Þá er HELVÍTIS Þýzkunni lokið og sem betur fer! Það verður langt þangað til ég þarf að fara að spá í Þýzku aftur. Þá eru aðeins tvö próf eftir og þarf ég aðeins að læra undir annað þeirra og hefði því verið þægilegra að hafa Enskuprófið á undan. En hitt fagið er sjálft LINGVA SATANIS og ber að óttast það. Tungumál þetta hefur ekki verið talað sem þjóðtunga lengi og það leið ekki langur tími eftir að Latína dó út sem þjóðtunga að Satan lét sig hverfa af yfirborði jarðar og hefur ekki skotið upp kollinum síðan. Tilviljun?
Allahornið:
„Eins og stendur í fréttunum á þessari síðu er ég að verða pabbi bráðum. Ég veit ekkert hvort það verður strákur eða stelpa, en svona til að gefa þessari pælingu minni smá byr ætla ég að gefa mér að þetta verði strákur… Nú er spurning um hvort ég plani að verða hræsnari eins og langflestir foreldrar og skamma krakkann fyrir allt það sem manni fanst svo gaman að gera þegar maður var sjálfur krakki, eða fara hina leiðina:
Ég var að spá í að kenna krakkanum að slást og ræna nestispeningunum/nestinu frá hinum krökkunum. Þannig slepp ég við það að fá krakkann inn háskælandi, alblóðugan og í rifnum fötum eftir að krakki einhvers annars hafi rænt nestispeningunum/nestinu hans. Auk þessa þá spara ég mér fúlgu fjár í nestispeninga þar sem krakkinn getur reddað þeim sjálfur á einfaldan og áhrifaríkann hátt! 🙂
P.S: Það er auðvitað eingin alvara í þessari pælingu hjá mér. Ég ætla að einsetja mér það að vera góður og hjálpfús faðir sem mun ávalt vera til staðar þegar þörf er á.“
-ALLI.
Allahorni lokið
Í strætó á leiðinni heim sá ég æskuvin minn frá því ég átti heima á Ítalíu sitja aðeins nokkrum sætum frá mér. Ég get svo svarið að þetta var hann. Ég ætlaði að ávarpa hann til að komast að því en örlögin eru grimm. Ég hafði gleymt því hvað hann heitir! Þegar ég svo kom heim kíkti ég í gamla albúmið og viti menn! Ef þetta var ekki hann þá var þetta tvífari hans!
Jæja. Þá er komið að Latínulestri og lýk ég nú máli mínu.
Radiohead quote dagsins:
„Some friends of mine were searched by British anti-terrorist police who were Radiohead fans. This was in London about a month ago after the IRA bomb. They were in another band and the policeman goes: ‘Have you heard of Radiohead? They’re my favorite group!’ …With their machine guns. It appeals to a lot of people.“ -Colin Greenwood, bassaleikari.