Stúdentar verða líka veikir

Ferfaldi lattéinn fór ekki vel með mig. Um eittleytið lagðist ég til hvílu en um kortéri seinna fékk ég aðkenningu að mígrenikasti sem hélst uns ég leið útaf um hálfáttaleytið í morgun. Hálftólf brotlenti ég úr meðvitundarleysinu með aþenuhríðir í ennisholunum og fann þegar að þær voru stíflaðar. Þannig skrölti ég í vinnuna og hélst þar til hálffimm þegar mígrenið var meira farið að líkja eftir flensu. Þá gafst ég upp og fór heim. Ligg í rúminu núna í mokkajakkanum mínum með burberrytrefilinn um hálsinn, Í leit að konungi á náttborðinu og hlusta á The Cure í von um að ég rotist aftur og vakni nógu heill til að geta haldið áfram lestrinum.

Já, það er víst ekki tekið út með sældinni, stúdentalífið.

6 thoughts on "Stúdentar verða líka veikir"

  1. Avatar Þórdís skrifar:

    Ég óska þér bata en verð jafnframt að segja að þetta virðist vera nokkuð myndrænt heilsuleysi.

  2. Avatar Elías skrifar:

    Jafnvel rómantískt.
    Arngrímur: mig hefur lengi langað til að spyrja þig þessarar spurningar: hefurðu séð kvikmynd er heitir Withnail and I?

  3. Nei, hvaða mynd er það?

  4. Avatar baun skrifar:

    þú færð fullkomlega ófrumlegar og ómyndrænar batakveðjur frá mér. skárr´en ekkert.

  5. Avatar Þórdís skrifar:

    það er hellaristan/gróteskan…………..

  6. Hvað er hellaristan/gróteskan? Withnail and I? Erfitt að hugsa með 10 í útvíkkun og gyðju hálffædda …

Skildu eftir svar

Netfang þitt verður ekki birt. Nauðsynlegir reitir eru merktir *