Ég var að skoða greinar eftir Hrafnkel Lárusson á Hugsandi leitandi að því sem hann hafði eitt sinn skrifað til varnar heimspekingi á Akureyri. Það var minna en mig minnti en ég rakst hins vegar á grein sem heitir Afrekin „Okkar“!. Niðurlag þeirrar greinar er áhugavert miðað við að hún var skrifuð fyrir fjórum árum:
„Við“ munum halda áfram að fagna meintum sigrum „Okkar“ — þar til veruleikinn kippir okkur niður á jörðina þegar við fáum reikninginn fyrir áhorfið.
Endilega kíkið á hana. Það er talað um útrásarvíkinga, handbolta og þjóðrembu.
Ég kaus í forvali VG í Rvk í dag. Ég setti sex manns á miða. Ég mætti síðan á fyrstu tölur til að fylgjast með. Aðalspennuefnið var hver myndi ná þriðja og fjórða sætinu enda var maður eiginlega búinn að gefa sér að Sóley og Þorleifur yrðu efst. Ég var orðinn mjög spenntur þegar kom að þessu og var alveg rosalega kátur með bæði þriðja og fjórða sætið en þeim náðu Líf Magneudóttir og Elín Sigurðardóttir. Þetta var ég nú að vona. Það sem þær hafa sameiginlegt er að hafa allt á hreinu. Ég veit að Elín er hörkudugleg og mér sýnist að Líf sé það líka. Líf er augljóslega kjarkmikil og græddi á því að sækjast eftir öðru sætinu. Þær eiga eftir að virka ákaflega vel í kosningabaráttunni og vonin er að sjálfsögðu sú að þær haldi því góða starfi áfram í borgarstjórninni sjálfri. Það væri gott fyrir flokkinn og gott fyrir borgina.
Ég hlakka líka til að sjá Sóleyju í kosningabaráttunni. Hún á mikið inni og þá sérstaklega á hún eftir að koma þeim á óvart sem halda að hún geti ekki talað um neitt nema femínisma.
Ég átti afmæli í gær. Hafdís gaf mér toffísneið frá Bakarameistaranum í morgunmat. Þegar Eygló kom heim ákváðum við að fara í Bakarameistarann þar sem ég fékk mér kjötloku og aðra toffísneið. Gott.
Við ákváðum, eftir miklar umræður, að panta mat frá Kitchen um kvöldið. Það var ekki hægt að fá sent heim en við fengum afslátt í staðinn. Í stuttu máli sagt var maturinn æði. Við pöntuðum fjóra aðalrétti og síðan smá handa Sóleyju líka.
Við fengum okkur:
13. Shish Kebab Murgh (miðlungs). Ákaflega ljúfir marineraðir kjúklingabitar.
19. Rubiyan Jhinga (miðlungs). Rækjuréttur sem ég sleppti.
20. Nepalskur Murg Masala (mildur). Tikka réttur. Alveg æði.
26. Kjúklinga Korma (mildur). Mjög fínn.
Mér fannst naanbrauðið gott en það fór misjafnlega í fólk. Það var samt eitthvað í þeim sem Mummi lýsti sem sandkornum.
Ég hef þegar lýst kvöldinu.
Góður dagur semsagt.
Fjölnir og Arndís fengu þá dásamlegu hugmynd að hafa Háskólalistahitting á kosningavöku Skrökvu. Það var nokkuð vel heppnað og dáltið af kjarnafólki mætti þá það hafi tilfinnanlega vantað fólk eins Frey og Ella. Ég tók með gömul Háskólalistamerki sem höfðu verið á og í skrifborðinu mínu síðan við duttum út á sínum tíma. Við fengum bandið til að taka lagið Stuck in the Middle og komumst í mikið stuð. Síðan heilsaði ég snöggt upp á annan mann á lista Skrökvu sem heitir Viktor Orri. Ég kynnti okkur fyrir honum, bar honum kveðju okkar og gaf honum merki. Það sem gerðist næst kom mér á óvart. Það hópuðust til okkar Skrökvuliðar og meðal annars einn nemandi minn frá því í fyrra. Þau voru glöð að fá gömul Háskólalistamerki og virtust þekkja sögu okkar ágætlega. Þetta var eins og maður væri gömul stríðshetja.
Kosningarnar voru með öðru sniði en áður og var kosið rafrænt. Það var hins vegar ákveðið að gera úrslit kunngjörð klukkan ellefu. Þegar á leið fann ég fyrir gömul taugaóróleika sem fylgdi þessu hér áður fyrr. Rétt eftir ellefu sá maður að aðalfólkið í Skrökvu var að koma upp að sviðinu. Ég hlustaði á tölurnar og reyndi að reikna út. Vaka með um 2500, Röskva með ríflega 2200 og Skrökva með um 700. Ég var eiginlega búinn að sjá þetta út en síðan var sagt að þetta hefði farið 4-4-1. Skrökva er með oddamann alveg eins og fór í mínum fyrstu kosningum 2005. Þetta þýðir í raun að Skrökva er með 2 menn, Vaka 9 og Röskva 9 (af því að þetta er heimskulegasta kosningakerfi í heimi).
Háskólalistaborðið gladdist ógurlega vitandi að það þyrfti ekki að standa í þeirri vinnu sem bíður Skrökvuliða. Fyrir þremur árum dó Háskólalistinn á planinu við gamla Stúdentakjallarann sem síðan dó líka. Við gerðum hann aldrei upp. Ég veit ekki hvað olli. Líklega vorum við bara orðin svona þreytt á þessu öllu. Mér líður smá eins og uppgjörið hafi orðið í kvöld. Nýtt fólk hefur tekið við kyndlinum. Það mun vonandi taka eftir því sem við gerðum vel og einnig því sem misfórst hjá okkur. En þetta er góð tilfinning. Þetta var mjög fín afmælisgjöf.
Réttari tölur:
Úrslit kosninga til Stúdentaráðs liggja fyrir og ljóst er að meirihlutinn féll. Röskva fékk 2263 atkvæði og fjóra menn kjörna. Vaka fékk 2424 atkvæði og fjóra menn kjörna. Skrökva fékk 745 atkvæði og 1 mann kjörinn.
Í kosningu til Háskólaráðs fékk Röskva 2272 atkvæði, eða 50,04% en Vaka fékk 2268 atkvæði eða 49,96%. Á úrslitunum sést að stærri fylkingarnar tvær voru mjög jafnar.
Kosningaþátttakan var 39,5% eða 5% meiri en í fyrra. Kosningarnar í ár voru rafrænar.
Ég hef fylgst með stúdentapólitík í Háskóla Íslans síðan árið 2003 og var virkur í henni sem meðlimir Háskólalistans frá 2005-2007.
Vaka er samansafn af óháðum stúdentum sem munu flestir, um leið og ferli þeirra í stúdentapólitík lýkur, átta sig á því að þeir eiga samleið með Sjálfstæðisflokknum og verður frami þeirra svo snöggur innan flokksins að manni gæti dottið í hug að þar sé litið á vinnu innan Vöku sem starf fyrir flokkinn.
Röskva fer hins vegar ekki í felur með tengsl sín við stjórnmálastefnur.
Skrökva hæðist að öllu kerfinu sem sýnir að þeir skilja það betur en gömlu hreyfingarnar.
Ég hef, í fyrsta sinn frá 2004, ekki kosningarétt, en ég myndi kjósa Skrökvu og vona að sem flestir geri það.
Í vikunni braut séra Bjarni Karlsson prófkjörsreglur Samfylkingarinnar og í gær vann hann Dofra Hermannsson með átta atkvæða mun. Hvað ætli séra Bjarni hafi fengið mörg atkvæði út á þessa auglýsingu sem hann mátti ekki birta? Þarna fellur sá góði maður Dofri um sæti væntanlega einungis af því að séra Bjarni annað hvort kynnti sér reglurnar ekki nógu vel eða hélt að hann kæmist upp með að brjóta þær. Maður hefði allavega haldið að heiðarlegur maður hefði dregið framboð sitt til baka eftir að hafa brotið svona af sér.
Ég hefði haldið að það þyrfti nú meiriháttar umræðu áður en svæðisútvarpið væri fellt niður. Í raun er þetta stórpólitískt mál. Manni grunar reyndar að einhverjir í Efstaleitinu hafi átt auðveldara með að reka fólk sem vinnur langt í burtu heldur en þá sem eru í sama húsi.
