Frúin bloggar

Jæja þá er minnsti frændi kominn með nafn. Hann fékk nafnið Kristján. Ég fékk að mæta aðeins seinna í vinnuna til að vera viðstödd skírnina.
Erum annars búin að vera í vinnunni alla helgina og því fátt að frétta af okkur.

… og hverdagsleikinn hefur tekið yfir. Reyndar eru orðnar nokkuð margir dagar síðan en samt sem áður þykir mér þetta jafn leiðinlegt. Þessi óumflýjanlega athöfn að taka niður jólaskrautið er alltaf janf þunglyndisleg. Reyndar verri í ár en mörg önnur ár þar sem við fluttum rétt fyrir jól og tókum jólaskrautið upp á sama tíma og annað dót. Það er þar af leiðandi er extra tómlegt hjá okkur þessa dagana þótt við séum á góðri leið með að jafna okkur á þessu. Til að aftra mér frá því að leggjast í algjört “jólalaust þunglyndi” ákvað ég að fara og versla nokkrar jólagjafir, tókst að kaupa 6. Jamm þið lásuð rétt ég er búin að kaupa sex jólagjafir:)

Annars er búið að vera mikið að gera í janúar.

• Göngutúr í Öskjuhlíð með pabba, systkinum og co. Tókum með heitt kakó og það var mjög notalegt.
• Sponduklúbbur hjá okkur, reyndar voru allir rosa uppteknir en Hrönn og Kristín létu sjá sig og við spiluðum Meistarann.
• Leikhús með pabba, systkinum og mökum. Fórum fyrst út að borða og síðan að sjá, Viltu finna milljón. Alveg drepfyndið stykki og mæli eindregið með því:)
• Lét sjá mig í afmælisveislu í Grafarholtinu en Helgi Fannar varð 3. ára 10 jan og Pétur Snær varð 1. árs 11. jan.
• Fór út að borða og í þáttinn með Hemma Gunn með Ingunni, Rósu, Eygló og Björgu. Dröfn og Þrúður afboðuðu á síðustu stundu en hefði verið gaman að hafa þær með líka.
• Er búin að keyra pabba á flugvöllinn, envið búumst aftur við honum í mars þegar Sigrún systurdóttir mín fermist:)
• Er búin að fara í saumaklúbb til Drafnar. Ingunn, Rósa, Eygló og mættu líka og meira að segja Linda mætti beint úr Afríku ja eða svona nánast beint;) en mömmurnar í hópnum Björg og Ásta komust því miður ekki.
• Er búin að passa alveg slatta fyrir ýmsa fjölskyldumeðlimi.
• Erum búin að fara í innfluttningspartí til Sverris og co.
• Erum búin að fara í afmælispartí til Jóa.
• Bóndadagurinn er búinn en ég stjanaði við minn mann að vanda;)Komst því miður ekki í stelpupartíið það kvöld hjá Eygló en ég lofa að djamma tvöfalt með ykkur næst:)
• Erum búin að plana helling fyrir brúðkaupið. Prestur, dagsetning og tími komið á hreint er ekki annað bara aukaatriði;)Hehe nei nei segi svona, erum nú sem betur fer komin lengra í undirbúningi en þetta. Er kannski einhver sem er ólmur í að vera með skemmtiatriði? 

Stærstu fréttirnar eru nú samt öruglega að Inga eignaðist rosalega sæta og heilbrigða stelpu 13. janúar. Stelpan var tæpar 15 merkur og 52 cm. Hægt er að sjá myndir af henni á síðunni hjá stoltu móðursysturinni Jónu:)

Svo næsta laugardag fær litli frændi loks nafn. Ég hlakka mikið til að vita nafnið hans.

Kveð að sinni

Írisin

Við höfðum það voða gott í gærkveldi, borðuðum hjá Sillu og Filla. Pabbi kom líka. Maturinn var góður og kvöldið gott. Um 8 leytið kom Guðni með Eirík Boga til okkar því hann og Ásta voru á leið upp á sjúkrahús. Svo það var nóg að gera að elta þrjá gríslinga sem allir vildu athygli;) Pétur Snær sofnaði yfir skaupinu og svaf alla flugeldana af sér en við hin fórum út að skjóta. Hrafnkell og Filli sáu um að koma flugeldunum í loftið. Silla var með Helga Fannar að sýna honum flugeldana og ég með Eirík Boga. Pabbi var svo inni að líta eftir Pétri Snæ. Það varð að vera skipulag á þessu. Síðan tæplega hálf eitt varð Eiríkur Bogi stóri bróðir:) Elsku Ásta, Guðni og Eiríkur Bogi til hamingju með litla prinsinn:) Prinsinn lét sko aldeilis bíða eftir sér en kom með stæl og varð fyrsta barn ársins. Ég er stolt afasystir í dag:)http://mbl.is/mm/frettir/innlent/frett.html?nid=1244598

Við Hrafnkell kíktum aðeins í partí í gærkveldi en stoppuðum mjög stutt, ég held að aldurinn sé farinn að segja til sín enda árinu eldri en í gær;)