Vefsamfélag í mismikilli virkni
Vísindamaður gengur í gegnum margvíslegar breytingar eftir að hafa kynnst konu. Það eru til örfá góð slagorð fyrir kvikmyndir. Aliens er augljósa dæmið. The Fly er líka í þessum hópi. Be afraid, Be very afraid David Cronenberg leikstýrði The Fly. Geena Davis og Jeff Goldblum leika aðalhlutverkin. Mel Brooks framleiddi. Chris Walas, nýbúinn að skapa … Halda áfram að lesa: The Fly (1986) ★★★★★👍👍🖖
Ungur rithöfundur verður ástfanginn af stjörnu Rauðu Myllunnar undir lok nítjándu aldar. Ég er beggja blands. Moulin Rouge! gerir svo margt skemmtilegt og fáránlegt. Sviðsmyndirnar eru oft rosalega flottar. Mörg lögin virka ákaflega vel í þessum víxlsöng. Síðan er gaman að heyra Queen-lag. Moulin Rouge! er fyrst og fremst of löng. Ástarsagan sjálf nær að … Halda áfram að lesa: Moulin Rouge (2001) ★★★⯪☆👍
Vanhæfur lögreglumaður álpast til þess að leysa málið. Kentucky Fried Move, Airplane, Top Secret!, Ruthless People og svo kom Naked Gun, fimmta myndin frá ZAZ-genginu, Zucker-Abrahams-Zucker. Fullur titill myndarinnar vísar í sjónvarpsþættina Police Squad frá árinu 1982. Það voru framleiddir heilir sex þættir en það þurfti bara fjóra til að sannfæra sjónvarpsstöðina um að enginn … Halda áfram að lesa: The Naked Gun: From the Files of Police Squad! (1988) ★★★⯪☆👍
Leikarar úr vinsælum geimþætti frá níunda áratugnum eru misskildir af alvöru geimverum. Árið 1999 var gott kvikmyndaár, í raun eitt af þeim allra bestu. Ég tók varla eftir Galaxy Quest í bíó en sá hana fljótlega eftir að hún á spólu. Mér þótti hún fyndin en held ég hafi ekki horft á hana oft. Þegar … Halda áfram að lesa: Galaxy Quest (1999) ★★★★★👍👍🖖
Sálfræðingur reynir að stoppa lögreglumann sem er ekki í nægilega góðu andlegu jafnvægi til að vinna starf sitt af ábyrgð. Richard Donner leikstýrir handriti eftir Shane Black með Mel Gibson og Danny Glover í aðalhlutverkum. Síðan er fjöldi kunnuglegra andlita í kring, þar af Gary Busey eftirminnilegastur sem sadískur ofbeldishrotti. Mig grunaði að Lethal Weapon … Halda áfram að lesa: Lethal Weapon (1987) ★★⯪☆☆🫴
Átján ára strákar vilja prufa kynlíf. Ég sá American Pie tvisvar í bíó á sínum tíma. Hún tók líka pláss í dægurmenningu síns tíma. Það er ein lína úr myndinni sem ég man eftir að hafa endurtekið óhóflega. … and one time, at band camp, … Það er vanmetið hve miklu máli skiptir að sjá … Halda áfram að lesa: American Pie (1999) ★★★★☆👍👍
Bandarískur leikari í Japan tekur að sér röð ólíkra hlutverka í lífi venjulegs fólks. Þó ég sé ekki viss um að þjónustan sé nákvæmlega eins og hún er sýnd í myndinni er Rental Family byggð á raunverulegu fyrirbæri. Sumsé, að leigja leikara til þess að taka að sér hlutverk í raunverulegu lífi. Þetta er ekki … Halda áfram að lesa: Rental Family (2025) ★★★★★👍👍
Sænskur rithöfundur hverfur en dagbókin hans gefur vísbendingar. Max von Sydow og Liv Ullman leika aðalhlutverkin í mynd Ingmar Bergman Vargtimmen sem er að mestu tekin á eyju leikstjórans Fårö. Vargtimmen er undarleg en ekki skemmtileg. Uppáhalds Bergman-myndirnar mínar eru fyndnar, oftast á myrkan hátt. Þessi hefði mátt við örlitlu gríni. Það eru nokkur góð … Halda áfram að lesa: Vargtimmen (1968) ★★★☆☆🫴
Asni lendir í ógöngum og er eiginlega Jesús. Marglofuð mynd Robert Bresson um asna sem heitir Balthazar. Líf hans er erfitt og það er einmitt erfitt að sjá honum reglulega misþyrmt. Ég eyddi áhorfinni í að reyna að sjá alla þessa djúpu merkingu sem á víst að leynast þarna. Lífið er erfitt og fólk er … Halda áfram að lesa: Au Hasard Balthazar (1966) ★★★☆☆🫴
Heimildarmynd um feril kvikmyndaframleiðandans og leikstjórans Roger Corman. Mögulega er Roger Corman áhrifamesti einstaklingur í bandarískri kvikmyndagerð á seinnihluta tuttugustu aldarinnar. Sem leikstjóri náði hann hæstu hæðum með kvikmyndum sem gerðar voru eftir sögum Edgar Allan Poe en sem framleiðandi ódýrra kvikmynda fóstraði hann hæfileika ótal ungra kvikmyndagerðarmanna og leikara. Í Corman’s World er talað … Halda áfram að lesa: Corman’s World (2011) ★★★★☆👍👍
Á meðan herforingjaklíkan í Argentínu byrjar að missa stjórn á landinu fer virðuleg kona að átta sig á að það er ekki allt sem sýnist í fjölskyldu hennar. Ég var ekki orðinn tíu ára þegar ég sá heimildarmynd um pyntingar og annan hrylling á tímum „skítuga stríðsins“ í Argentínu. Þær sögur hafa setið í mér. … Halda áfram að lesa: La historia oficial (1985) ★★★★⯪👍👍🖖
Titillinn er höskuldur, dauðadæmdur maður sleppur úr fangelsi. Un condamné à mort s’est échappé er fyrsta kvikmyndin sem ég hef séð eftir Robert Bresson. Mögulega ber Richard Linklater ábyrgð á því að ég lét vaða af því Bresson kemur fram sem persóna í Nouvelle Vague. Un condamné à mort s’est échappé byggir á sannsögulegri bók … Halda áfram að lesa: Un condamné à mort s’est échappé ou Le vent souffle où il veut (1956)★★★★⯪👍👍🖖
Ungt fólk með áhuga á útvarpstækni rannsakar grunsamlega atburði í smábæ í Bandaríkjunum á tímum geimkapphlaupsins. Mig langaði að líka betur við The Vast of Night. Vísindaskáldsskapmynd sem notar hugvit í stað dýrra tæknibrellna. Því miður er söguþráðurinn ekki nægilega trúverðugur og sérstaklega taka aðalpersónurnar undarlegar ákvarðanir einungis til að keyra myndina áfram. Óli gefur … Halda áfram að lesa: The Vast of Night (2019) ★★★☆☆🫴
Doktorsema dreymir um að hlaupa maraþon en lendir þess í stað í hringiðu leynimakks. Frægasta lína Marathon Man er ekki í myndinni. Dustin Hoffman hafði lært „method“ hjá leiklistarkennaranum Lee Strasberg. Ef þið þekkið það ekki þá hafið samt kannski heyrt um hvernig Daniel Day-Lewis heimtaði að fólk ávarpaði hann sem Lincoln við tökur á … Halda áfram að lesa: Marathon Man (1976) ★★★⯪☆👍
Skannar geta haft áhrif heilastarfsemi annars fólks og þá gerist ýmislegt skuggalegt. Einhvern veginn hafði ég aldrei séð Scanners en ég hef mjög lengi verið meðvitaður um frægasta atriði myndarinnar, jafnvel áður en vísað var í það í Wayne’s World. Leikstjóri Scanners er David Cronenberg og því kemur ekki sérstaklega á óvart að þetta er … Halda áfram að lesa: Scanners (1981)★★★⯪☆👍
Kóresk útvarpskona reynir að kveðja áheyrendur sína en sumir þeirra hafa ekki fengið nóg. Midnight FM er eiginlega bæði spennumynd og sálfræðileg hryllingsmynd. Það mætti segja að hún sé á svipuðu svæði og Se7en (sesevenen) án þess þó að vera endilega lík henni. Ég sat spenntur nær alla myndina og þegar henni lauk var ég … Halda áfram að lesa: Midnight FM / Simya-ui FM (2010) ★★★★☆👍
Sænsk film noir um andlát ungrar konu. Í Svíþjóð voru væntanlega engir einkaspæjarar þannig að við látum rithöfund duga. Hann er forvitinn um örlög ungu konunnar með goðaliljurnar og reynir að rekja sögu hennar. Flicka och hyacinter er sérstæð af því að þrátt fyrir að sagan sé ekki jafn ögrandi og hún var á sínum … Halda áfram að lesa: Flicka och hyacinter (1950) ★★★★☆👍👍
Suður-kóresk skrýmslamynd byggð á sannri sögu. Eitt skrýmsli Hýsilsins var í raun til og starfaði í líkhúsi bandarískrar herstöðvar. Albert L. McFarland skipaði undirmanni sínum að hella eitri í niðurfall þannig að því skolaði út í Han-fljótinu. Eftir mikil mótmæli í Suður-Kóreu var réttað yfir honum og hann dæmdur í hálfsárs fangelsi … en slapp … Halda áfram að lesa: Hýsillinn / The Host (2006) ★★★★☆👍👍
Áður en hún sver heit sín sem nunna þarf ung pólsk kona að átta sig á bakgrunni sínum. Ida er ótrúlega falleg svarthvít mynd. Rammarnir eru frábærir og 4:3 hlutfallið vel notað. Á köflum minnti myndin fagurfræðilega á stíl Agnès Varda. Leikstjóri myndarinnar er Paweł Pawlikowski. Agata Trzebuchowska leikur aðalhlutverkið og meðan ég horfði ímyndaði … Halda áfram að lesa: Ida (2013) ★★★★☆👍👍
Það kemur í ljós að Chevy Chase er ekki sérstaklega indæll. Fyrsta myndin sem ég elskaði með Chevy Chase var Seems Like Old Time. Ég átti hana á spólu og horfði á aftur og aftur. Ég treysti I’m Chevy Chase and You’re Not ekki sérstaklega af því að sá partur af henni sem fjallar um … Halda áfram að lesa: I’m Chevy Chase and You’re Not (2026)★★☆☆☆🫳
Fyrir um tveimur árum áttaði ég mig á hve mikið ég saknaði þess að horfa á kvikmyndir. Eitt af því fyrsta sem ég gerði var að búa til lista með kvikmyndum sem mig hefði alltaf langað til að horfa á og um leið myndir sem ég hafði misst af síðustu ár. Þó mér hafi tekist … Halda áfram að lesa: Hundrað sinnum í bíó og kvikmynd á hverjum degi (2025)
Eftir að skipi hans var sökkt lendir bandarískur sjóliði í rómantískum lygavef út í sveit. William Bibbiani í Critically Acclaimed hlaðvarpinu mælti með Christmas in Connecticut (frá 1945, ekki endurgerð Schwarzenagger). Mögulega kallaði hann þetta bestu jólamynd allra tíma. Christmas in Connecticut er eiginlega farsi þó takturinn sé ekki alveg jafn hraður í mörgum slíkum. … Halda áfram að lesa: Christmas in Connecticut (1945) ★★★★⯪👍👍🖖
Sambandsmál eru flókin í handanheimum. Eternity er á svipuðum slóðum og Albert Brooks myndin Defending My Life sem er oft talin vera frábær þó ég telji hana bara vera fína. Þessi samanburður er samt erfiður á köflum. Þó er vissulega verið að reyna að gera aðeins öðruvísi hluti. Satt best að segja hefur mér sjaldan … Halda áfram að lesa: Eternity (2025) ★★★⯪☆👍
Einn af uppáhalds listamönnunum í augnablikinu er Jose Naranja. Listin hans kemur í formi skissubóka og hann blandar saman texta, teikningum, kortum og tæknilegum teikningum. Mér finnst að skissubækurnar hans ættu vel heima í Wes Anderson mynd, þær eru mjög retró. Hér er heimasíðan hans https://josenaranja.blogspot.com/ Hér er umfjöllun um hann á This is colossal …
Maður á ekki einu sinni að vera í vinnunni í dag og sleppur naumlega við að vera skotinn til bana. Clerks er fyrsta mynd Kevin Smith. Sagan af gerð hennar er eiginlega jafnfræg henni sjálfri. Hún var fjármögnuð með sölu á teiknimyndasögusafni leikstjórans og ýmsum greiðslukortum.¹ Hún er svarthvít útaf djúpum listrænum ákvörðunum um að … Halda áfram að lesa: Clerks (1994) ★★★★★👍👍🖖
Kona þarf að kljást við fæðingarþunglyndi, einangrun og erfiðan eiginmann. Einhvers staðar sá ég þá gagnrýni að Die, My Love væri skrýtin til þess að vera skrýtin. Mér þykir það ekki sanngjarnt. Ég held að það sé skýr tilgangur með þessu öllu. Um leið er ég nokkuð viss um að myndin er ekki fyrir alla. … Halda áfram að lesa: Die My Love (2025) ★★★★⯪👍👍
Maður á engra annarra kosta völ en að taka þátt í hinu kapítalíska samfélagi. Dökk gamanmynd frá Park Chan-wook sem gerði m.a. Oldeuboi og skrifaði handritið að Uprising. Það eru mörg fyndin og flott atriði. Ádeilan er oft beitt. Einhvern veginn vonaði ég samt að No Other Choice myndi ná meiri hæðum, miðað við hvernig … Halda áfram að lesa: No Other Choice (2025) ★★★★☆👍
Tom Cruise þjáist af kynferðislegum vanmætti og ráfar um London New York þar sem hann hittir ýmsa litríka karaktera. Ég sá Eyes Wide Shut þegar hún kom út. Ég var ekki hrifinn. Núna sá ég hana aftur og féll ekki fyrir henni heldur. Ég reyndi að hafa augun opin fyrir að hann væri með lokuð … Halda áfram að lesa: Eyes Wide Shut (1999) ★☆☆☆☆👎
Kæru lesarar
Gleðileg jól og gæfuríkt nýtt ár.
Ég nýt jólanna hjá mömmu og pabba
Prúðuleikararnir ætla að eyða jólunum á sveitabæ í eigu mömmu Fossa. Þann 25. desember 1988 var Jólahátíð Prúðuleikara á dagskrá Sjónvarpsins. Líklega eina sýningin í íslensku sjónvarpi fyrr eða síðar. Lukkulega átti ég myndbandstæki. Þannig að A Muppet Family Christmas varð jólahefð. Þetta er ekki kvikmynd í fullri lengd þannig að á mínu heimili er … Halda áfram að lesa: A Muppet Family Christmas (1987)★★★★★👍👍🖖
Ef þið horfið á The Muppet Christmas Carol á DisneyPlús þá verðið þið að passa ykkur á að velja lengri útgáfuna sem er sett í „aukaefni“. Þegar Jim Henson lést langt fyrir aldur fram¹ var allt óvíst um framtíð Prúðuleikaranna. Hann virtist vera ómissandi þáttur í snilld þeirra. Mig grunar þó að ef fólk sé … Halda áfram að lesa: The Muppet Christmas Carol (1992)👍👍🖖
Þann 16 desember fór ég á jólatónleika hjá Sinfóníuhljómsveit Ísland í Hörpu. Félagsmönnum blindrafélagsins var boðið ásamt leikskólabörnum.ÞEkki get ég sagt að ég sé mikil jólamanneskja en ég hafði mjög gaman af þessu. Einnig dönsuðu nemendur í listdanssóla Íslands fyrir okkur. Þegar þetta er skrifað eru vetrarsólstöður. Ég er mjög fegin að daginn fer að …
Steliþjófur og öryggissérfræðingur stefna á að uppfylla boðskap jólanna með því að ræna frá hinum ríku og færa hinum þurfandi. Algjörlega fyrirsjáanleg jólamynd fær aukakraft frá sjarmerandi leikurum, þ.e. Olivia Holt (Totally Killer) og Connor Swindells (Sex Education). Peter Serafinowicz (Shaun of the Dead) á skilið að vera rændur. Michael Fimognari (To All the Boys … Halda áfram að lesa: Jingle Bell Heist (2025) ★★★☆☆👍
Sjónvarpsstjóri lærir lexíu af þremur öndum. Ekki kvakandi. Áður en Prúðuleikararnir eyðilögðu þetta fyrir öllum hinum var Scrooged uppáhaldsútgáfan mín af Jólasögu Dickens. Ekki að ég hafi séð margar áður. Ég elskaði líka Bill Murray. Scrooged er leikstýrt af Richard Donner (Superman) og tónlistin er eftir Danny Elfman (Batman). Það eru frægir leikarar í Scrooged. … Halda áfram að lesa: Scrooged (1988)★★★⯪☆👍👍
Ég heyrði af „SÓ“ áður en ég hóf nám við Menntaskólann á Akureyri. Orðspor hans var slíkt og mig hlakkaði sérstaklega til að komast í áfanga sem hann kenndi. Heimspekikennsla hans stóðst væntingar. Ég var reyndar ekki fyrirmyndarnemi. Sérstaklega náði ég að ergja hann með því að vitna mjög ítarlega í Gunnar Dal í ritgerð … Halda áfram að lesa: Sigurður Ólafsson (1951 – 2025)
Fallegar konur eiga í vandræðum í ástarlífinu og skiptast á húsum yfir jólin. Það er erfitt að gera mikið betri „svona“ mynd. Hún er sæt og ljúf jólamynd án sérstaks boðskaps. Sem er í góðu lagi. Nancy Meyers leikstýrir Cameron Diaz, Kate Winslet, Jude Law, Jack Black og auðvitað Eli Wallach. Maltin gefur ★★⯪☆ og … Halda áfram að lesa: The Holiday (2006) ★★★⯪☆👍👍
Fjölskylda ákveður að eyða vetrinum ein á afskekktu hóteli sem á sér litríka sögu. Ég las bókina Duld áður en ég sá myndina. Við vorum nokkrir í sjöunda bekk í Lundaskóla sem vorum að lesa Stephen King og einn þeirra lánaði mér bóksafnsbókina svo ég þyrfti ekki að fara á biðlista hjá Amtinu. Það var … Halda áfram að lesa: The Shining (1980) ★★★★★👍👍🖖
Sparisjóðsstjóri í vandræðum hefur lifað dásamlegu lífi. Árið 1994 ákvað Stöð 2 að sýna It’s a Wonderful Life á Aðfangadagskvöldi (en það er undarlegra að Hamlet frá 1990 var sýnd strax á eftir). Auðvitað horfði ég ekki „beint“ en ég tók hana upp á spólu. Þeim fannst sniðug hugmynd að sýna hana „litaða“, sumsé ferli … Halda áfram að lesa: It’s a Wonderful Life (1946)★★★★★👍👍🖖
Síbrotadrengur lærir um töfra lesturs. Í kvikmynd. Ég á ekki bíómiða en ég man sterkt eftir að hafa séð Söguna endalausu í bíó. Ég fletti því upp og hún var sýnd örfáa daga í Borgarbíó rétt fyrir jól árið 1985. Fjörtíu árum seinna fór ég aftur á hana með fjölskyldunni. Alveg var ég búinn að … Halda áfram að lesa: The NeverEnding Story (1984) ★★★☆☆👍
Ung stúlka leitar ásjár nágranna síns vegna þess að það hættulegt skrýmsli undir rúminu hennar. Í bíó núna. Ég þekki Bryan Fuller aðallega fyrir sjónvarpsþættina Pushing Daisies sem mér þóttu frábærir. En hann hefur líka skrifað Star Trek-þætti og er núna frægastur fyrir Hannibal-þættina (mannætan, ekki fílagaurinn). Þetta er fyrsta kvikmyndin sem hann gerir. Í … Halda áfram að lesa: Dust Bunny (2025) ★★★★★👍👍
Sherlock Holmes í bland við Fletch reynir að leysa fjárkúgunarmál. Í The Zero Effect leikur Bill Pullman einkaspæjara sem leysir flóknustu gáturnur í samstarfi við uppgjafalögfræðinginn Ben Stiller. Ryan O’Neal þarf á hjálp þeirra að halda. Kim Dickens og Angela Featherstone leika lykilhlutverk. Það er óneitanlega gaman að sjá Pullman í fyndnu hlutverki. Hann mæti … Halda áfram að lesa: Zero Effect (1998) ★★★★☆👍👍
Sönn saga af tilgerðarlegum kvikmyndagagnrýnanda sem dreymir um að verða tilgerðarlegur leikstjóri. Nouvelle Vague er kvikmynd um gerð kvikmyndar sem ég fílaði svo lítið að ég hef kallað hana Andleysi¹ Godard. Ég geri mér alveg grein fyrir því að À bout de souffle var byltingarkennd. Hún fór aðallega í taugarnar á mér. Af því það … Halda áfram að lesa: Nouvelle Vague (2025) ★★★★⯪👍👍
Skógarhöggsmaður þarf að takast á við ýmsar áskoranir í lífinu. Train Dreams er mynd sem vill vera djúp en tekst það aldrei almennilega. Mér leið ákaflega oft eins og það væri verið að mjólka tár úr mér og það tókst ekki (og það er auðveldara en þið haldið). Myndin er þó vissulega sorgleg og jafnvel … Halda áfram að lesa: Train Dreams (2025) ★★★⯪☆👍
Ungir Elvis-aðdáendur reyna að rækta ást sína í heimi sem elskar þau ekki. Wild At Heart var mikið gagnrýnd fyrir kynlíf og ofbeldi/ógeð. Sem er gott og gilt. Fólk hefur mismunandi mörk. Ef þið viljið ekki sjá svoleiðis þá er þetta ekki mynd fyrir ykkar. Ég hafði ekki séð Wild At Heart áður. Ég hef … Halda áfram að lesa: Wild At Heart (1990) ★★★★★👍👍🖖
Í dystópískri framtíð hefur dómstóll götunnar tekið yfir. Ég hef enga tengingu við Judge Dredd. Mögulega hef ég kíkt á einhverjar teiknimyndasögur en varla lesið. Ég sá þessa ekki á sínum tíma og sleppti líka endurgerðinni. Samkvæmt því sem ég hef lesið voru miklar deilur milli Sylvester Stallone og leikstjórans Danny Cannon um tón Judge … Halda áfram að lesa: Judge Dredd (1995) ★★★☆☆👍
Kanadísk stúlka sem er að fara að heiman í háskóla fær ráð frá konu sem hefur verið í hennar sporum. My Old Ass er hugljúf þroskasaga sem náði mér alveg. Aðalhlutverkið er leikið af Maisy Stella sem var víst í þáttunum Nashville (sem ég hef aldrei séð). Hún er frábær og náði að vinna mig … Halda áfram að lesa: My Old Ass (2024) ★★★★⯪👍👍
Þetta er eiginlega eins og Dallas¹ nema að það verður meira blóð en mátti sýna í bandarísku útsendingarsjónvarpi. Mér finnst Paul Thomas Anderson mistækur. Boogie Nights góð. Magnolia mehh. One Battle After Another gríðarlega ofmetin og ég trúi varla öðru en hún gangi fljótlega í gegnum endurmat. Þannig að ég reyndi bara að vera opinn … Halda áfram að lesa: There Will Be Blood (2007) ★★★★☆👍👍
Frjálshyggjan hefur náð að rústa Bandaríkjunum. Hvenær urðu kvikmyndir svona pólitískar? Ég sá ekki RoboCop fyrren fyrir nokkrum árum. Það var sífellt talað um allt ofbeldið í henni og ég hélt að það væri ekki mikið meira varið í hana. Líklega sannfærði höfundur Árabátarlöggunnar mig um að gefa henni séns. Paul Verhoven hefur yfirbragð og … Halda áfram að lesa: RoboCop (1987) ★★★★⯪👍👍🖖
Við fylgjumst með afmennskun nýrra bandarískra landgönguliða í þjálfunarbúðum og síðan hvernig þeir afneita mennsku Víetnama. Það er oft sagt að Full Metal Jacket þjáist af því að fyrri hlutinn sé mikið sterkari en sá seinni. Ég held að það sé ekki satt. Þó myndi ég segja að Vincent D’Onofrio og R. Lee Ermey séu … Halda áfram að lesa: Full Metal Jacket (1987)★★★★★👍👍🖖
Álag á hjónaband rithöfundar eykst þegar hann byrjar að endurskrifa handrit fyrir Hollywood-framleiðanda. Le mépris er oft hátt á listum yfir bestu myndir allra tíma. Hún er líka kvikmynd um að búa til kvikmyndir. Jean-Luc Godard hæðist að framleiðanda myndarinnar með froðukenndri persónu Jack Palance. Sá neyddi líka Godard til þess að setja inn nektaratriði … Halda áfram að lesa: Le mépris (1963) ★★★⯪☆👍
Ástarfimmhyrningur norna skapar allskonar leiðindi. Wicked er frábær söngleikur (sem ég hef séð þrisvar) sem hefur þann galla að vera fulllangur. Þannig að mér þótti kúnstugt að skipta verkinu í tvennt þar sem partarnir eru hvor um sig nærri jafn langir sviðsútgáfunni. Fyrri hlutinn af Wicked gekk betur upp vegna þess að hann er fyndnari … Halda áfram að lesa: Wicked – For Good (2025)★★★☆☆🫴
Hópur háskólastúdenta gengur til liðs við andspyrnuna gegn hernámi Japana í Seinni heimsstyrjöldinni. Leikstjóri Lust, Caution er Ang Lee. Í aðalhlutverkum eru Tony Leung (best þekktur fyrir að leika í myndum Won Kar-wai) og Tang Wei. Það er margt gott við Lust, Caution en hún er bara svo langdregin. Það er til útgáfa sem er … Halda áfram að lesa: Lust, Caution (2007) ★★⯪☆☆🫴
Valentínusardaginn árið 1900 fara ástralaskar skólastúlkur í lautartúr að jarðfræðiundrinu Ngannelong. Þú getur aldrei giskað hvað gerðist næst. Margrómuð kvikmynd frá ástralska leikstjóranum Peter Weir (sem ég mun ætíð tengja við Vitnið). Ég er ekki alveg hluti af margróma kórnum því mér þótti Picnic at Hanging Rock fín en ekki frábær. Það eru hlutar af … Halda áfram að lesa: Picnic at Hanging Rock (1975) ★★★☆☆👍
Við flækjumst um niðurnítt kvikmyndahús í Taípei og fylgjumst með starfsfólki og gestum í hversdagslegum athöfnum þeirra á meðan kvikmyndin Dragon Inn er sýnd í síðasta sinn. Þegar fyrstu orðin voru mælt af leikurum Goodbye, Dragon Inn athugaði ég og sá að það voru liðnar næstum 45 mínútur af kvikmyndinni. Hún var rúmlega hálfnuð. Það … Halda áfram að lesa: Goodbye, Dragon Inn (2003) ★★★★★👍👍
Ólíklegur hópur af bardagafólki kemur saman til að verja börn látins kínversks herforingja um miðja fimmtándu öld. Nú skortir mig þekkingu á kínverskum¹ bardagamyndum (í þessu tilfelli er undirflokkurinn wuxia) til að setja Dragon Inn í kvikmyndasögulegt samhengi. Þó get ég vel séð að hérna er verið að vinna með hugmyndir sem urðu mikilvægar í … Halda áfram að lesa: Dragon Inn (1967) ★★★★☆👍
Fyrrverandi andófsmaður telur sig hafa fundið manninn pyntaði hann meðan hann var í haldi íranskra stjórnvalda … en hann er ekki alveg viss. Í sýnishorninu var Un simple accident létt farsakennd¹ gamanmynd um erfitt málefni. Hún er vissulega fyndin á köflum en hún er líka þung og spyr spurninga um siðferðisleg álitamál. Meðan ég horfði … Halda áfram að lesa: Un simple accident (2025) ★★★★★👍👍
Glæpamaður sleppur úr fangelsi og þarf strax að takast á við erfiðar fjölskylduaðstæður og afleiðingar glæpaverka sinna. Af sýnishorninu að dæma átti Den Sidste Viking að vera létt og skemmtileg gamanmynd. Hún er í raun blóðug dökk gamanmynd og virkar ákaflega vel sem slík. Það sem mér þótti erfiðast var að geðsjúkdómurinn sem er í … Halda áfram að lesa: Den Sidste Viking (2025)★★★★☆👍
Fortíðin ásækir gamla víkinga sem frömdu ódæðisverk á árum áður. Það var ógurlega langt síðan ég hafði séð Hrafninn flýgur. Samt var ég alveg með augun opin en vildi sjá hana í háum gæðum. Þannig að það lá beint við að fara á hana í Bíó Paradís, sérstaklega þar sem var töluverður áhugi hjá öðrum … Halda áfram að lesa: Hrafninn flýgur (1984) ★★★⯪☆👍
Óhugnanlegur símadóni herjar á háskólastúdínur¹ sem búa saman í drungalegu húsi. Black Christmas lítur út eins og hún tilheyri bylgju kvikmynda sem komu í kjölfar Halloween. Í raun er hún nokkrum árum eldri. Mig grunar að ímynd mín af henni sé tengd því hvernig hún var markaðsett fyrir myndbandamarkaðinn. Black Christmas er ekki ódýr blóðug … Halda áfram að lesa: Black Christmas (1974) ★★★★⯪ 👍👍
Hver er hetja? Hver er skúrkur? Hverjum er ekki sama? Þar sem mér þótti Batman Begins betri en mig minnti var ég á varfærinn hátt bjartsýnn fyrir The Dark Knight. Mér þótti hún á sínum tíma betri en sú fyrsta og kannski yfirsást mér eitthvað sem myndi útskýra hvers vegna hún er í svona miklum … Halda áfram að lesa: The Dark Knight (2008) ★⯪☆☆☆👎
Fátækur en ofursvalur gaur mætir í banvænan raunveruleikasjónvarpsþátt og sýnir hve harður hann er. Flóttamaðurinn var ein af fyrstu bókum Stephen King sem ég las. Líklega sá ég myndina með Arnold Schwarzenegger fyrst. Hún var mjög góð lexía í því hvernig bækur breytast í Hollywood. Er sanngjarnt að meta kvikmynd út frá bókinni? Hiklaust. Það … Halda áfram að lesa: The Running Man (2025) ★⯪☆☆☆👎
Ríkur gaur reynir að komast yfir ótta sinn við fleyg spendýr. Fyrsta myndin í Dark Knight-þrennu Christopher Nolan var mótefni gegn myrkraverkum Joel Schumacher. Hún er mikið dekkri og alvarlegri sem kemur stundum í bakið á henni. Fyrsti hluti Batman Begins (byrjunin) fjallar um ferðalag sem Bruce Wayne tekur að hætti Sullivans í mynd Preston … Halda áfram að lesa: Batman Begins (2005)★★★☆☆👍
Heimildargerðarmaður tekur viðtal við goðsagnakennda leikkonu sem hefur lifað einangruðu lífi frá því hún yfirgaf sviðsljósið. Millennium Actress er japönskt teiknimynd eftir Satoshi Kon. Nú skortir mig allt samhengi því ég hef ekki séð neina af mörgum marglofuðum kvikmyndum hans fyrren nú. Líklega eru jólin rétti tíminn fyrir Tókýóíska guðfeður en mig langar líka að … Halda áfram að lesa: Millennium Actress (2001) ★★★★⯪👍👍
Leðurblökumaðurinn etur kappi við myrku spegilmynd sína á sama tíma og hann reynir að feta sig áfram í ástarlífinu. Árið 1990 fékk Joe Dante hrúgur af peningum frá Warner Bros. til að gera hvað hvað sem honum datt í hug með framhaldsmyndina af Gremlins. Árið 1992 fékk Tim Burton hrúgur af peningum frá Warner Bros. … Halda áfram að lesa: Batman Returns (1992) 👍👍🖖
Ungur drengur verður fyrir áfalli og sem fullorðinn maður reynir hann að fylla tómið með því að klæða sig í grímubúning. Í október 1989 var ég í Reykjavík í fimmtugsafmæli Hauks frænda. Það var ákveðið að við Starri og Aðalsteinn fengjum að fara í bíó. Það var ein mynd sem okkur þremur þótti langmest spennandi … Halda áfram að lesa: Batman (1989) 👍👍🖖
Hamingjusamur fjölskyldufaðir reynir að finna sér enn meiri hamingju. Le Bonheur er ekki það sem hún virðist vera. Hún er eitthvað meira. Þetta er dökk mynd. Eiginlega með þeim dekkstu. Hún er miskunnarlaus fordæming á karlrembu fransks samfélags. Það eru líka fleiri en ég sem hafa tekið eftir á að hún sé eiginlega rangt flokkuð … Halda áfram að lesa: Le Bonheur (1964) ★★★★★👍👍🖖
Frægri leikkonu er rænt og hún neydd til að koma fram í kvikmynd sem gagnrýnir Hollywood. Cecil B. Demented skartar Melanie Griffith í aðalhlutverki en þarna er líka fjöldinn allur af leikurum undir þrítugu sem voru ekki sérstaklega frægar á þeim tíma en hafa afrekað margt á síðasta aldarfjórðungi, s.s. Stephen Dorff, Maggie Gyllenhaal, Alicia … Halda áfram að lesa: Cecil B. Demented (2000) ★★★☆☆👍
Lögreglumaður rannsakar morð heillandi og fallegrar ungrar konu en það er ekki allt sem sýnist. Laura er mikils metin kvikmynd eftir Otto Preminger. Ég hef heyrt að hún hafi haft töluverð áhrif á David Lynch og að persónan Laura Palmer í Twin Peaks sé nefnd eftir titilpersónu myndarinnar. Þó ég vissi fyrirfram að Vincent Price … Halda áfram að lesa: Laura (1944) ★★★⯪☆👍
Söngkonan Cléo reynir að dreifa huga sínum meðan hún bíður slæmra frétta. Cléo de 5 à 7 rímar við Sans toit ni loi. Það var ekki eitthvað sem ég áttaði mig á þegar ég ákvað að horfa á tvær kvikmyndir eftir Agnès Varda með stuttu millibili. Cléo er nærri toppnum en Mona á botninum. Mögulega … Halda áfram að lesa: Cléo de 5 à 7 (1962) ★★★★⯪👍👍
Ung kona finnst látin í skurði og við heyrum frá fólki sem kynntist henni, til lengri og skemmri tíma, í aðdraganda andláts hennar. Sandrine Bonnaire leikur aðalhlutverkið í mynd Agnès Varda Sans toit ni loi. Á ensku er myndin kölluð Vagabond en íslenski titillinn Ekkert þak, engin lög er nær bókstaflegu merkingu frönskunnar. Mona er … Halda áfram að lesa: Sans toit ni loi (1985) ★★★★⯪👍👍
Ungt fólk ákveður að þiggja miðnæturheimsókn á dularfullt vaxmyndasafn. Waxwork veit að hún er ódýr hryllingsgamanmynd. Markmiðið var ekki að gera lélega mynd heldur skemmtilega mynd sem tekur sig ekki alvarlega. Hún nær ekki alveg að lenda. Hún er 93 mínútur og það hefði mátt skafa aðeins af henni. Þrátt fyrir það þótti mér hún … Halda áfram að lesa: Waxwork (1988) ★★★☆☆👍
Þrjár gamlar vinkonur ákveða að ná fram réttlæti gagnvart mönnunum sem hafa komið illa fram við þær. Á sínum tíma var The First Wives Club frekar byltingarkennd því þetta var mynd með eldri leikkonum (rétt rúmlega fimmtugum sumsé) í aðalhlutverkum. Hvers vegna myndi nokkur vilja horfa á þær? Auðvitað voru Diane Keaton¹, Goldie Hawn² og … Halda áfram að lesa: The First Wives Club (1996) ★★★⯪☆👍
Góðhjartaður glæpamaður á flótta er gómaður af fyrrverandi löggu sem hefur fimm daga til að koma honum frá New York til Los Angeles. Midnight Run var ein eftirlætismyndin mín á tímabili. Satt best að segja horfði ég nógu oft á hana til þess að ég var kominn með smá leið á henni. Síðan eru liðin … Halda áfram að lesa: Midnight Run (1988) ★★★★⯪👍👍
Tveir frændur hafa komist að þeirri niðurstöðu að forstjóri stórfyrirtækis eigi sök á því hve hræðilegt líf þeirra er og reyna að leysa vandamálið með ófyrirséðum afleiðingum. Þar sem ég var ákaflega hrifinn af Poor Things hafði ég töluverðar en kvíðablandnar væntingar til Bugonia sem er gerð af sama leikstjóra, Yorgos Lanthimos. Þetta var ekki … Halda áfram að lesa: Bugonia (2025) ★★★★★👍👍
Það eru krípí kríp að hrella háskólastúdenta um miðjan níunda áratuginn. Night of the Creeps er ein af þeim hryllingsmyndum frá þessu tímabili sem ég lét alveg fara framhjá mér. Þær höfðu flestar yfirbragð lélegra mynd. Það var mælt með myndinni í Critically Acclaimed, ekki sem stórkostlegri mynd heldur gott dæmi sinnar gerðar. Leikstjóri Night … Halda áfram að lesa: Night of the Creeps (1986) ★★★⯪☆👍👍
Ris og fall og endurkoma svikahrapps. The Wolf of Wall Street ætti að vera augljós viðvörun til fólks að treysta ekki svikahröppum á borð við þann sem Leonardo DiCaprio leikur. Um leið ættu áhorfendur að sjá að fjármálakerfið er spillt og þjónar aldrei hagsmunum almennings. Það er það sem ég held að Martin Scorsese vilji … Halda áfram að lesa: The Wolf of Wall Street (2013) ★★★⯪☆👍
Ung bandarísk dansmær fer til Vestur-Þýskalands til að læra ballet og fljótlega kemur í ljós að það er eitthvað skuggalegt á seyði í skólanum hennar. Satt best að segja var Suspiria ekki á stóra áhorfslistanum mínum. Mér þótti ólíklegt að hún myndi höfða til mín. Þó ákvað ég að drífa mig þegar hún var sýnd … Halda áfram að lesa: Suspiria (1977) ★★★★⯪👍👍🖖
Tveir Bandaríkjamenn eru beðnir ítrekað um að halda sig á veginum en fara þess í stað út á heiðina. Mér finnst eins og ég hafi einhvern tímann byrjað að horfa á An American Werewolf in London en gefist upp. Ekki í stuði væntanlega. Og síðan hef ég verið í minna stuði fyrir John Landis í … Halda áfram að lesa: An American Werewolf in London (1981) ★★★★☆👍👍
Graskerskóngurinn er útbrunninn og heldur að jólin muni færa honum hamingju. The Nightmare Before Christmas kom í bíó á Íslandi um jólin 1994 og fæstir tóku eftir henni. Ári seinna mælti Þórður Rafn sterklega með myndinni við mig þannig að ég greip hana um leið og ég sá spóluna í Vídeóver í Kaupangi. Það er … Halda áfram að lesa: The Nightmare Before Christmas (1993) ★★★★★👍👍🖖
Dystópía sem blandar saman vísindaskáldskap og film noir. Það er til mynd sem ég kalla stundum í pirringi mínum Andleysi Godard. Ég var ekki, alls ekki, hrifinn af henni þó margir virðist telja hana meistaraverk.¹ Þannig að ég hafði mínar efasemdir um Alphaville eftir Jean-Luc Godard. Aðalleikarar eru Eddie Constantine og hin danska Anna Karina … Halda áfram að lesa: Alphaville (1965) ★★★★⯪👍👍
Nokkrir kúrekar (bókstaflega að reka kýr) lenda í útistöðum við nautgripabarón. Hversu marga vestra hefur Kevin Costner gert? Fleiri en ég hef séð allavega. Open Range er það sem hefur verið kallað endurskoðunarvestri.¹ Mörk góðs og ills eru loðin og hetjurnar ófullkomnar. Besta atriði myndarinnar er einmitt þegar persónurnar deila um muninn á því að … Halda áfram að lesa: Open Range (2003) ★★★⯪☆👍
Marglofuð verðlaunamynd um þýska konu sem er grunuð um að hafa orðið eiginmanni sínum að bana. Mér þótti Anatomie d’une chute ekki standa undir nær tveimur og hálfum klukkutíma. Það er samt margt vel gert. Leikararnir eru góðir. Það eru áhugaverðar pælingar í Anatomie d’une chute. Hvað myndi fólk sjá ef það setti einkalíf þitt … Halda áfram að lesa: Anatomie d’une chute (2023) ★★★⯪☆👍
Tvær „ungar“ vampírur í New York þurfa að takast á við sambönd sín við mannfólkið, nýir og gamlir kærastar hrista upp í ólífi þeirra. Það rifjaðist upp fyrir mér að ég ætti eftir að sjá Vamps þegar hún var nefnd í þætti af Critically Acclaimed Network um bestu vampírumyndirnar. Alicia Silverstone og Krysten Ritter sem … Halda áfram að lesa: Vamps (2012) ★★★★⯪👍👍
Hrói höttur lendir í útistöðum við skósveina Jóns landlausa sem hefur tekið völdin á meðan Ríkharður ljónshjarta er utan þjónustusvæðis (eins og hann var eiginlega alltaf). The Adventures of Robin Hood er frumraun einnar frægustu stjörnu síns tíma. Ekki í aðalhlutverkinu, augljóslega. Hann er ekki einu sinni skráður sem leikari í myndinni og ef svo … Halda áfram að lesa: The Adventures of Robin Hood (1938)★★☆☆☆🫳
Ungur svikahrappur fær þjálfun frá sér reyndari hrappi til þess að framkvæma stórt svindl. Þegar ég sá The Sting fyrst, sem krakki, fannst mér hún frábær. Næst fannst mér hún óspennandi. Þetta var líklega þriðja skiptið. Þrátt fyrir að vera oft stillt upp sem klassísku tvíeyki á hvíta tjaldinu léku Paul Newman og Robert Redford … Halda áfram að lesa: The Sting (1973) ★★★⯪☆👍
Barnslegur maður leggur í háskaför í leit að reiðhjólinu sínu. Af einhverjum ástæðum tók það mig 40 ár að sjá Pee-wee’s Big Adventure. Hún hefur samt verið á listanum mínum í langan tíma. Þegar ég sá færi á að sjá hana í bíó fór ég og tók son og frænku með. Ég vissi samt fyrirfram … Halda áfram að lesa: Pee-wee’s Big Adventure (1985) ★★★★★👍👍🖖
Blaðamenn reyna að grennslast fyrir um hvort einhver nátengdur Nixon gæti mögulega kannski tengst ólöglegum gjörningum. All the President’s Men er gerð eftir samnefndri sannsögulegri bók Bob Woodward og Carl Bernstein um rannsókn þeirra á Watergate hneykslinu. Alan J. Pakula leikstýrir All the President’s Men. Dustin Hoffman og Robert Redford eru í aðalhlutverkum. Jason Robards, … Halda áfram að lesa: All the President’s Men (1976) ★★★★☆👍👍🖖
Ferkantað par með sprungið dekk leitar hjálpar í dularfullum kastala. Ég sá The Rocky Horror Picture Show í fyrsta skiptið í enskutíma Í Lundarskóla þegar ég var í sjöunda bekk. Þar áður spilaði ég tölvuleikinn á Amstrad. The Rocky Horror Picture Show er költmynd. Hún floppaði á sínum tíma en var uppgötvuð í miðnætursýningum¹ þar … Halda áfram að lesa: The Rocky Horror Picture Show (1975) ★★★★☆👍👍🖖
Brestir koma í vináttu tveggja manna á afskekktri írskri eyju á tímum borgarastríðsins. Inisherin er ekki alvöru eyja. Eyjurnar Inis Mór, Inis Meáin og Inis Oírr eru kallaðar Aran-eyjar. Þær liggja við vesturströnd Írlands og tilheyra Galway. Þær eru bæði afskekktar og sumir telja menninguna þar „ekta“. The Banshees of Inisherin gerist á hálfgerðri Aran-eyju. Brendan … Halda áfram að lesa: The Banshees of Inisherin (2022)★★★★★👍👍
Leikskáld finnur fyrir tengingu við leikkonu frá öðrum áratug tuttugustu aldar sem leiðir til tímaferðalags. Fyrra stóra vandamál Somewhere in Time er að hún er ógeðslega lengi að koma sér að efninu. Seinna stóra vandamálið er að ástarsagan er innihaldslaus. Þar sem myndin byggir á skáldsögu virðist líklegt að þetta sé bara beinagrindin og kjötið … Halda áfram að lesa: Somewhere in Time (1980) ★★☆☆☆🫳
Hópur ungra kvenna í háskóla reynir að hjálpa hinum þunglyndu og illa lyktandi. Ekki endilega sama fólkið en sama meðal. Whit Stillman er leikstjóri sem ég hef ekki fylgst með þannig að þegar ég heyrði talað um hann í hlaðvarpinu Critically Acclaimed ákvað ég að kíkja. Damsels in Distress var nefnd sem möguleg fyrsta mynd … Halda áfram að lesa: Damsels in Distress (2012) ★★★★☆👍👍
Lesa. Nýlega las ég the tainted cup eftir Robert Jackson Bennet. Þetta er ein besta fantasía sem ég hef lesið lengi (hef aðeins verið að lesa yfir mig í fantasíunum) Rannsóknarkona og aðstoðarmaður hennar rannsaka undarlegan dauða manns sem heilt tré hefur vaxið inn í. Þessi bók hefur allt sem ég hef gaman af galdrar, …
Tvær eldri systur sem áður böðuðu sig í sviðljósinu deila heimili og lifa í fortíðinni, hvor á sinn hátt. Af einhverjum ástæðum hélt ég að What Ever Happened to Baby Jane? væri meira alræmd en góð. Hún er auðvitað einna frægust fyrir deilur Joan Crawford og Bette Davis. Sú hófst löngu áður en tökur á … Halda áfram að lesa: What Ever Happened to Baby Jane? (1962) ★★★ ★★👍👍🖖
Brittany Murphy varð fræg eftir leik sinni í kvikmyndinni Clueless (sem ég myndi kalla eina bestu gamanmynd síns tíma og eina bestu unglingamynd allra tíma). Hún fékk nokkur góða dramatísk hlutverk en sjaldan í aðalhlutverki. Stærstu myndirnar hennar voru markaðsettar á slíkan hátt að ég taldi þær ekki fyrir mig. Ein af þeim var auðvitað … Halda áfram að lesa: Hvað gerðist Brittany Murphy (2021)
Tveir fjárhættuspilarar taka höndum saman til að taka þátt í pókermóti. Vega- og vinamynd. Rick Fleck og Anna Boden (Freaky Tales) skrifuðu og leikstýrðu Mississippi Grind. Í aðalhlutverkum eru Ryan Reynolds (Two Guys, a Girl and a Pizza Place) og Ben Mendelsohn (Freaky Tales). Í smærri hlutverkum eru Sienna Miller (High-Rise), Lio Tipton (Love Hurts), … Halda áfram að lesa: Mississippi Grind (2015) ★★⯪☆☆ 🫴
Tvær konur búa saman og það er eitthvað dularfullt á seyði en síðan kemur á skjáinn að myndin sé byggð á A Vampire Story eftir Moira Buffini (sem einnig skrifaði handritið) og öllum er sama um höskulda. Vampírumynd sumsé. Leikstjóri Byzantium er Neil Jordan sem er mögulega þekktastur fyrir aðra vampírumynd, en hann leikstýrði líka … Halda áfram að lesa: Byzantium (2012) ★★★★☆👍👍
Árið 1987 er eitthvað skrýtið á sveimi í Oakland og hér eru fjórar laustengdar sögur tengdar því. Hryllingsmynd? Kannski. Allavega töluvert blóð. Freaky Tales er skrifuð og leikstýrt af Rick Fleck og Anna Boden. Þau eru líklega frægust fyrir að hafa leikstýrt og verið meðal handritshöfunda Captain Marvel.¹ Þau hafa afrekað ýmislegt fleira sem er … Halda áfram að lesa: Freaky Tales (2025) ★★★★☆👍👍
Í kjölfar Seinni heimsstyrjaldar fréttir ungur rithöfundur af bókaklúbb sem varð til á Ermasundseyjunni Guernsey¹ á meðan hernámi Þjóðverja stóð, hún ákveður að kynna sér söguna. The Guernsey Literary and Potato Peel Pie Society er nafn sem ég er ekki viss um að ég vill síendurtaka eins og geri gjarnan í þessum dómum. Leikstjóri myndarinnar … Halda áfram að lesa: The Guernsey Literary and Potato Peel Pie Society (2018) ★★★★⯪ 👍👍
Nokkrum árum eftir endalok hungursneyðarinnar miklu er enskur hjúkrunarfræðingur¹ fenginn til að fylgjast með írskri kraftaverkastúlku sem hefur ekkert látið sér til munns í marga mánuði annað en mana af himnum. Anorexia mirabilis er ógeðfellt hugtak. The Wonder er líklega best flokkuð sem sálfræðileg hryllingsmynd og hún virkar ákaflega vel sem slík. Allavega á mig. … Halda áfram að lesa: The Wonder (2022) ★★★★★ 👍👍
Rithöfundur sem hatast við fyrrverandi eiginkonu sína kynnist einföldum manni sem hatar mömmu sína. Throw Momma From the Train er mynd sem ég hef oft hugsað um að horfa á en bjóst við svo litlu að ég lét það vera þar til núna. Eða svo hélt áður en myndin varð fullkunnugleg og ég fattaði að … Halda áfram að lesa: Throw Momma From the Train (1987) ★★⯪☆☆🫴