Ætli umræðan hafi verið málefnalegri áður en fasisminn varð skilgreint hugtak?
Month: febrúar 2007
Stemning
Það er stemning að róta um eftir nauðsynjum í kompunni í vinnunni með vitin full af rottunni sem fannst dauð þar fyrr um daginn eftir vikudvöl í 40 stiga hita á celsíuskvarða. Kvöldvaktin tók þá einróma ákvörðun í kjölfarið að láta hreingerningarstúlkuna vita af atburðum dagsins svo hana grunaði nú ekki að brögð væru í tafli þegar hún kæmi morguninn eftir.
Kominn aftur eða farinn
Svefnleysi og höfuðverkir.
Glampandi sól, heiðskýrt og blankalogn. Snjór. Fólk skautandi á tjörninni. Þetta er ekki Reykjavík, þetta er Jyväskylä.
Ég held ég dveljist þar um sinn. Hér verður ekkert.
Ógnarjafnvægið
Endurvinnslan reddaði mér um lækniskostnaðinn frá í gær, og einum bjór betur. Hann sötra ég núna.
Ég er dauðþreyttur og reglulega andvaka, lítið eitt veikur í ofanálag. Það tekur á í erli dagsins, ekki sýndist mér Anton neitt betur haldinn heldur er ég hitti hann í dag. Þá bíður okkar ósaminn fyrirlestur í kvöld. Ég sem var alveg viss um að hann væri á föstudaginn …
Ef til vill eru málfræðiuppgötvanir dagsins sönnun þess að ég lagði mig aldrei fram í stærðfræði: [XL [[(YL) X] [X (ZL)]]]. Það skal þó játað að framsetningin gæti verið einfaldari. Ég bara kann ekki að html-a kvíslgreiningu.