er ráðið að koma við á barnum áður en þú ferð í munnlegt próf.

  2. Vandinn liggur kannski helst í að prófdómarar eru almennt með medúsuhöfuð.

  3. valborg skrifar:

    ég er að fara í munnleg próf, það er bara búið að bæta aðeins í nafnið til að gera þau hræðilegri:
    Munnleg stúdentspróf… úúú.
    Annars reyndar munnleg lesin stærðfræði, ég veit ekki alveg hvað þau vilja frá manni þar.

  4. Þegar ég var í MR gengu munnlegu prófin útá að draga reglu uppúr hatti (t.d. regluna um annars stigs jöfnur) og sanna hana. Ég veit ekki hvort það sé ennþá þannig.
    Eru ekki munnlegu stúdentsprófin annars bara hluti af stærra skriflegu prófi, eins og í tungumálaprófunum?

  5. valborg skrifar:

    yarrp
    ég held að MR hafi ekkert þróast síðan eldurinn var fundinn upp.

  6. Arngrímur skrifar:

    Jú, mér skilst að allavega hljóðfræðin sé (sumpart) gengin í endurnýjun lífdaga. Ekki það að nemendur taki nein húrrastökk af því tilefni …

  7. valborg skrifar:

    við notum tölvur og skjávarpa, það er frekar módern

  8. Í því tilliti er ég hrifnari af gamla kerfinu.

  9. Björn Fr. skrifar:

    Ég er Agamemnon.

  10. Einar Steinn skrifar:

    Reynsla mín er að framfarirnar verða alltaf eftir mína daga.

  11. Nína skrifar:

    Við förum annað kvöld og ég er strax farin að sakna vina minna.
    Óboj. Er Skúli svona leiðinlegur?

  12. Brynjar skrifar:

    Þetta er allt mjög spennandi.
    En heldurðu að kjöppinn sé ekki dottinn í bloggið aftur?
    http://brynjarsmari.blog.is

  13. Ég hef einnig gerst sekur um pínu fyrirframsöknuð. Held það sé einmitt vegna þess hversu leiðinlegur Skúli er.
    Binni, you back in da game?

  14. valborg skrifar:

    er fólk ekki farið að taka fram sólarolíuna?
    það eru að koma vorpróf, ávísun á hitabylgju.

  15. Þokkalega. Svo þarf að kæla þetta rauðvín, aðeins eitt próf eftir, búja!

  16. Lalli skrifar:

    Ég þoli ekki laganema, þeir verða alveg siðlausir eftir eitt ár í lögfræðinni!

  17. Hjördís skrifar:

    Lífið er lag sem við syngjum saman tvö, dag eftir dag… Í dag eiga íslensk dægurlög huga minn allan. Þú getur svo tekið bókmenntasöguna aftur með mér á næsta ári. Hugmynd?

  18. Arngrímur skrifar:

    Þú ert sumsé að spá í að kíkja í íslenskuna í haust? Boðið freistar mjög. Hvort sem ég sit tímana aftur eður ei er ég allavega til í samlestur. Gætum stofnað lítinn bókmenntasöguleshring.
    Svo verður vandlega séð til þess að lífið verði létt og leikandi lag í sumar, gættu þess að hafa góða veðrið með þér heim! 🙂

  19. Hjördís Alda skrifar:

    Bókmenntafræði! Þar sem ég tek bókmenntasöguna.. En kannski er það ekkert sama bókmenntasagan, hvað veit ég, fáfræðingur um háskólamenntun, bara nýstúdenti ennþá.
    Allavega skulum við stofna bókmenntasöguleshring. Það verður gaman. Drekkum rauðvín og ræðum bækur. Hlakka til!
    Kem með sól fyrir ykkur og bræði klakann. Að sjálfsögðu! Verð komin í júní, við ættum að kíkja á kaffihús.

  20. Arngrímur skrifar:

    Jú, það er sami áfanginn. Við deilum að minnsta kosti íslenskri bókmenntasögu (umræddur áfangi), almennri bókmenntasögu (kann ekki frekari skil á henni), bókmenntafræði og stefnum og straumum í bókmenntafræði. Þannig að það verður allavega nóg að ræða yfir rauðvínsglasi í vetur!
    En næst á dagskrá er sumarið, þú sérð um sólina og svo kíkjum við á kaffihús. Hlakka ósegjanlega til!

  21. Alliat skrifar:

    Er bloggið flutt inn í kommentakerfi sjálfs sín? o_O

  22. Hjördís skrifar:

    Arngrímur. Casablanca.

Lokað er á athugasemdir.