Ég er orðinn pabbi!

Gömul kona sagðist á safninu í dag ætla niður í bæ, sjá hvort hún yrði ekki borgarstjóri. Mín vegna mætti leggja niður kosningar í borginni og taka upp faglegar ráðningar. Í bókstaflegri merkingu, alls ópólitískri. Þá kannski fengju fagleg sjónarmið að ráða för í stað þessa typpatogs. Það er engin né er nokkur þörf fyrir pólitík innan sveitarstjórna, ekki frekar en í menntaskólum, hvað þá helvítis háskólanum.

Safnið mitt er annars rústir einar núna, horfði upp á síðustu leifar ársins 1963 fagmannlega tættar í sundur í dag. Halló nútími, og þín óumdeilanlega fagurfræði. Við skulum endilega gera bókasöfnin að félagsmiðstöðvum fyrir þá sem mest þurfa að flýta sér, fyrst staðan í borginni er alstaðar sem litið er sú að fagmennska sé úreld. Hvað er fólk sem þarf að flýta sér svo mikið að það getur ekki beðið í tvær mínútur eftir afgreiðslu að gera á bókasafni?

Djöfulsins asi sem er á sumu fólki.

(afsaka misvísandi fyrirsögn …)

3 thoughts on "Ég er orðinn pabbi!"

  1. Kristín í París skrifar:

    Misvísandi fyrirsagnir eru skemmtilegar. Bókasöfn eru fyrir lúða (eins og mig).

  2. Eiginkona þín skrifar:

    Las alla færsluna, eingöngu til að komast að því sem síðasta setningin sagði mér. Ég get nú sætt mig við framhjáhaldið, en ef von er á stjúpbörnum í heiminn vil ég fá að vita það með smá fyrirvara. Gæti prjónað til dæmis.

  3. Harpa J skrifar:

    Bókasöfn eru best, en þar á ekki að flýta sér. Misvísandi fyrirsagnir eru skemmtilegar.

Skildu eftir svar

Netfang þitt verður ekki birt. Nauðsynlegir reitir eru merktir *