Descartes og moggabloggið

Til er hryllilega súr brandari um Descartes. Þannig var nefnilega mál með vexti að Descartes fór alltaf á sama kaffihús á hverjum degi, í fleiri fleiri ár, og pantaði sér súpu. Nema dag einn kemur Descartes inn og þjónninn spyr hann hvort ekki megi bjóða honum súpuna eins og venjulega. Descartes svarar: Nei … ég hugsa ekki. Þá hvarf Descartes.

Á hverjum degi vona ég að eins fari fyrir moggablogginu. Þeirri tilgátu var reyndar stungið að mér í dag að ef moggabloggarar áttuðu sig á þverstæðu Descartes þá yrðu margir þeirra að svartholum með óendanlega neikvæðan massa – svo mikið væri bullið í þeim. Í sjálfu sér ágætiskenning en ég þori ekki að standa við hana af ótta við að fá holskeflu af sauðheimsku fólki hingað inn. Þeir geta myndað sín svarthol annarsstaðar.

4 thoughts on "Descartes og moggabloggið"

  1. Gunnar Þorsteinsson skrifar:

    Segja þeir ekki „Ég blogga, þess vegna er ég til“, á útlensku „blogito ergo sum“?

  2. Ég vona altént að það teljist ekki sem gat í þegar vafasamri lógík …

  3. Ásgeir Berg skrifar:

    Þessi brandari byggir á þeim grundvallarmisskilningi á heimspeki Descartes, að cogito-ið sé verufræðilegt en ekki þekkingarfræðilegt (auðvitað).

  4. Sem er einmitt svo sniðugt og skemmtilegt. Kanntu fleiri svipaða?

Skildu eftir svar

Netfang þitt verður ekki birt. Nauðsynlegir reitir eru merktir *