Sá frómi língvist, Saxithorisfilius, hefir fyrstur manna gagnrýnt þá málleysu er birst hefur í „latínu“ athugasemdakerfis Bloggsins um veginn. Hefi ég vitað af þeim sjálfskapaða skandal um nokkra hríð, en ekkert aðhafst. En nú er sá ljótleiki endanlega leiðréttur.
Fyrr í dag barst mér purpuralitt bréf í pósti, og ályktaði ég undir eins, að þar væri nokkur rómantík í fólgin, og dró ég nokkuð að opna það. Reyndist það vera boðskort í brúðkaup.