Áðan sem endranær á morgnana langaði mig í kaffi og fór því í kaffiteríu skólans. Þar sem stelpurnar þennan daginn kunnu ekki að laga kaffi tók ég það að mér, enda þótt ég kynni það ekki sjálfur. Mig langaði semsagt svo mikið í kaffi að ég vippaði mér yfir afgreiðsluborðið og tók til við að laga kaffi. Það vantaði bara á mig lambhúshettuna. Kaffið heppnaðist annars prýðilega og ég fékk það ókeypis. Ég er að drekka það núna. Ég veit ekki hvað ég geri af mér ef ég fæ ekki kaffið mitt á morgnana. Kaffi.
5 thoughts on “Kaffi”
Lokað er á athugasemdir.
Ég veit hvað þú gerir ef þú færð ekki kaffið þitt á morgnanna…en ég segi samt engum frá því hvað það er…
Þú ætlar greinilega ekki einu sinni að segja mér hvað það er.
Ég hef verið að velta fyrir mér hvort ég ætti nokkuð að verða kaffistjóri Kattholts og mæta þangað á morgni hverjum og hella uppá, þar sem aðeins að því er virðist 10. hver manneskja sem vinnur þar kann að laga sómasamlegt kaffi. En ég hef hingað til ekki vaknað nógu snemma… Eigum við kannske að deila þessum titli?
Ég væri alveg til í að laga kaffið, svo lengi sem ég þyrfti ekki að selja það líka 🙂
Er hér ekki komin tilvistarvandi og martröð nútímamannsins í hnotskurn: Að fá ekki kaffið sitt? Svo er alltént með mig…