Amma í heimsókn

Á mánudaginn var skóli og íþróttir – systurnar fóru í frjálsar seinnipartinn og líkaði ljómandi vel.

Á þriðjudegi fékk frúin leigðan bíl hjá umboðinu og sótti tengdamömmu sína til Frankfurt á meðan bóndinn hætti snemma í vinnu til að sækja börn og sinna þeim.  Miklir gleðifundir urðu þegar amman kom heim og margt að spjalla og sýna henni.

Á miðvikudegi heyrðist ekkert af bílnum okkar, eftir hádegið gengum við niður í bæ, frúin tók þátt í samsöng í litlum bæ sunnan við Tübingen á meðan bóndi og börn sýndu ömmunni örlítið af borginni.  Endað var á að borða kvöldmat á Wurstküche.

Á fimmtudegi var bíllinn loksins tilbúinn svo eftir heimanám var hann sóttur – sú snögga er byrjuð að læra skrifstafi og reiknar eins og herforingi, sú sveimhuga reiknar tvær plústölur og eina mínustölu (allar þriggjastafa) í huganum, svona tæplega 200 dæmi!

Hersingin fór öll saman að sækja bílinn og þaðan til Hechingen í berfótagöngu og til að sjá Hohenzollern í fjarlægð.

Á föstudegi fórum við í góðan göngutúr upp að skógi, yfir engið og inn í skóg, þar var slegið upp nokkurs konar Tee-pee þar sem sú sveimhuga var arkitekt og byggingameistari, sú snögga flutningsmeistari og sá skapmikli var sjóræningjameistari!  Að lokum var kíkt á kýrnar og nýr mais keyptur í forrétt.

Á laugardegi var sú snögga boðin í afmæli, hjónin nýttu pössunina og fóru til Reutlingen að skoða húsgögn – urðu alveg veik og keyptu eitt rúm.  Eftir að heim kom lagðist frúin í rúmið til að vera veik í klukkutíma á meðan spilað var í stofunni.

Á sunnudegi fórum við í Wilhelma og stefndum gömlu þýsku vinunum þangað líka.  Við sáum meðal annars lítið kengúruskott stingast upp úr poka, letidýr með unga, otur og tígrisdýr – og auðvitað litlu sætu górilluungana eins og alltaf!  Frábær dagur sem endaði á Bella Roma.

Join the Conversation

5 Comments

  1. Allt þetta hjómar ótrúlega skemmtilegt og ömmumyndirnar eru mjög góðar. Gott að heyra hvað lífið gengur vel hjá ykkur þarna ytra. Líklega verður bara ekkert að gera hjá sveimhuganum í skólanum miðað við „herskólann“ 😉 En ég myndi vilja læra „stjórnun veikinda“ af þér. Hvernig tekst manni að vera „veikur í eina klst“ og svo málið dautt??

    Ástarkveðjur frá fróni
    Magga

  2. Já Magga mín – þetta er herskóli sem þær dætur mínar eru í – alla vega að sumu leiti. Veikindastjórnun er sko langur skóli, tek þig í læri eftir áramótin 😉

  3. hahaha… já gaman var nú að fá smá kennslu í veikindastjórnun 🙂
    Hlakka til að fá þíg aftur í vinnu !

  4. Gaman var að lesa dagbókina og rifja upp atburði viðburðaríkrar viku, núna þegar ég er komin heim. Takk fyrir skemmtunina, spilamennskuna og samveruna.

Leave a comment

Netfang þitt verður ekki birt. Nauðsynlegir reitir eru merktir *