Sh-sh-sh-shoeeeee people!

Ég hef ekki þörf fyrir að eiga mörg skópör. Að því leyti er ég væntanlega frekar afbrigðilegur kvenmaður (en ég er hins vegar með þeim mun meiri náttfataáráttu og væri til í að eiga ein náttföt fyrir hverja nótt ársins – að minnsta kosti). Þó ég vilji ekki eiga mörg skópör vil ég eiga góð skópör og það getur verið erfitt að finna þau. Á fyrsta lagi þurfa skórnir að vera númer 37 svo ég passi nú í þá. Þeir þurfa líka að vera mjúkir og þægilegir og ekki of breiðir eða víðir því ég er með svo þunnan fót. Voðalegt vandamál að finna hina fullkomnu skó. Svo er líka mjög góður kostur að maður renni ekki auðveldlega á þeim í hálku. Parið sem er í aðalnotkun þessa dagana kemst ansi nálægt fullkomnun. Ég hélt reyndar þangað til í dag að það væri alveg fullkomið. En eitt smávægilegt atriði virðist ekki vera í lagi. Og verður nú sögð sagan af því.

Upp úr hádegi í dag ákvað ég að leggja af stað heim í seinni hluta „jólafrís“ eftir þriggja daga Reykjavíkurdvöl. Ég raðaði vandlega á mig farangrinum; lítilli ferðatösku, tveimur pokum og kápu. Rögnvaldur eðalkaggi beið stilltur og prúður fyrir utan Skerjagarð og ég skokkaði með allt dótið í áttina til hans. Um leið og ég nálgaðist skottið ákvað lítill og ljótur hálkublettur að birtast fyrir aftan bílinn. Og Dagbjört flaug upp í loftið. Skórnir fá mínusstig fyrir að hafa ekki höndlað þessar aðstæður. Þar sem ég var með mikið í höndunum gat ég ekki borið þær almennilega fyrir mig og lendingin var ekkert sérstaklega mjúk. Ég lenti asnalega á vinstri handleggnum og verkurinn ákvað að rjúka beint upp í öxl og hnakka – sem eru auðvitað mínir aðal og uppáhalds verkjastaðir. Einhvern veginn bögglaðist vinstri höndin sjálf líka og það er sárt að nota hana. Hægri höndinni er ekkert illt en hún er hins vegar svolítið blóðug. Ekki hafa frekari meiðsli verið uppgötvuð en ég borða bara íbúfen og ligg á hitapoka mér til skemmtunar. Eftir þetta fallega flug reyndi ég nú að halda kúlinu, stóð upp og tíndi saman dótið mitt. Um leið hugsaði ég hvað það hefði verið heppilegt ef systir hennar Gurríar hefði verið að labba framhjá, henni finnst víst svo gaman að sjá fólk detta ef ég man rétt 😉 En ég held því miður að enginn hafi orðið þeirrar gæfu aðnjótandi að horfa á þetta. Gengur bara betur næst…  Og já, einkunnin er ekki ennþá komin. Ég er um það bil að fara í vont skap eftir þetta óréttlæti heimsins 😉

Join the Conversation

6 Comments

  1. Á†, elskan mín. Hún systir mín kann að stilla sig á ögurstundum og mér sýnist að þarna hafi verið ein slík. Hún hefði sko bjargað þér. Ertu þá í góðu yfirlæti í haglélinu á Skaganum? Ég er spæld að engar eldingar skuli vera líka, það væri kúl. Þú ert velkomin í heimsókn í himnaríki ef þú vilt um helgina, bara hvenær sem er. Láttu þér nú líða betur. Veit að íbúfen virkar á svona verki, svo get ég gefið þér góða baðbombu ef þú ákveður að fara í heitt bað. Knús til allra!

  2. Ohh takk, já ég verð sko á Skaganum í heila viku núna, svo langt jólafrí í skólanum. Lá einmitt í heitu baði rétt áðan en átti reyndar enga baðbombu 😉 Það væri gaman að kíkja í himnaríkisheimsókn um helgina, aldrei að vita nema ég gæti dregið mömmu með (og um leið kynnt hana fyrir köttunum og þannig minnt hana á hvað það er nú gaman að hafa einn slíkan á heimilinu ;))

  3. Á† greyið mitt, ekki gott að detta svona 🙁 Vonandi batnar þetta sem fyrst. Ég verð líka að viðurkenna að ég er engin skómanneskja heldur.

    Annars ætlaði ég bara að segja gleðilegt ár 🙂

  4. Gleðilegt ár Ósk! Og takk fyrir jólakortið 🙂
    Þú mátt alveg endilega senda mér lykilorðið á síðuna þína ef ég má halda áfram að skoða, ég sé ekki hvernig ég á að sækja um það þar!
    Netfangið mitt er dagbjog@hi.is 🙂

Leave a comment

Skildu eftir svar við Dagbjört Hætta við svar

Netfang þitt verður ekki birt. Nauðsynlegir reitir eru merktir *