Tárin við Rauðavatn

Jájá. Nú „loga bloggheimar“. Hef verið að horfa á beina útsendingu hér í vinnunni. Það skyldi þó aldrei vera að fólk dæmi aðstæður öðrum hvorum í vil án þess að vita nokkuð um aðstæður á svæðinu? Sómi lands og skjöldur mætir svo auðvitað á svæðið á einkabílunum til að kasta eggjum í sérsveitina. Flottir. Mætti kannski minna fólk á að hér er meðal annars verið að mótmæla hvíldarskyldu atvinnubílstjóra? Og hverju öðru en álögum á eldsneyti, því þær eru svo hræðilegar. Þeim skyldi þó aldrei detta í hug að hækka sínar eigin álögur á móti? Nei, þetta er svo miklu sniðugra.

6 thoughts on "Tárin við Rauðavatn"

  1. baun skrifar:

    held að sumir líti á mótmælin sem langþráða skemmtun.
    ekki vil ég drullusyfjaða bílstjóra á stærstu ökutækjunum, svo mikið er víst. og lægri álögur á bensín set ég aftar í forgangsröððina en t.d. lækkun á helvítis vaxtaokrinu og því ókleifa fjalli sem húsnæðiskaup eru orðin fyrir okkur óríka fólkið.

  2. SIJ skrifar:

    Hækkun á eldsneyti hefur bein áhrif á vísitöluna, sem aftur hefur bein áhrif á vexti. Ergo, hækkun á eldsneyti hækkar afborganir af húsnæðislánum.

  3. Lækkun á álögum þýðir að ríkið þarf að taka peningana annarsstaðar, ergó skattahækkun.

  4. Magga skrifar:

    Hvernig væri bara að ríkið og þeir hætti að reyna að græða svona rosalega á öllu saman? Lækka verð þannig þau nái innkaupakostnaði og launum starfsmanna og slíku og svo koma bara út á sléttu?? Græðgi og ekkert annað!

  5. Tekjur ríkisins af eldsneyti fara í vegagerðina, og það er enginn hagnaður af því nema síður sé. Ef eitthvað er ættu þeir sem mest tæta upp malbikið að standa mestan straum af þeim kostnaði.

  6. Elías Halldór skrifar:

    Af hverju er tófúverðið ekki inni í vísitölunni?

Skildu eftir svar

Netfang þitt verður ekki birt. Nauðsynlegir reitir eru merktir *