Við erum flutt ;)

Í morgun átti að sofa út þar sem enginn þurfti að mæta neitt og var því ekki vaknað fyrr en hálf átta!

Sú sveimhuga var ekki í skóla í dag, þar sem alþjóðlegi bekkurinn er ekki á föstudögum og hún ekki komin inn í sinn bekk ennþá.  Sú snögga ákvað að vera heima í dag því von var á eigum okkar fyrir hádegið og sá skapmikli er auðvitað endalaust heima.

Um klukkan níu voru allir orðnir óþolinmóðir og skildu ekki hvað þessi flutningabíll væri seinn, mikil var því gleðin þegar dyrabjallan hringdi en það var þá pósturinn með sendingu af klakanum.  Hálftíma síðar var aftur dinglað og þá var stóri guli bíllinn kominn, rogast var upp með kassa eftir kassa – sá skapmikli var ekki seinn að byrja að byggja og systurnar skiptust á um að opna kassana.

Megnið af deginum fór í frágang á eigum, hengja upp myndir og gera íbúðina heimilislega og er loksins eins og við séu flutt hingað en ekki í stuttu fríi.

Við buðum svo þeim Íslendingum sem við vitum af hér í borg heim annað kvöld svo við verðum níu sem fylgjumst með Jóhönnu okkar.

Join the Conversation

3 Comments

  1. Gott að þið eruð búin að fá góssið ykkar, manni líður betur með sitt í kringum sig 😉 Gaman að geta fylgst með ykkur hérna, hlakka til að sjá þig bráðum Árný mín 🙂
    ÁFRAM ÍSLAND!!

  2. Til lukku með að vera komin „heim“. Bið að heilsa gömlu kennururnum mínum sem mér skilst að mæti í partý! kv. úr sumrinu á gömlu góðu Akureyri

  3. Hæ hæ Hrefna

    Takk fyrir kortið, krökkunum í bekknum fannst rosalega gaman að fá kort frá þér.

    Gangi þér vel.

    Bless bless

    kv Teddi

Leave a comment

Netfang þitt verður ekki birt. Nauðsynlegir reitir eru merktir *