Dagskipt færslusafn: 4. júní, 2009

Myndir dagsins

"Stórkostleg mynd"

"Stórkostleg mynd"

Sagði sú sveimhuga þar sem hún stóð á skógarstígnum og horfði til himins í stellingur sem Haukur gamli rakari hefði mátt vera stoltur af.  „Mamma, viltu setja hana inn í tölvuna svo allir geti séð hvað trén hér eru stór?“ Fylgdi svo á eftir – njótið stórkostlegheitanna!

Landfræðileg miðja Baden-Wurtenberger er merkt með þessari fínu keilu og er á skógarstígnum góða.

Landfræðileg miðja Baden-Wurtenberger er merkt með þessari fínu keilu og er á skógarstígnum góða.

Ef grant er skoðað sést að í steininn er skráð „geographische“ og þetta stendur allan hringinn „Die Geographische mitte von Baden-Wurtenberger“.

Gönguferðin er hins vegar svo erfið að sá skapmiki sofnar oft í kerrunni sinni á leiðinni niður eftir.

Froskakóngurinn

Froskakóngurinn

Við neðri enda skógarstígsins er þetta skilti og hefur mörg stundin farið í að velta fyrir sér í hvaða holu hann búi og koma margar til greina.

Skúringar og gönguferð

Það felst allt í titlinum sem gert var í dag – eða svona nokkurn vegin.  Sú snögga var heima í dag, að sögn vill enginn leika við hana á leikskólanum þessa dagana, ekki að hún sé að spyrja krakkana – það bara býður henni enginn!  Svo sem allt í lagi að gefa henni frí svona dag og dag, sérstaklega þegar sú sveimhuga er enn í fríi og alltaf heima.  Annars styttist nú í því, skólinn byrjar aftur á mánudaginn.

Eftir hádegið gengum við niður í bæ og fórum á leikvöllinn með nesti – veðrið var heldur svalt svo það voru allir í peysum aldrei þessu vant. Hitamunurinn á pallinum okkar og leikvellinum er reyndar svolítill þannig að allir voru að stikna þegar þangað var komið.

Á kvöldgöngunni tók frúin eftir því að á bóndabænum er farið að selja fyrstu jarðarberja uppskeru þessa sumars, á morgun verður tekinn peningur með í göngutúrinn.