Month: desember 2003

Og skaupið var vissulega rusl

Skaupið var rusl en þið vissuð það fyrir. Það ætti náttúrulega bara að grafa Ladda, hann er svo leiðinlegur og ég finn það á mér að hann hafi sjálfur spunnið atriðið þar sem hann hleypur á vegg. Þeir sem tóku þátt í semja þetta kjaftæði ættu bara að stökkva ofan af kletti eða allavega láta skapandi störf vera.

Castro og Stalín

Sögðu þau í alvörunni að Stalín hefði komið Castro til valda á Kúbu? Okkur heyrðist það. Reiknum, Stalín dó 1953, Castro kemst til valda 1959. Stalín var semsagt búinn að vera dauður 6 ár þegar hann kom Castro til valda. Ekki snjallt fólk þarna á ferðinni.

Skemmtilegra en mig minnti

Við spiluðum Matador áðan, það var skemmtilegra en mig minnti. Það tók mig ekki langan tíma að ná ákveðnu forskoti og að lokum gáfust mótspilarar mínir upp enda hefðu þeir bara þurft að lenda svona einu sinni á einhverri eign minni til að fara á hausinn, tveir voru reyndar þegar farnir á hausinn.

Kjánalegt?

Vinur minn fór til Japans og sá að þar var algengt að fólk gengi með kross á sér þó að það væri alls ekki kristið, það er víst í tísku, gefur fólki vestrænt yfirbragð. Svoltið kjánalegt. Mér var hins vegar að detta í hug að Íslendingar eru nákvæmlega eins, ég veit um fólk sem hefur Búddastyttur heima hjá sér án þess að sjá að það tengi það nokkuð við Búddisma. Alls staðar er fólk kjánalegt.

Óhelga nótt

Áðan neyddist ég til að horfa á Gísla Martein, hann er svo afskaplega vondur í því að taka viðtal, hvers vegna er hann í þessu starfi. Hann er náttúrulegur artaki Hemma Gunn og ef einhver heldur að ég meini það sem hrós þá hefur sá hinn sami ekki mikið vit í kollinum.

En eitt gladdi hjarta mitt. Ég veit ekki hvers vegna ég hef ekki pælt í þessu áður, greinilega eitthvað að hjá mér, en þegar fólk er að Ó, helga nótt þá er það í raun að syngja óhelga nótt.

Tolkien og bækur almennt

Ekkert spennandi gerist hjá mér, horfði reyndar á Two Towers í lengdri mynd í dag og það voru nokkur atriði þar sem mér fannst bæta ýmsu við. Gaman gaman, síðan er það bara að horfa á aukaefnið.

Ég er búinn að klára Tolkien og Hringinn, það vakti hjá mér löngun að kafa dýpra í þennan nördaskap en ég hef áður gert. Ég er núna að lesa LotR aftur, ég hef reyndar ekki lesið hana afskaplega oft einsog sumir, þetta er bara í þriðja eða fjórða skiptið.

Ég er að lesa hina jólabókina með, Þjóðerni í þúsund ár?, eina og eina grein í senn. Ég hafði bara lesið eina grein úr bókinni áður en hún fór á listann minn en hinar greinarnar eru ekkert að svíkja.

Síðan er ég að þýða, reyndar eru það ekki nema svona níu blaðsíður.

Biðbiðbiðbið

Ég hef ekki fengið eina einustu einkunn, ekki einu sinni úr námskeiðinu sem ég kláraði í byrjun nóvember. Kellingin sem kennir það sagði eitthvað á þá leið að þetta væri kannski leiðinlegt fyrir þá sem eru að bíða eftir námslánum en þeir væru hvorteðer flestir að bíða eftir aðferðafræðieinkunn þannig að það skipti ekki máli. Er í lagi að láta okkur vera í óvissu um þessa einkunn af því við erum í óvissu með fleiri einkunnir? Mér liði mun betur að fá að vita þetta bara núna strax. Ég er ekki sáttur við þennan kennara.

Jólagjafir til og frá

Ég fékk (sumt með Eygló en sumt var svo mikið handa Eygló að ég nefni það ekki):

  • Rammstein Lichtspielhaus frá Hafdísi og Mumma
  • Foo Fighters Everywhere but Home frá Danna
  • Foo Fighters Everywhere but Home frá Evu, Heiðu og Hildi
  • Clerks Deluxe Edition frá Eygló
  • Krákan með Eivöru Pálsdóttur frá Eygló
  • Þjóðerni í þúsund ár? frá Eygló
  • Two Towers Special Edition frá Steinunni og Trausta (mamma og pabbi Eyglóar)
  • Sængurverasett frá Steinunni
  • After Eight frá Trausta
  • Move með Freak Kitchen frá Önnu og Havali
  • Tolkien og Hringinn eftir Bloggara Dauðans frá Svenna og Hrönn
  • Tolkien og Hringinn eftir Bloggara Dauðans frá Ástu Hönnu, ömmu og afa Eyglóar
  • Sokka frá Ástu Hönnu, ömmu og afa Eyglóar
  • Matarstell frá Ástu Hönnu, ömmu og afa Eyglóar

Allt sem ég fékk einn var á listanum alræmda nema sokkarnir og Move með Freak Kitchen, Move var ekki á listanum af því að ég bjóst ekki við að hann fengist á Íslandi enda keypti Anna hann í Svíþjóð. Reyndar meira af tvöföldu en venjulega vegna listans en það er í lagi. Reyndar fékk Hafdís margfaldar Freistingar því allir ætluðu að vera ófrumlegir í ár vegna reiðilestursins í fyrra, eins gott að ég og Anna samhæfðum okkur þannig að Anna gaf Pólfarir. Hafdís heldur síðan fram að hún hafi ekki séð óskalistann áður en hún ákvað að gefa okkur Rammstein.

Ég þarf að hryggja Bloggara Dauðans með því að skila öðru eintakinu af Tolkien og Hringnum þó að hitt eintakið lofi góðu og muni fylgja mér fram á nótt.

Eygló var miður sín þegar hún var að velja gjöf af því hún var ekki viss um að Deluxe Edition af Clerks væri Special Ediotin sem ég var að tala um.

Ég gaf (með Eygló flest):

  • Eygló – Matador og Sex and the City sería 4 á dvd (gjöfin sem ég held áfram að gefa).

  • Hafdís og Mummi – Freistingar með NýDönsk
  • Anna – Óskalögin 7
  • Steinunn og Trausti – DVD spilari, Tootsie, Waking Ned og Silence of the Lambs (ásamt Svenna og Hrönn)
  • Svenni – Scrabble
  • Eva – Eric the Red með Tý
  • Heiða – Samlokubók
  • Hildi – Kaffibók og útskriftarmynd af okkur
  • Oddný – Kaffibók og útskriftarmynd af okkur
  • Hrönn H – Tengsl með Svörtum Fötum
  • Sóley Anna – Náttföt og bók
  • Afar Eyglóar – Bílabókin (með fleirum)
  • Ásta Hanna – Gsm sími og frelsi (með fleirum)
  • Amma Eyglóar – Karfa með líkjör, nammi og kaffi.

  • Danni – Fjandafæla eftir Sigga Pönk (frumlegasta gjöfin allavega þó ég viti ekki hvað Danna finnst)
  • Halli – Die Hard 2 á dvd
  • Nils og Hjördís – Kokteilabók sem heitir Bjórkollur.

Amma og afi og amma áttu að fá kort með mynd af mér og Sóleyju litlu en það klúðraðist.

Hlutverkalaus

Ég á mér ekkert hlutverk á þessum tíma á Aðfangadegi, búinn að horfa á Prúðuleikarana og búinn að fara í sturtu og sund. Amm.

Á eftir fer ég í jólafötin, ég er aðeins of feitur fyrir buxurnar en það reddast. Ég er ekkert ósáttur við að ég sé of feitur fyrir þessar buxur enda hefði ég ekki komið þeim nema hálfa leið upp í fyrra, þetta er allt að koma. Buxurnar frá því í fyrra eru einsog tjald.

Ég fékk annars ekki möndluna en það er annað tækifæri í fyrramálið.

Það versta við að vera ekki á Akureyri um jólin er að geta ekki farið í kirkjugarðinn en ég fer nú þangað í nær hvert skipti sem ég fer þangað.

Eygló belja er búinn að giska rétt á hvað hún fær í jólagjöf, á næsta ári fel ég gjöfina eða læt hana í risastóran kassa og pakka honum inn.

Ef einhver er óánægður með gjöf sem hann fær frá mér eða okkur Eygló þá er hið eina rétta að hoppa út í búð og skipta í eitthvað almennilegt, við verðum ekkert sár nema ef gjöfin endar ónotuð upp í hillu.

Jæja, enn og aftur Gleðileg Jól!

Hugheilar jólakveðjur

Ég sendi hér með landsmönnum öllum hugheilar jólakveðjur. Ekki það ég myndi nokkurn tíman nota orðið „hugheilar“ nema bara til þess að kommenta um það, ég man ekki eftir að hafa heyrt það notað um annað en jólakveðjur.

Ég sendi jólakort, eða Eygló skrifar jólakort og sendir þau og ég kem með örfá komment inn á milli. Mér þykir gaman að fá jólakort en enginn er skyldugur til að senda mér, ég opna kortin á aðfangadagskvöld og ég rýni ekki í áritanir til að fatta hverjir senda mér og hverjir senda mér ekki (veit reyndar að kortið sem ég fékk áðan er frá Ásgeiri en maður þarf ekki að rýna til að fatta það). Annars er ekkert aðalatriði að þetta sé fram og til baka. Sumir senda jólakveðjur á Gufunni og ég heyri jafnvel eitthvað af þeim.

Kannski er tímabært að minna á að Vantrú ætlar ekki að taka sér neitt mikið jólaleyfi núna, allavega er grein í dag og eitthvað næstu daga. Alltaf gott að fá Vantrúarskammt á meðan Jesúkjaftæðið er á fullu.

Svo ég haldi áfram þá fannst mér ægilega gaman að heyra kenningar um að íslensku jólasveinarnir séu jafnvel útgáfur norrænu goðunum, alveg frábært. Jólin tengjast Jesú ekki nokkurn skapaðan hlut ef þú pælir í því. Við höfum ekki einu sinni heilagan Nikúlás til að bögga okkur, bara Þór og Tý.

Ekki láta Jesú stela af ykkur jólunum.

Árna Þorláksmessa

Og já, mér sýnist að Árni Þorlákur geti ennþá sett upp kamb og hann er víst ennþá í guðfræðinni. Er alltaf að hitta hann þessa daganna.


Hitti hann á tónleikunum á Nasa um daginn og hann virtist v.era að fíla Tý, afsakið hvað þetta er hræðileg sjálfsmynd.

Þorláksmessa

Þollákur, amm, mjög lútherskt, reyndar aðallega mjög íslenskt þar sem öllum er sama um Þorlák sjálfan. Fréttirnar á þessum degi eru endursýndar, Laugarvegurinn, friðarganga, jólaveðri og skatan. Aldrei hef ég smakkað skötu og ég mun aldrei gera það enda er þetta bara viðbjóður, maður þarf víst líka að drekka brennivín með til að geta troðið þessu í sig og það myndi ég aldrei gera. Einu sinni gerði ég þau mistök að fara út að borða á Þollák og lenti í miðri skötuviðbjóðnum með hamborgarann minn. Ekki smekklegt.

Ég hef engar Þollákshefðir lengur, enginn jólakortaútburður, engar skreytingar á síðustu stundu (eða bara alls ekki) en The Odd Couple er í sjónvarpinu á eftir og það verður gott. Síðan er það bara að fara snemma að sofa því þá koma jólin fyrr. Eða þannig. Síðan er sund og Muppets Christmas Carol á morgun.

Enginn verkefnaskortur

Þó það sé komið jólafrí þá er enginn verkefnaskortur hjá mér. Tíminn er alveg að nýtast og í einu verkefninu er ég allavega búinn að fá nokkrar góðar hugmyndir. Ég er líka að lesa og í gær horfði ég á Gremlins með athugasemdum leikara og leikstjóra, það var nokkuð gott fyrir utan að þau voru stundum þögul. Dick Miller var nokkuð þögull alla myndina en hann er eiginlega snilld, „goddamn foreign cars“. Í dag synti ég 450 metra í sundi og það leið næstum því yfir mig eftir á, hugsanlega laugin of heit eða eitthvað.

Samhæfni

Þegar við spiluðum Fimbulfamb í gær þá kom í ljós að Eygló getur ekki blikkað auganu án þess að opna munninn um leið, mjög undarlegt. Reyndar getur hún þetta en þá kemur þvílíkur áreynslu svipur á hana. Prufið að segja „nei“ og kinka kolli, segja „já“ og hrista höfuðið, segja „ég skil“ yppta öxlum. Fylgir því kannski ónotatilfinning? Sérstaklega ef maður endurtekur orðin og hreyfingarnar.

Skák og Matador

Samkvæmt Fréttablaðinu átti Eygló að gefa mér skákdóterí og ég að gefa henni Matador, reyndar ekki það vitlausasta sem ég hef heyrt.

Búinn í prófum

Núna eru prófin búin, sem er gott. Síðasta prófið var flokkun sem var að vísu fáranlegt vegna þess að helmingurinn af því voru spurningar sem venjulega eru svona 5%-12.5%. Urg. Ég bjóst ekki við því en held að ég hafi náð að svara þeim. Bögg bögg, tvö próf þar sem afmörkuð atriði gilda alltof mikið og síðan alltof langt og ömurlegt próf í aðferðafræði. Pirrpirr.

Jólastússi lokið

Kannski er ekki öllu jólastússi lokið en ég keypti gjafir handa Danna og Eygló í dag þannig að það stress er farið, ég veit varla hvað ég þarf að gera annað en að koma mér á leiðarenda.

Peruráð

Ef það er stuttur líftími á perum á heimilinu þá er kannski ráð að kaupa sér 240 volta perur frekar en 230 volta. Vandamálið er nefnilega að þó það eigi að vera 230 volta rafmagn á Íslandi þá er það mjög flöktandi og þá er betra að vera í efri kantinum.

Ójá.

Fréttir farnar eða ekki – Varðveisla gagna

Már var með einhver skot á Fréttir á blogginu sínu í dag, ég kom með smá komment á færsluna og ætlaði síðan bæta við núna áðan en það er búið að loka fyrir svör. Pirrandi.

En kommentið mitt upphaflega var um að Fréttir væru allavega ekki farnar niður hjá mér, líklega vegna þess að nafnaþjónn (eða hvað það heitir) Háskólans hefur ekki uppfært.

Ég minntist líka á að það væri ekki eins almennt að fjölmiðlar veittu aðgang að fréttum fortíðar. Það er að vísu hægt að komast yfir gömul dagblöð og einhverjir fjölmiðlar hafa efnið á netinu.

Það sem Má yfirsést í þessu samhengi er að það að dagblöðin sjálf eru ekkert í þessari varðveislu nema fyrir sig. Engu dagblað ber skylda til að halda úti gagnasafni eldra efnis fyrir hinn almenna lesanda og þar af leiðandi skil ég ekki hvernig þessi skylda ætti að falla á Ritstjórn Frétta. Ef Mogginn myndi hætta á morgun þá færi enginn og segði við eigendurnar að þeir ættu að tryggja að það væri auðvelt að nálgast allt eldra efni. Það hvílir hins vegar skilaskylda á Mogganum þannig að þeir skila af sér eintökum til Landsbókasafns og Amtbókasafns.

Skyldan er á Landsbókasafni, það á að safna útgefnu efni og ég veit að það er verið að vinna í þessum málum þar en það er augljóslega ekki auðvelt.

Getraun – Úr hvaða mynd?

Í færslunni hér að neðan kom ég með tilvitnunina „Don’t ya know da Dewey Decimal System?“ og ég spyr úr hvaða mynd er þetta og hver sagði þetta? Sá hinn sami kom líka með „Dis book is overdue“.

Svör fara í kommentakerfið. Bókasafns- og upplýsingafræðinördar mega EKKI svara.