Hrekkir

Kassastarfsmaðurinn í 10-11, sem ég svo eftirminnilega fríkaði út, er ekkert fríkaður lengur. Þar hvarf gullið tækifæri til að stríða honum meira og áætlaður annar fasi, að mæta í búðina með varalit og konfekt, er algjörlega farinn fyrir bý. Það er erfitt að vera hrekkjóttur þegar fólk lætur ekki hrekkja sig.
Sjálfur varð ég fyrir hrekk fyrr í dag er ég fór að greiða gamla símreikninga hjá OgVodafone, en í sömu svipan og ég settist niður fyrir framan þjónustufulltrúa, hrópaði hann upp yfir sig: „Er þetta ekki þrífarinn?“