Vefsamfélag í mismikilli virkni
Í maí fórum ég og Þórný vinkona mín til Prag. Við eyddum 4 dögum í safnaráp, labb og skoðuðum marga fræga staði. Á meðal þeirra var Mucha safnið, Þjóðminjasafnið, gullgerðarsafnið, Franz Kafka styttuna, stjarnfræðiklukkan og Karlsbrúin. Við borðuðum mikið af góðum mat og kíktum aðeins í búðir. Ég keypti að mestu leyti bækur o bakpokinn …
Árið er 1978 og írskur maður er að kaupa vopn í Boston. Svo kemur babb í bátinn (skothríð sbr. titilinn). Ég hef það á tilfinningunni að undir réttum kringumstæðum hefði mér þótt Free Fire betri. Góðir leikarar eins og Cillian Murphy (sem stundaði nám við University College Cork hérumbil jafn lengi og ég) og Brie … Halda áfram að lesa: Free Fire (2016)🫴
Owen er mobbaður strákur í Los Alamos í Nýju Mexíkó í marsmánuði árið 1983. Endurgerð á Låt Den Rätte Komma In. Eftir að hafa horft á upprunalegu sænsku útgáfuna ákvað ég að lesa bókina (á sænsku) og kláraði hana í gærkvöldi. Þannig að ég gat dæmt um fullyrðingar um að bandaríska útgáfan væri 1) betri … Halda áfram að lesa: Let Me In (2010)👍
Er sverðið bölvað eða samúræinn sem notar það? Það eru margir mjög hrifnir af Dómsverðinu og hún er mjög fín. Ég sé bara ekki snilldina. Kannski er það að ég kaupi ekki aðalleikarann, Tatsuya Nakadai. Hann var á mörkunum að fara í taugarnar á mér í Yojimbo og í þetta skiptið fór hann stundum yfir … Halda áfram að lesa: Dai-bosatsu tôge / Sword of Doom (1966)👍
Bandarískur kúreki ferðast yfir hnöttinn tekur þátt í reiðkeppni til að sýna að hans blandaði sléttuhestur (mustang) sé jafn öflugur og þeir arabísku. Myndin er byggð á sannri sögu sem er ekki sönn. „Kúrekinn“ var til og skáldaði ævintýri, eins og margir aðrir. Það ergir mig í sjálfu sér ekki en mér finnst tónninn ekki … Halda áfram að lesa: Hidalgo (2004)🫳
Njósnarar bítast á í Berlín rétt fyrir fall Múrsins. Heimskuleg en skemmtileg hasarmynd sem hættir að vera skemmtileg þegar á líður þannig að vandræðalegur söguþráður fær að vera í forgrunni. Endirinn er kjánalegur. Sjarmi Charlize Theron, James McAvoy, John Goodman og Sofia Boutella nær ekki að bjarga myndinni. Skemmtileg tónlist samt og gaman að Berlín … Halda áfram að lesa: Atomic Blonde (2017)🫴
Ungt fólk í Seattle leitar ástarinnar. Ég hélt ég hefði séð þessa mynd en áttaði mig svo á því að ég er með undarlega meinloku þar sem ég rugla henni alltaf saman við Swingers. Þannig að ég ákvað að komast til botns í málinu. Eftir að hafa horft á myndina í þrjátíu mínútur fannst mér … Halda áfram að lesa: Singles (1992)🫴
Harmleikur skekur fjölskyldu og án uppgjörs mun enginn finna frið. Írsk teiknimynd aðallega ætluð börnum. Sögusviðið virðist¹ vera Donegal sem er lengst í norðvestri en þó hluti af lýðveldinu en ekki Norður-Írlandi (vegna þess að þarna eru kaþólikkar í meirihluta). Ætli titillinn sé ekki örugglega viljandi tvöfaldur. Þetta er vissulega söngur hafsins en það þarf … Halda áfram að lesa: Song of the Sea (2014)👍
Fimm fangar brjóta sér leið úr frönsku fangelsi. Þetta er ekki höskuldur þar sem þetta er sagt á fyrstu mínútunni. Byggt á sannri sögu Sumar myndir sýna okkur fangelsisflótta án samhengi. Í Le Trou fáum við að sjá vinnuna og skipulagið. Svita og áhættu. Tortryggni og traust. Ég fann í fljótu bragði engar upplýsingar um … Halda áfram að lesa: Le Trou (1960)👍👍🖖
Miðaldra maður lítur inn til nágranna og vina þar sem hann rifjar upp gömul kynni áður en hann syndir heim á leið. Súrealísk mynd sem hefur unnið á hjá kvikmyndaáhugafólki með tíð og tíma. Burt Lancaster er í aðalhlutverki. Ef þið hafið áhuga á heilli mynd þar sem hann er í þröngri sundskýlu þá þurfið … Halda áfram að lesa: The Swimmer (1968)👍👍🖖
Tólf ára mobbaður sænskur strákur kynnist nýjum og óvenjulegum nágranna snemma á níunda áratugnum í úthverfi Stokkhólms. Hryllingsmynd augljóslega. Þetta er snúningur á ákveðinni tegund af skrýmslamynd (sjá efnisorð ef þið viljið vita nánar) og bara vel heppnuð. Sænska sögusviðið er auðvitað skemmtilegt fyrir mig þar sem ég kannast við álíka hverfi þar í landi. … Halda áfram að lesa: Låt den rätte komma in (2008)👍👍
Ungir Þjóðverjar sjá fyrir sér skjótfengna dýrð með því að berjast fyrir föðurlandið í þessa örfáu mánuði sem mun taka að sigra fyrri heimsstyrjöldina (þeir vissu ekki að við myndum kalla stríðið þessu nafni). Byggt á þýsku sjálfsævisögulegu skáldsögunni Tíðindalaust á vesturvígstöðvunum. Eina stóra spurning kvikmyndasögunnar er hvort er hægt að gera mynd um stríð … Halda áfram að lesa: All Quiet on the Western Front (1930)👍👍🖖
Maður (Sam Rockwell) sinnir einn síns liðs viðhaldsvinnu á bækistöð á tunglinu. Hann er þjónustaður af gervigreindarvélmenni sem minnir töluvert á frægustu gervigreind kvikmyndasögunnar sem verður jafnvel skuggalegri en til var ætlast vegna þess hver er röddin hennar (Kevin Spacey). Leikstýrt af Duncan Jones, syni David Bowie. Það er ekki alveg allt sem sýnist og … Halda áfram að lesa: Moon (2009)👍👍
Brjálaðir Norðmenn valda óvæntum usla í kringum bandaríska rannsóknarstöð á Suðurskautslandinu og íbúar hennar þurfa að takast á við óvæntar afleiðingar. The Thing var í bíó og við feðgar skelltum okkur tveir. Venjulega eru áhorfendur á þessum eldri myndum á mínum aldri og uppúr en sonurinn oft sá yngsti. Í þetta skipti var mikið af … Halda áfram að lesa: The Thing (1982)👍👍🖖
Ungur maður kynnist unglegri konu en þið getið aldrei giskað hvað gerist næst. Reyndar er einfalt að giska, þetta er vampírumynd. Þessi mynd er í miklum metum hjá mörgum. Ég hins vegar og horfði og spurði sjálfan mig: Hvernig gætu svona vitlausar vampírur lifað í áratug eða meira en öld? Þær hefðu drepist innan mánaðar … Halda áfram að lesa: Near Dark (1987)🫳
Flækingur finnur barn og tekur það að sér. Nokkrum árum seinna fara yfirvöld að skipta sér að. Einfaldur söguþráður á mörkum þess að vera væminn en er of fyndin til þess að það pirri. Jackie Coogan hlýtur að teljast einn besti barnaleikari allra tíma. Það er frægt hvernig móðir hans og stjúpfaðir sólunduðu launum hans … Halda áfram að lesa: The Kid (1921)👍👍🖖
Ung stúlka á kreppuárunum missir móður sína en þekkir ekki pabba sinn. Mögulega er það biblíusölumaðurinn. Paper Moon hefur verið lengi á listanum en ég frestaði henni kannski af því ég var hræddur um að hún yrði óhóflega væmin. Hún er það ekki. Bara mjög hóflega. Auðvitað er Tatum O’Neal stjarna myndarinnar og eiginlega skrýtið … Halda áfram að lesa: Paper Moon (1973)👍👍🖖
Sikileyskur prins (hlébarðinn) reynir að tryggja stöðu sína og fjölskyldunnar í kjölfar sameiningar Ítalíu. Þetta er búningadrama sem er tegund af mynd sem ég er oft hrifinn af. Fín tveggja tíma mynd er því miður þrír klukkutímar. Burt Lancaster er fimmtugur prins sem er persóna sköpuð af hertoga nokkrum sem var bitur við lýðveldið, konungsdæmið, … Halda áfram að lesa: Il Gattopardo / Hlébarðinn / The Leopard (1963)🫴
Það er eitthvað gruggugt við þessa píranafiska. Kannski ætla þeir að éta stærri bráð. Fyrsta myndin sem Joe Dante leikstýrði einn. Þetta lítur ekki út fyrir að vera mynd sem ég fíla þannig að ég horfði ekki á hana. Fyrren núna. Piranha er framleidd af New World fyrirtæki Roger Corman. Dante var greinilega búinn að … Halda áfram að lesa: Piranha (1978)👍👍
Skólastjóri er hræddur um að rokk og ról tónlist sé að grafa undan valdi hennar og sker upp herör gegn tónlist og uppreisnargjörnum nemendum. Þetta er mynd sem ætti að vera klisja en gerir ástúðlegt grín að klisjum. Það að velja Ramones sem hljómsveitina sem uppreisnargjörnu unglingarnir elska er auðvitað sérstaklega gott val af því … Halda áfram að lesa: Rock ’n’ Roll High School (1979)👍👍
Móðir, sonur og hinn sonurinn flytja í smábæ. Þau kynnast sætri nágrannastelpu sem á sundlaug. Hvað gæti skyggt á líf þeirra? Hvað er óttast? Kannski dularfulla holan í kjallaranum. The Hole er mynd með óljóst ártal. Hún fór á kvikmyndahátíðir 2009 en fór ekki í bíó fyrren árið 2012 og þá mjög takmarkaða dreifingu. Hún … Halda áfram að lesa: The Hole (2012)👍👍
Gervimenni dreyma um rafkindur. Mögulega. Þeim leyndardómi er ekki svarað í myndinni. Nú er ég ekki alveg viss hvaða útgáfu af Blade Runner ég sá á sínum. Það er vandamál með þessar myndir þar sem þarf að stúdera hvaða útgáfu á að velja. Þá sem var til í Videover í Kaupangi. Það áhorf skildi ekki … Halda áfram að lesa: Blade Runner (1982) Final Cut👍👍🖖
Gaur er í sambandi með konu sem deyr. Hann kynnist annarri konu en hans fyrrverandi snýr aftur sem uppvakningur. Burying the Ex er mynd sem ég hef forðast af því hún öskrar á mig sem hún sé léleg. Og hún er léleg. Handritið virðist hálfklárað. Persónurnar eru allar svo ömurlegar að mér er sama hvernig … Halda áfram að lesa: Burying the Ex (2014)👎
Kona kynnist karli og síðan öðrum karli og amma hennar er mjög innvínkluð í þetta allt saman.
Kannski gefur Criterion-lógó óhóflegar vonir, þó ég viti að það hafi líka komið algert drasl þaðan. Þetta er samt fín mynd og oft fyndin en ekki mikið meira e…
Stelpa úr San Fernando dalnum hittir nýrómantískan pönkari frá Hollywood sem passar ekki í vinahópinn hennar. Mun ástin sigra? Hverjum er ekki sama? Það að Frank Zappa tekið upp lag sem hæddist að talsmáta dóttur sinnar Moon og vina hennar þykir mér frekar aumt. Þessi mynd er síðan afsprengi lagsins Valley Girl. Stelpurnar hérna nota … Halda áfram að lesa: Valley Girl (1982)👎
Spútnik svífur í kringum Jörðina og þrjár unglingsstúlkur neyðast til að strjúka að heiman og lenda í ævintýrum. Sjónvarpsmyndarendurgerð samnefndrar B-myndar um táninga á villigötum frá árinu 1956. Leikstýrt af Joe Dante. Það sem er áhugaverðast við Runaway Daughters er tengingin við kvikmyndina Matinee (1994). Báðar gerast í kringum stórviðburði í Kalda stríðinu og eru … Halda áfram að lesa: Runaway Daughters (1994)👍
Sex ótengdar sögur sem gerast þegar Bandamenn eru að berjast um að ná Ítalíu úr höndum Þjóðverja. Samskipti Bandaríkjamanna við innfædda, bæði þeirra sem tilheyra andspyrnuhreyfingunni og venjulegs fólks, er í forgrunni í öllum sögunum. Ég held að Sveitungi sé kannski besta þýðinginn á titlinum. Þematískt framhald Roberto Rossellini af Róm, opin borg (Fellini aftur … Halda áfram að lesa: Paisà (1946)👍
Ólíklegar hetjur. Lyf til að búa til ofurhetjur. Frumlegt sko. Mér líkar við Florence Pugh og David Harbour þannig að ég ákvað að taka áhættuna á að sjá Marvel-mynd. Byrjar ágætlega. Einhverjir fyndnir brandarar. Síðan fer þetta í allt að „lemja, sparka, skjóta, springa, hrynja“ gírinn sem ég skil ekki að fólki þyki spennandi af … Halda áfram að lesa: Thunderbolts* (2025)🫳
{132-100-55-36}
Þyrnirós. Þið vitið.
Satt best að segja hélt ég að ég væri löngu búinn að sjá þessa mynd en svo var ekki. Malicifent er eina áhugaverða persónan í myndinni og það gæti bara verið í samhengi við allar hinar.
Myndin er bólstruð. Hún er stutt en þó of lön…
Hersforingi hertekur Alcatraz og gerir frekar sanngjarnar kröfur ella muni hann tortíma San Francisco. Efnavopnasérfræðingurinn Nick Cage og gamall fangi af Grjótinu taka þátt í einhvers konar björgunarleiðrangri. Þolanlega heimskuleg. Sko, strax í upphafi The Rock sjáum við Cage ógeðslega töff reyna að aftengja efnavopn sem var af einhverri óskiljanlegri ástæðu flutt yfir hálfan heiminn, … Halda áfram að lesa: The Rock (1996)👍
{130-ø-ø-35}
Raðmorðingi ungra ljóshærðra kvenna leikur lausum hala í Lundúnum og eldri hjón taka inn sérvitran leigjanda. Er ljóshærða dóttir þeirra örugg? Fyrsta spennumynd Hitchcock (heimild: Maltin). Það er heillandi að sjá að hann var strax farinn að vinna með formið. Svo fannst mér stundum einsog hann væri að vísa í Nosferatu með því hvernig skuggar … Halda áfram að lesa: The Lodger: A Story of the London Fog (1927)👍👍🖖
{129-98-ø-ø}
Stúlka sem er hugfanginn af Lundúnum sjöunda áratugarins, Karnabæ og slíku, flytur til Lundúna samtímans til að þess að læra tískuhönnun en raunverulega lexían er sú að nostalgían er betri en raunveruleikinn. Mér finnst betra að vita sem minnst um myndir fyrirfram. Ég vissi bara að þetta væri mynd eftir Edgar Wright sem hefði hlotið … Halda áfram að lesa: Last Night in Soho (2021)👍👍
{128-97-ø-ø}
Sextán ára snillingur fer í háskóla og kynnist þar aðeins eldri snillingi sem er á mörkunum að lesa yfir sig. Þeir vinna saman að verkefni sem hefur annan tilgang en þá grunar. Það er leisargeisli sem notaður er sem vopn. Það er ekki höskuldur, það er bókstaflega opnunaratriðið. Kannski hefði það virkað betur sem leyndardómur, … Halda áfram að lesa: Real Genius (1985)👍👍
{127-ø-ø-ø}
Sprengjuóður Íri og bandíti verða ólíklegir félagar í mexíkönsku byltingunni. Leikstýrt af Sergio Leone og er annað hvort spagettívestri eða á mörkunum að vera það. Hvað á að kalla myndina? Giù la testa? Duck, You Sucker? A Fistful of Dynamite? Upprunalega planið var víst Once Upon a Time During the Revolution sem tengir hana bæði … Halda áfram að lesa: Giù la testa / Hnefafylli af dínamíti (1971)👍
{126-96-ø-ø}
Auðnuleysingi í hipsterahverfinu Silver Lake í Los Angeles flækir sig í dularfull mál, morð og samsæri. Framan af var ég ákaflega ánægður með Under the Silver Lake. Hún er, svipað og Brick, uppfull af beinum og óbeinum vísunum í Noir myndir en líka Hitchcock og Lynch. Samband aðalpersónunnar við nágranna sína er sérstaklega skemmtilegt sem … Halda áfram að lesa: Under the Silver Lake (2018)👍
{125-95-ø-ø}
Við fylgjumst með venjulegu fólki og meðlimum andspyrnunnar í Róm undir lok þess tíma sem borgin var undir stjórn Þjóðverja. Leikstýrt af Roberto Rossellini sem skrifaði handritið ásamt, meðal annars, Federico Fellini. Framleiðsla Roma, città aperta hófst nærri því um leið og Bandaríkjamenn frelsuðu Róm. Myndin er tekin upp á götum þar sem nasistar höfðu … Halda áfram að lesa: Roma, città aperta / Róm, opin borg (1945)👍👍🖖
{124-94-ø-ø}
Morð og fjárkúgun, fer líka inn á óþægilegri slóðir. Fyrsta enska talmyndin (en ekki fyrsta talmyndin á ensku) og myndin þar sem Hitchcock skipti yfir í hljóðmyndir, í miðjum klíðum. Maltin segir að þögla útgáfan af Blackmail sé betri en ég er bara svolítið hrifinn af því hvernig hljóðið er unnið í myndinni, þó það … Halda áfram að lesa: Blackmail (1929) 👍👍🖖
{123-93-ø-ø}
Kona (Rose Byrne) erkiaðdáanda (Chris O’Dowd) rokkstjörnu tíunda áratugarins hættir með honum og kynnist rokkstjörnunni (Ethan Hawke). Ekki vera svekkt þó það sé engin nekt. Ég hef lengi verið óljóst meðvitaður um Juliet, Naked og verið með jafn óljóst markmið um að horfa á hana. Þannig að ég skellti henni í tækið (ýtti á play) … Halda áfram að lesa: Juliet, Naked (2018)👍👍
{122-92-ø-ø}
Gift kona verður ástfanginn af giftum lækni og þau upplifa ýmsar tilfinningar. Þá hef ég séð myndir frá hverju einasta ári frá 1930 til 2025. Sumsé, ég valdi Brief Encounter ekki af einstökum áhuga þó hún sé talin klassísk. Kannski er hún það. Yfirborðsagan er góð en það að heyra hugsanir konunnar er ekki að … Halda áfram að lesa: Brief Encounter (1945)👍
{120-91-ø-ø}
Besta skyttan í Vestrinu ætlar að setjast í helgan stein, sem er voðalegt orðatiltæki, en yngri maður reynir að sannfæra hann um að hætta með hvelli. Á fyrstu árunum eftir að það kom myndbandstæki á heimilið voru myndir Bud Spencer (Carlo Pedersoli) og Terence Hill (Mario Girotti) ákaflega vinsælar. Ég held ég hafi séð flestar … Halda áfram að lesa: Il mio nome è Nessuno / My Name is Nobody (1973)👍👍
{119-ø-ø-ø}
Illur útgáfurisi þarf að finna nýja vinsæla hljómsveit til að markaðsetja til krakka og finna Josie and the Pussycats. Josie and the Pussycats koma upphaflega úr Archie teiknimyndablöðunum en mig grunar að fleiri hérlendis viti það nú en þá út af Riverdale. Mín helst tenging við Josie and the Pussycats er að kunna utanað ljóðið … Halda áfram að lesa: Josie and the Pussycats (2001)👍👍
{118-90-ø-ø}
Par eitt fer á einstakan veitingastað en það kemur á óvart hvað er á matseðlinum. Svört gamanmynd. Ég sá hana án þess að vita nokkuð meir. The Menu er fyrst og fremst fyndin. Það vottar við fyrir þjóðfélagslegri gagnrýni en það er ekkert aðalatriði. Það er líka gert, að mestu góðlátlegt, grín að matarsnobbi. Anya … Halda áfram að lesa: The Menu (2022)👍👍
{117-89-ø-ø}
Vegna misskilnings eru tveir vonlausir söngvarar taldir vera frábærir þjófar. Þeir eru neyddir til þess að ræna fyrir mafíósa.
Þessi mynd hefði getað verið algjörlega vonlaus. En leikararnir hífa hana upp. Það eru, meðal annars, Sam Rockwell, Steve Zah…
Úthverfafólk verður tortryggið í garð nýrra nágranna vegna undarlegrar hegðunar. Mynd frá leikstjóranum Joe Dante með Tom Hanks í aðalhlutverki. Þó The ‘Burbs sé ekki í jafn miklu uppáhaldi hjá mér og Gremlins myndirnar eða Matinee (eða jafnvel Small Soldiers?) hef ég séð hana ótal sinnum. Hún er fyndin en er líka ádeila á sataníska … Halda áfram að lesa: The ‘Burbs (1989)👍👍
{115-ø-ø-ø}
Maður sem hefur ekki náð að blómstra eftir að skóla lauk ákveður að endurlifa besta kvöld lífs síns með (þáverandi) bestu vinum sínum. Það fer ýmislegt á annan veg en hann bjóst við. Einhvern tímann mun mér takast að fullkomna hallærislegu ágripin af söguþræði kvikmynda. The World’s End (2013) er þriðja kornettómynd. Mér þótti hún … Halda áfram að lesa: The World’s End (2013)👍
{114-ø-ø-ø}
Faðir reynir að komast heim til konu og barns en lendir í ótrúlegustu ævintýrum með ýmsum skrautlegum karakterum sem eiga sér margvísleg og ansi óvenjuleg áhugamál. Söguþráðurinn er fáránlegur og persónurnar eru hálfgerðar teiknimyndafígurur. Myndin er á köflum hálfpólitísk en rokkar á milli og er því hvorki né. Af hverju líkar mér við þessu stórheimskulegu … Halda áfram að lesa: Con Air (1997)👍👍
{113-ø-ø-34}
Tvíburarar snúa aftur í heimahaga til þess að stofna skemmtistað en fljótlega gerast dularfullir atburðir. Ég ætla sumsé ekki að segja nákvæmlega. Satt best að segja er það tónlistin sem lyftir kvikmyndinni upp. Aðallega blús en ekki eingöngu. Skondið að sjá nafn Ludwig Göransson þarna. Hann hafði ekki búið lengi í Bandaríkjunum þegar hann byrjaði … Halda áfram að lesa: Sinners 2025👍👍
{112-87-54-33}
Vinur Philip Marlowe er í vandræðum og einkaspæjarinn flækist í málin. Þar sem við erum vön Bogart í þessu hlutverki er svolítið erfitt að venjast Elliott Gould hérna hérna. Hann er meira linsoðinn og myndin er hálfgerð skopstæling á köflum. Ég er smá klofinn í afstöðu minni til The Long Goodbye (1973). Mér fannst hún … Halda áfram að lesa: The Long Goodbye (1973)👍
{111-86-ø-ø}
Ég var búinn að ákveða að horfa á Palm Springs án þess að vita um hvað hún væri. En síðan var það í fyrradag sem ég heyrði einhvern nefna „þetta er eins og [fræg kvikmynd] nema að …“. Ég náði samt að setjast niður og horfa án þess að muna þetta. Fyrren auðvitað að „X“ … Halda áfram að lesa: Palm Springs (2020)👍👍
{110-85-ø-ø}
Þetta er einskonar Frankenstein. Hryllingur, vísindaskáldskapur, grín, gufupönk og töfraraunsæi. Skrýtin en góð skrýtin. Ekki fyrir alla (varla einu sinni flesta). Ég hef bara séð The Favourite af myndum Yorgos Lanthimos og var ekki jafn hrifinn og margir. Ég hafði ekkert á móti henni, alveg einn þumall upp en ekki mikið meira en það. Það … Halda áfram að lesa: Poor Things (2023)👍👍
{109-84-53-ø}
Tækni fyrir vopn er notuð í leikfangaframleiðslu og strákur þarf að takast á við herskáa tindáta (plastdáta). Blanda af tölvuteiknimynd, stopphreyfingu og lifandi myndum. Ég er yfirlýstur aðdáandi Joe Dante en þegar auglýsingar fóru að birtast fyrir myndina Small Soldiers varð ég hissa og hræddur, mjög hræddur. Hún leit skelfilega út. Einhver undarleg eftiröpun á … Halda áfram að lesa: Small Soldiers (1998)👍👍
{108-83-ø-ø}
Myndin gerist árið 1885 í Villta vestrinu. Lögreglustjóri lítils bæjar er fjarverandi þegar fréttir berast um að bóndi í grenndinni hafi verið myrtur. Bæjarbúar hafa engin umsvif en vilja leita morðingjann uppi og taka hann af lífi án dóms og laga.[#] Ég valdi að horfa á The Ox-Bow Incident af einfaldri ástæðu. Á yfirliti mínu … Halda áfram að lesa: The Ox-Bow Incident (1943)👍👍🖖
{107-82-ø-ø}
Hvað ef þú myndir bara myrða andstyggilega fólkið? Raunveruleikasjónvarpsdómara? Haturspredikara? Mér líkar við Bob(cat) Goldthwait en ég hef alltaf verið svolítið efins um kvikmyndirnar sem hann hefur leikstýrt og því forðast þær. Þessi ádeila virkar ekki fyrir mig. Hún er eins og minna stíleseruð Natural Born Killers. Samt er ég á því að atriðið í … Halda áfram að lesa: God Bless America (2012)🫳
{106-81-ø-ø}
Glæpasamtök langt í framtíðinni nota tímaferðalög skemmra í framtíðinni til að vinna fyrir sig skítaverkin. Önnur mynd (sjá Brick) eftir Rian Johnson og aftur með Joseph Gordon-Levitt í aðalhlutverki. Bruce Willis lokar síðan lúppu með því að mæta aftur í tímaferðalagsmynd. Ég var mjög hrifinn. Söguþráðurinn er flækja og þó ég hafi setið eftir með … Halda áfram að lesa: Looper (2012)👍👍
{105-80-ø-ø}
Ég veit ekki hvernig ég ætti að súmmera upp söguþráðinn. Það eru margir þræðir. Nashville er stútfull af kunnuglegum andlitum (og höndum) þessa tíma. Scott Glenn, Julie Christie, Henry Gibson, Lily Tomlin, Geraldine Chaplin, Karen Black, Shelley Duvall, Ned Beatty, Elliott Gould… Þegar hendurnar á Jeff Goldblum birtust þekkti ég þær strax. Skrýtið. Ég get … Halda áfram að lesa: Nashville (1975)👍🖖
{104-79-ø-ø}
Maður með fortíð (ekki sérstaklega spennandi) finnur sér samastað í karnivali. Hann heldur áfram og gerir hluti og missir áhuga minn. Of löng. Kannski hefði þetta verið skárra með betri aðalleikara. Bradley Cooper gerir lítið fyrir mig. Í kringum hann eru góðir og skemmtilegir leikarar Willem Dafoe, Ron Perlman, Toni Collette, David Strathairn, Richard Jenkins … Halda áfram að lesa: Nightmare Alley (2021)🫳
{103-78-ø-ø}
Kapteinn á eftirlaunum fær leyfi til að reyna að rækta land á jósku heiðunum um miðja átjándu öld en lendir í útistöðum við aðalsmann í nágrenninu. Myndin snýst um stétt og stöðu, kynjamisrétti og fordóma. Myndin gerist á tímum Friðriks V Danakonungs sem er sýndur sem velmeinandi fyllibytta sem er að minnsta kosti hálfur sannleikur … Halda áfram að lesa: Bastarden (2023)👍👍
{102-77-52-ø}
Unglingur rannsakar morð fyrrverandi kærustu sinnar. Allt í Film Noir stíl en söguviðið er venjulegur „framhaldsskóli“ í Bandaríkjunum. Rian Johnson gerði bestu myndina í síðasta Star Wars þríleiknum. Hann reyndi að brjóta upp mynstrið og bæta við syndir forkvalanna. Því miður guggnaði Disney og leyfði hinum andlausa J.J. Abrams að snúa aftur og eltast við … Halda áfram að lesa: Brick (2006)👍
{101-76-ø-ø}
Maxine er búin að sigra heim listrænna kvikmynda og snýr sér að meginstraumskvikmyndum. Þá bankar fortíðin upp á. Framhald af X og Pearl. Þessi er alls ekki fyrir alla frekar en hinar myndirnar í seríunni Þetta er uppáhaldsmyndin mín í seríunni. Sem er ekki almenn skoðun. Þeir dómar frá almennum áhorfendum gefa til kynna að … Halda áfram að lesa: MaXXXine (2024) 👍👍
{100-75-51-ø}
Þegar kemur að stjörnugjöf er ég alveg vonlaus. Satt best að segja eru stjörnur vonlausar (sérstaklega í heimi þar sem fjórar stjörnur eru túlkaðar sem meinfýsin árás). Þær geta í besta falli náð að endurspegla skoðanir þess sem gefur stjörnurnar. Jafnvel innan þess samhengis erum við, flest allavega, oft ósamkvæm sjálfum okkur. Við erum ekki … Halda áfram að lesa: Stjörnur og önnur einkunnagjöf
Tölvu- og öryggissérfræðingur hjá CIA verður fyrir persónulegu áfalli og hyggur á hefndir. Það má alveg horfa á þessa mynd. Hún var aldrei leiðinleg, jafnvel þó sýnishornin sýnt full mikið. Rami Malek er það besta við hana. Höskuldaívaf hér eftir en ekki alvarlegt. Við vitum að amatörasérfræðingurinn er ógeðslega gáfaður. Okkur er nefnilega sagt að … Halda áfram að lesa: The Amateur (2025)🫴
{99-74-ø-32}
Francis Ford Coppola er mikið fyrir að breyta og reyna að bæta myndir sínar. Það tekst misvel. Apocalypse Now er betri án fiðurfés. Ég var hins vegar mjög ánægður með Cotton Club Encore, þó með þeim fyrirvara að ég hef ekki raunverulegan samanburð við þá upprunalegu. Þriðja Godfather-myndin fékk skelfilega dóma og ég vissi það … Halda áfram að lesa: Godfather Coda: The Death Of Michael Corleone (1990/2020)👍
{98-74-ø-31}
Lengsti dagurinn stendur undir nafni. Þetta eru þrír klukkutímar sem ég fann fyrir og var ekki alveg að nenna. Myndin er endurtekningasöm. Við þurfum að gefa öllum kvikmyndastjörnunum tækifæri á að vera svalar í mynd. Svona eins og allar ofurhetjurnar þurfa að fá góðan tíma í Marvelmyndum. Það eru vissulega margir frægar leikarar í myndinni. … Halda áfram að lesa: The Longest Day (1962)🫴
{97-73-ø-30}
Árið er 1922. Gypo hefur verið rekinn úr írska lýðveldishernum (þeim upphaflega) í miðju frelsisstríði Íra. Hann vill gera vel við stúlkuna sína en á enga peninga. Þá sér hann veggspjald þar sem lofað er verðlaunum fyrir upplýsingar um dvalarstað félaga hans. Einhvers staðar heyrði ég að The Informer væri ein fyrsta verulega góða mynd … Halda áfram að lesa: The Informer (1935)🫳
{96-72-ø-ø}
Herforingi er svikinn af nýjum keisara, fjölskylda hans myrt og hann endar sem skylmingaþrælll sem ögrar keisaranum með því vera súper dúper frábær í að drepa aðra þræla. Vissuð þið að Gladiator er ekki sögulega nákvæm? Ótrúlegt alveg. Ég held ég hafi ekki séð myndina frá því ég fór á hana í bíó þann ellefta … Halda áfram að lesa: Gladiator (2000)🫴
{95-ø-ø-ø}
Uppvakningagrínmynd. Ólíklegur hópur einstaklinga ákveður að ferðast saman um stund. Mörg fyndin atriði. Leikararnir flottir. Emma Stone, Woody Harrelson, Jesse Eisenberg og Abigail Breslin (stelpan úr Little Miss Sunshine). Þar til að kom að lokauppgjörinu. Það virkaði á mig eins og einhver hefði séð fyrir sér nákvæmlega hvernig það yrði og því þröngvað fram þær … Halda áfram að lesa: Zombieland (2009)🫴
{94-71-ø-ø}
Starfsfólk Tékkóslóvakíska útvarpsins ögrar ritskoðunartilburðum ríkisstjórnarinnar í aðdraganda Vorsins í Prag (1968). Myndin var sýnd til minningar um Ásgeir vin minn. Þegar hann fékk fréttirnar um að hann væri með krabbamein bauð hann systur sinni og mömmu á þessa mynd sem hann hafði þá þegar séð. Þessi mynd var líka á lista hans yfir bestu … Halda áfram að lesa: Vlny / Öldur (2024) 👍👍
{93-70-50-29}
Frances McDormand leikur ekkju sem hefur misst heimili sitt. Hún býr í sendiferðabíl og notar hann til að ferðast um Bandaríkin og vinna sem farandverkamaður. Hún tilheyrir samfélagi flakkara og við kynnumst ýmsum úr hennar heimi. Margir þeirra eru að leika sig sjálfa (eða útgáfu af sjálfum sér). Það eru líka ýmsir atvinnuleikarar með og … Halda áfram að lesa: Nomadland (2020) 👍👍
{92-69-ø-ø}
Leikstjóri rifjar upp æsku og uppvöxt, sér í lagi í tengslum við kvikmyndahúsið (Nuovo) Cinema Paradiso. Ég sá þessa ekki í bíó á sínum tíma en heyrði líklega fyrst um hana þegar hún fékk Óskarinn sem besta erlenda myndin (fyrir) árið 1989. Líklega sá ég hana fyrst á RÚV þann 25. desember 1992. Myndin náði … Halda áfram að lesa: Nuovo Cinema Paradiso (1988) 👍👍🖖
{91-ø-ø-29}
Hvor er betri? Godfather eða Godfather part II? Ég hef aldrei getað svarað því. Ég lít eiginlega á þær sem heild. Höskuldar, varist ef þið hafið ekki séð. Því verður samt ekki neitað að uppbygging kvikmyndarinnar er mögnuð. Sögum feðganna er fléttað saman. Vito Corleone flýr Sikiley eftir að fjölskylda hans hefur verið myrt og … Halda áfram að lesa: The Godfather Part II (1974)👍👍🖖
{90-ø-ø-28}
Þau hittast, verða ástfanginn, eignast börn og hvað svo? Leikstjóri er hin norsk-íslenska Lilja Ingólfsdóttir. Hún vann til fullt af verðlauna og þið getið lesið meira um myndina á Menningarsmyglinu hans Ásgeirs. Þetta var einmitt ein eftirlætismyndin hans frá því í fyrra. Aðalpersónurnar í Elskling eiga við hversdagsleg vandamál að stríða sem virka raunverulega. Oft … Halda áfram að lesa: Elskling (2024) 👍
{89-68-49-27}
Ung kona tekst á við stjörnudrauma, vonbrigði, fjölskyldu sem heldur aftur af henni og þær ögranir sem fylgja því að eiginmaður hennar fór að berjast í fyrri heimstyrjöldinni (sem var kölluð annað árið 1918). Af einhverjum ástæðum var ég það forvitinn um þessa mynd að ég ákvað að horfa á hana rétt eftir þá fyrri. … Halda áfram að lesa: Pearl (2022) 👍
{88-67-ø-ø}
Til þess að drepa skæruliðaforingja framtíðarinnar er tortímandi sendur til ársins 1995. En skæruliðaforinginn sendir líka verndara til að vernda sjálfan sig. Ég rifja reglulega upp hreim æskunnar þegar ég segi Ter-mín-a-tor. Svona Djúran Djúran dæmi. Hér verða höskuldar. Ég missti alveg af þessari í bíó. Ég var tólf ára þá. Mér finnst eins og … Halda áfram að lesa: Terminator 2: Judgment Day (1991)👍👍🖖
{87-ø-ø-ø}
Árið er 1979. Vinnufélagar í Texas, ásamt kærustum sínum, halda út í sveit ásamt ungum kvikmyndagerðarmanni og kærustu hans til þess að búa til tilraunakennda mynd. Markmiðið er að græða peninga myndbandsspólusölu (sem er reyndar frekar góð langtímaspá á þessum tíma). Listræna mynd sumsé. Klám. Þau fá gistingu á vegum frekar undarlegs gamals fólks. Þarna … Halda áfram að lesa: X (2022) 👍
{86-62-ø-ø}
Þjóðlagafræðingur er uppgefin á kynjamisrétti í háskólanum sínum og fer til systur sinnar sem rekur skóla í Appalachia-fjöllum. Þar rekst hún á fjársjóð þjóðlagahefðar fjallafólksins. Þetta er í alvörunni frægt dæmi í þjóðfræðinni. Þjóðlög frá Bretlandseyjum sem lifðu áfram í einangruðum samfélögum. Síðan er sögulega rétt farið með hugarfar þjóðfræðasafnara (ekki bara þjóðlagasafnara) sem tala … Halda áfram að lesa: Songcatcher (2001) 👍
{85-61-ø-ø}
Njósnamynd. Það er svikari innanhúss. Getur njósnari treyst maka sem er einnig njósnari? Gunnsteinn benti mér á Black Bag. Ég hef aldrei elst sérstaklega við myndir Steven Soderbergh en er hrifinn af Out of Sight og (sérstaklega) The Limey. Handritshöfundurinn er David Koepp sem skrifaði m.a. Jurassic Park, fyrstu Mission Impossible og Death Becomes Her. … Halda áfram að lesa: Black Bag (2025)👍👍
{84-60-49-25}
Rithöfundurinn Dashiell Hammett lendir í miðju glæpamáli sem gæti allt eins komið úr eigin hugarheimi. Leikstýrt af Wim Wenders. Það er margt gott við myndina. Frederic Forrest er skemmtilegur í aðalhlutverkinu. Sviðsmyndirnar gera það augljóst að hún er tekin upp í stúdíói, sem gefur bara viðeigandi tón. Þetta er eins og Noir-myndirnar sem byggðar eru … Halda áfram að lesa: Hammett (1982) 🫴
{83-59-ø-ø}
Líklega hef ekki heyrt eða lesið meira um nokkra mynd heldur en The Godfather. Baksagan er nefnilega áhugaverð. Mafíósar, olíubarónar og listamenn. Ef ég myndi leyfa mér það gæti ég skrifað nærri því jafn mörg um þá sögu og kvikmyndina sjálfa. Ég skal reyna að hemja mig. Francis Ford Coppola hefur sagt að þetta hafi … Halda áfram að lesa: The Godfather (1972) 👍👍🖖
{82-ø-ø-24}
Mislukkaður svínahirðir lendir í ævintýrum. Disney hittir Tolkien og Ralph Bakshi. Disney tapaði peningum á þessari mynd og því var aldrei í boði að sjá hana þegar ég tók fyrstu atrennu á teiknimyndir fyrirtækisins. En hún var samt frekar spennandi út af því. Núna er hún einfaldlega á Disney+. Tónn Black Cauldron er mjög ójafn, … Halda áfram að lesa: The Black Cauldron (1985) 🫴
{81-58-ø-ø}
Í fórum mínum er jólakort til ömmu minnar (Ingibjörg Óladóttir 1912-2002) sem er stílað á Imbu á Herhóli. Þar sem fæðingarstaður ömmu heitir Smjörhóll þótti mér þetta nokkuð nokkuð áhugavert. Frá ömmu (og seinna Sigurði Birgi frænda mínum á Smjörhóli) fékk ég þær skýringar að prestur nokkur hafi verið á því að Herhóll væri réttara … Halda áfram að lesa: Smjörhóll í Axarfirði eða Herhóll í Öxarfirði eða Axarfirði
Árið er 1987 og Patrick Bateman tilheyrir meisturum alheimsins á Wallstreet. Hann hugsar vel um sjálfan sig. Útlitslega séð. Undir niðri er annað að finna. Þetta er mynd frá síðustu öld þannig að ég leyfi mér að höskulda aðeins. Varúð. Rétt áður en við lögðum af stað í bíóið mundi ég eftir ræðunni um Huey … Halda áfram að lesa: American Psycho (2000)🫴 {80-ø-ø-23}
Forritari (Domhnall Gleeson) fær óvænt boð frá yfirmanni sínum Oscar Isaac að koma í einangraða villu sína. Það kemur í ljós að hann á að skoða og gefa álit sitt á gervigreindarvélmenni (Alicia Vikander). Rétt að taka fram að þetta er ekki gervigreind í þeim skilningi sem hugtakið hefur verið notað í markaðsetningarskyni undanfarin ár. … Halda áfram að lesa: Ex Machina (2014) 👍 {79-58-ø-ø}
Titilpersónan okkar finnur ekki fyrir sársauka og lifir því vernduðu lífi. Hann fellur fyrir lægra settum starfsmanni og talar ekki einu sinni við mannauðsstjórann. Síðan koma bankaræningjar og ræna ástinni hans. Hann ákveður að taka lögin í sínar hendur. Ég hafði áhyggjur af því að fyndnustu atriði myndarinnar væru í sýnishorninu sem við höfum séð … Halda áfram að lesa: Novocaine (2025)👍
{78-57-48-22}
Í lok myndarinnar er orðið „fuzz“ notað og þegar ég útskýrði fyrir Gunnsteini að þetta væri slangur fyrir löggu ferðaðist ég aftur í tímann í Menntaskólann á Akureyri þar sem Örn Þór sagði okkur í fyrsta bekk nákvæmlega þetta. Hvernig þýðir maður cornetto? Ís í vöfflu en ekki beint úr vélinni heldur frystinum. Allavega er … Halda áfram að lesa: Hot Fuzz (2007) 👍
{77-ø-ø-ø}
Um miðjan níunda áratuginn ákvað blaðamaðurinn David Blume að kalla hóp ungra leikara í Hollywood „The Brat Pack“ (vísun í hópinn í kringum Frank Sinatra – The Rat Pack). Nafnið fór á flug og er enn notað. Það er reyndar erfitt að vita hverjir tilheyra þessum hóp. Þrönga skilgreiningin er a miða við leikarana í … Halda áfram að lesa: Brats (2024) 🫳
{76-56-47-ø}
Ungur maður með Downs er settur á elliheimili af því að önnur úrræði skortir. Hann er ekki sáttur og leggur af stað í ævintýraferð í leit að glímuskóla. Ég er á mörkunum með þessa mynd. Hún er á köflum væmin. En ekki óhóflega, sérstaklega ekki miðað við þessa tegund af mynd. Það sem gerir mig … Halda áfram að lesa: The Peanut Butter Falcon (2019) 👍
{75-55-ø-ø}
Það er alveg ástæða fyrir því að ég hef látið þessa mynd vera til þessa. Ég hef aldrei verið sérstaklega hrifinn af Christopher Nolan, allavega ekki miðað við fólk almennt, og ég hef takmarkað þol fyrir Matthew McConaughey. Fínn í True Detective. Annars svolítið eins og Nicolas Cage ef Cage væri alltaf fastur á sömu … Halda áfram að lesa: Interstellar (2014)👎
{74-54-ø-22}
Dóttur ríks manns giftist auðnuleysingja í óþökk föður síns og leggur í ferð til að koma í veg fyrir að hjónabandið verði ógilt. Hún kynnist blaðamanni sem hjálpar henni og … Mér finnst ég varla geta gefið þessari mynd einkunn. Mér leið eins og ég hafi séð hana hundrað sinnum áður. Það er vegna þess … Halda áfram að lesa: It Happened One Night (1934) 🫴
{73-ø-ø-ø}
Þegar ég átti ekki rafbókalesara í lit leitaði ég uppi svarthvítar teiknimyndasögur sem virkuðu vel á rafbleksskjá. Ein af þeim sem ég fann var Scott Pilgrim serían eftir Bryan Lee O’Malley. Mér líkaði hún. Þetta var samt 2013, eftir að myndin var komin út. Hún fór alveg framhjá mér, eins og flestum. Ég féll ekki … Halda áfram að lesa: Scott Pilgrim vs. the World (2010) 👍👍
{72-ø-ø-21}
Unglingstúlka er þreytt á bróður sínum en iðrast þess samt að hafa beðið David Bowie um að hirða hann og leggur í hetjuför til að endurheimta krakkann. Kannski er þetta ekki ein af uppáhaldsmyndum Eyglóar en hafði mikil áhrif á hana á sínum tíma. Ingimar hefur verið spenntur að sjá honum síðan við sáum heimildarmyndina … Halda áfram að lesa: Labyrinth (1986)🫴
{71-ø-ø-ø}
Það er erfitt að segja nokkuð meira en að Predestination fjallar um tímaferðalög. Fyrirfram hefði ég búist við meiri hasar en skortur á slíku er ekki galli að mínu mati. Sarah Snook og Ethan Hawke eru í aðalhluverki. Margir kannast við hana úr Succession þáttunum (sem ég höndla ekki vegna þess að ég hata allar … Halda áfram að lesa: Predestination (2014) 👍
{70-52-ø-ø}
Sem krakki átti ég mynd með Shirley Temple upptekna á vídeóspólu. Mér fannst hún fín en ég mann ekkert hvað hún heitir. Get ég ekki bara leitað að mynd þar sem Shirley Temple lék munaðarleysingja sem er ættleidd af ríkum manni? Ekki beint, hún lék nefnilega í hundrað slíkum myndum. Ekki bókstaflega. Líklega bara tugum. … Halda áfram að lesa: Curly Sue (1935) 🫳
{69-51-ø-ø}
Ég sá þessa mynd of ungur. Hve ungur veit ég ekki. Ég held að ég hafi séð hana þegar ég bjó í Melgerði og uppfletting bendir til þess að það sé rétt hjá m´ér (nema að mig misminni hvenær við fluttum þaðan). Fílamaðurinn var á dagskrá Sjónvarpsins þann 25. janúar 1986. Rúmri viku áður en … Halda áfram að lesa: The Elephant Man (1980) 👍👍🖖
{68-ø-ø-20}
Nýr maður hefur störf við vitavörslu ásamt reynslumiklum manni einhvern tímann á seinnihluta nítjándu aldar.. Einangrunin fer illa með þá. Þetta er flott mynd. Útlitslega. Bara ekkert sérstaklega góð. Andrúmsloftið nær reglulega tilætluðum árangri en það væri betra að hafa söguþráð með. Það er meira eins og hlutir gerist bara handahófskennt. Hefði kannski virkað í … Halda áfram að lesa: The Lighthouse (2019) 🫴
{67-50-ø-ø}
Það var of mikið sýnt í auglýsingunum fyrir Mickey 17. Það væri langbest að vita sem minnst. Í staðinn fékk ég að sjá þrjár mismunandi stiklur síðustu mánuði og það minnkaði skemmtun mína. Mickey Barnes skráir sig í geimleiðangur sem fórnanlegur. Hann má deyja af því það verður bara prentað nýtt klón. Það ómar af … Halda áfram að lesa: Mickey 17 (2025) 👍
{66-49-46-19}
Ég held að íslenski titill myndarinnar sjáist hvergi nema á bíótjaldinu. Á ensku er þetta The Seed of the Holy Fig og ég held að sá titill hafi verið notaður í allri umfjöllun um Óskarsverðlaunatilnefningu myndarinnar í íslenskum fjölmiðlum (lélegt). Líkingarmál titilsins er útskýrt í myndinni. Íranskur maður er skipaður rannsóknardómari við Íranska byltingardómstólinn á … Halda áfram að lesa: Heilaga fíkjan / Dāne-ye anjīr-e ma’ābed (2024) 👍
{65-48-45-18}
Ætli ég hafi ekki séð Being There 25. nóvember 1994. Gott að geta fletta því bara upp í dagskránni. Það var mánaður tileinkaður Peter Sellers á Stöð 2. Líklega hefur hún verið valinn af því að Forrest Gump var oft líkt við myndina. Ætli ég hafi ekki sé Gump fyrst? Allavega er líklegt að ég … Halda áfram að lesa: Being There (1979) 👍👍🖖
{64-ø-ø-17}
Undarleg mynd sem féll mér í geð. Gerð á undan Dracula (1932) en gefin út seinna og floppaði. Söguþráður myndarinnar er óskýr og skiptir kannski ekki máli. Í staðinn er þetta upplifun. Andrúmsloft og sjónbrellur sem grípa áhorfendur. Vonandi. Í myndinni sjáum við töluvert af tæknibrellum sem Francis Ford Coppola notaði seinna í sinni Drakúlamynd. … Halda áfram að lesa: Vampyr (1932) 👍🖖
{63-47-ø-16}
Það er ekki galli að Óskarinn fari ekki fram fyrren í mars. Það er bara eðlilegt. Það er ótrúlega kjánalegt að í lok desember sé farið að búa til lista og jafnvel verðalauna það besta frá árinu. Það þarf augljóslega lengri tíma. Þannig að mitt álit er auðvitað mun betur ígrundað en það sem fólk … Halda áfram að lesa: Uppgjör mitt við 2024 kvikmyndir og Óskarinn
Efnilegur sautján ára svartur strákur á sjöunda áratugnum er sendur í unglingafangelsi fyrir engar sakir. Þar er farið með svörtu strákana eins og þræla. Áhugaverð saga fellur í skuggann af tilgangslitlum stílæfingum. Aðalpersónurnar eru sjónarhorn okkar. Það er ruglandi á köflum. Síðan koma undarlegir millikaflar um tunglferðir sem ég get ímyndað mér krókaleiðir til að … Halda áfram að lesa: Nickel Boys (2024) 🫳
{62-45-44-ø}