Mínar síður:

Gamalt:

Theme:


10. janúar 2011

Bleikar stelpur og bláir strákar

Flokkað sem: Almennt — Eygló @ 22:38

Las þennan pistil og fór einu sinni sem oftar að pæla í því hvernig við ölum Gunnstein upp – og almennt hvernig fólk elur upp börnin sín.

Mér finnst svolítið merkilegt að við förum að velja stelpuleikföng og strákaleikföng eiginlega strax við fæðingu. Gunnsteinn á t.d. ekkert bleikt leikfang – flestar 17 mánaða stelpur eiga væntanlega bleikt leikfang, sennilega mörg. Í jólagjöf fékk Gunnsteinn þrjá bíla en ekki eina dúkku. Ef hann væri stelpa hefði dúkka líklega verið algengasta gjöfin.

Ég er líka rosalega „lituð“. Finnst ég t.d. voða djörf þegar ég set Gunnstein í fjólublátt. Sá unglingsstrák í Bónus um daginn með bleika vettlinga og var rosalega mikið að pæla í því. Ég veit ekki hvort ég myndi leggja í það að kaupa bleik föt á Gunnstein, nema þá kannski skyrtu, það er einhvernveginn viðurkennt að sé í lagi. En mér finnst voða leiðinlegt að flest „strákaföt“ eru með einhverjum trukkamyndum eða skrímslum. „Stelpufötin“ eru hins vegar með blómum og fiðrildum og einhverju svona krúttlegu – ég gæti náttúrlega alveg keypt þau – en þau eru einhvernveginn of stelpuleg…

3 athugasemdir

  1. úff ef þú vissir hvað ég hugsa oft um þetta stelpur vs strákar dæmi, einmitt ekki bara litina heldur leikföngin sjálf. Var t.d. mjög meðvituð um að jólagjafirnar voru kynjamiðaðar svo það var ekki haft þannig með afmælisgjafirnar. Mín reynsla (alveg 2 ár! :) er samt að þau séu bara ólík, minn strákur er amk algjör strákur í sér; dundar sér langmest með bíla, traktóra, tækjadót meðan hún hefur engan áhuga á bíladótinu, vill helst lita, kubba og aðeins að byrja í dúkkuleik.
    Eitt sem ég hugsa líka oft með fötin er að það er hægt að klæða stelpurnar í sæta kjóla eða pils og þær eru samt í einhverju þægilegu en ef maður vill hafa strákana gæjalega þá eru buxurnar á þá ekki alltaf eins þægilegar.

    Comment by Sóley Lára — 10. janúar 2011 @ 23:11

  2. Flóki er aldrei í bleiku en mikið í rauðu og honum þykir það flott. Valdi t.d. rautt rúm sjálfur. Freyja er mikið í bláu af Flóka eða „kynjalausum“ litum og þá halda flestir að hún sé strákur. Hef aðeins spáð í því hvort ég hefði nýtt eins mikið af fötum á milli þeirra ef Freyja hefði verið eldra barnið.
    Finnst sorglegt hvað mikið af barnafötum eru „kynjuð“ og t.d. hrikalega bleik fyrir stelpur.
    Alveg tilgangslaust comment, meira pæling fyrir mig 😉

    Comment by Sigurbjörg — 10. janúar 2011 @ 23:44

  3. Eru allir hættir að blogga á þessu heimili?

    Comment by Mamma — 6. apríl 2011 @ 15:23

Hér er því miður lokað fyrir athugasemdir.