Enn og aftur …

flýgur tíminn án þess að nokkuð gerist.  Í gær og í dag hefur verið hlýtt en þugbúið, um 25° hiti en svolítil rigning báða dagana – spáin lofar þurru næstu daga og upp undir 30° hita.  Það verður spennandi að sjá hvernig það fer í krakkana.  Sumarið hingað til hefur verið með svalara móti segja innfæddir, en okkur hefur liðið afspyrnu vel, stuttermabolir og þunnir kjólar er klæðnaðurinn sem gildir flesta dagana.

Í gær skrapp frúin með börnin í IKEA sem er staðsett í Sindelfingen og var lítið lengur á leiðinni þangað en ofan úr Grafarvogi suður í Garðabæ.  Sænskar kjötbollur voru keyptar í leiðinni og ís í brauði.

Í dag röltum við niður í Penny Markt sem er búðin okkar og sú sveimhuga kláraði loksins stærðfræði bókina sem hefur haldið henni upptekinni nánast daglega frá því í byrjun maí – skriftarbókin klárast á morgun.

Bóndinn var að vinna lengi í dag, kom heim um klukkan átta, hann heldur fyrirlestur í fyrramálið sem heldur áfram að halda honum uppteknum fram á kvöldið.

Von er á góðum gestum á næstu dögum, meira um það síðar.

Join the Conversation

1 Comment

  1. Bara að láta vita að ég les reglulega og hef gaman af. Bestu kveðjur til ykkar allra. Við tókum upp stuttermaboli og kjóla í nokkra daga hér í höfuðstað Norðurlands en nú bíð ég eftir að hitinn nái 10 gráðum svo óhætt verði að kíkja út 🙂

Leave a comment

Skildu eftir svar við Fríða P. Hætta við svar

Netfang þitt verður ekki birt. Nauðsynlegir reitir eru merktir *