Carlos Ferrer er hættur að tala við mig, hann sendir mér ítrekað póst um það. Það er voða sorglegt þegar menn geta ekki staðið á bak við orð sín en svoltið fyndið í þessu tilfelli.
Ég fór á trúfrelsisþing VG áðan, það var ágætt. Stefni á greinarskrif um málið þegar Vantrúin hrekkur í lag.
Ég sótti síðan Eygló í vinnuna (of seinn vegna þess að þingið stóð of lengi) og fór síðan til Ásgeirs. Ásgeir átti í vandræðum með dimmer og satt best að segja þá var sá mjög undarlegur. Dimmerinn var tengdur við rofa og er í raun bara með tvær stillingar en ekki svona ljóssvið einsog hann ætti að vera með. Einhver gáfulingur hafði líka múrað raflagnaefnið inn í vegginn. Að lokum kom í ljós að vandamálið með dimmerinn var líklega að Ásgeir hafði látið 40 w peru í þegar dimmerinn þarf að lágmarki 60 w. Voðalega er Ásgeir heppinn að eiga svona góðan vin.