Íslendingar búsettir á Íslandi töldu í fyrsta sinn þrjúhundruðþúsund í gær. Ætli enginn hafi dáið meðan Halldór klæddi sig í frakkann og dreif sig niður á fæðingardeild? Annars finnst mér það nett hallærislegt að fá hamingjuóskir með þjóðfélagsþegn x frá forsætisráðherra. Ég hefði neitað honum um heimsóknina. Djöfull hlýtur líka foreldrunum á undan að finnast þau ómerkileg. Eða merkileg, fer eftir hvernig þú lítur á það.
Hér er fólk að sprengja flugelda líkt annars fái það um sig forsíðufrétt í DV. Eru ekki lög sem banna flugeldanotkun milli þrettánda og gamlárskvölds, utan með sérstöku leyfi t.d. fyrir menningarnótt o.s.frv.? Já já, éttu strump þarna fýlupúkinn þinn.
Ég er núna að lesa Íslenzkan aðal. Hef mjög gaman að henni. Það þótti mér skemmtilegt að Katrín Norðmann, stúlkan sem Tryggvi Svörfuður var ástfanginn af, er langamma mín, hvárt ég hef nú um blöggt.
Linkurinn á síðuna mína var ranglega inn sleginn hjá mér. Það er nú leiðrétt.
Þú segir nokkuð. Ég var einmitt að velta því fyrir mér um daginn hvort einhver viðurkenndi vændiskonuna sem Þórbergur
sarð í Reykjavíkurkirkjugarði sem langömmu sína. Mikið hlyti sá að vera stoltur.
Tja, ég hef alla vega ekki orðið var við neinn ennþá. Þetta virðist vera það sem Þórbergur á við þegar hann segir að sumir aðhyllist það sem þeir kalla „fágaða siðmenningu“. 😉