Í dag eignaðist ég tölvu. Þá get ég loksins haldið áfram að vinna að bókinni minni, en hingað til hef ég þurft að gera mér að góðu að nota heimilistölvuna, jafnvel á næturna. Það hefur mömmu áreiðanlega ekki fundist skemmtilegt. Hún deilir nefnilega herbergi með tölvunni.
Í fyrramálið er mér boðið í kveðjuhóf borgarstjóra í ráðhúsinu. Það er greinilegt að ég valdi mér vinnustað við mitt hæfi, síðasti föstudagur var nú ekki beint amalegur heldur. Ætli þeir verði allir svona í sumar, föstudagarnir?
Ertu á svona góðum launum þarna niðrá Kringlusafni, bara tölva eftir fyrstu vinnuvikuna…!
Kannski sjáumst við í Ráðhúsinu á morgun, þessi vinna er náttúrlega bara djók 😉
Já, þetta verður algjör snilld. Vona að maturinn verði góður, mér skilst hann hafi verið það síðast.
Til hamingju með kompjúterið vinur 🙂
Þakka þér 🙂
En nú sef ég raunar ekki því það er þegar laskað af vírusum. Er stressaður fyrir að fara niður í EJS á morgun að heimta samdægurs viðgerð eða nýja tölvu. Ég get aðeins vonað að þeir verði sanngjarnir …