Misjöfn eru morgunverkin og allt það

Klukkan er að nálgast 12 á þessum fagra mánudagsmorgni. Undanfarna klukkutíma er ég búin að…

…. Hoppa í sturtu á methraða

… Klæða mig – einnig á methraða og klæða annan einstakling – aðeins minni

… Panta tíma í smurningu fyrir bílgreyið Rögnvald

… Setja í þvottavél og þurrkara, taka úr þvottavél og þurrkara, hin eilífa hringrás.

… Skipta á tveimur kúkableyjum með glöðu geði og spyrja eiganda þeirra hvort það hafi nú ekki verið gott að losna við þetta. Það var fátt um svör.

… Fylla út og skila skattframtalinu

… Pakka Guðmundi Hrafnkeli í ýmis lög af fötum, stinga honum ofan í vagn og setja hann út á tröppur þar sem hann sefur vært

… Flakka um á netinu og skrifa tvö email

Samt er ég glaðvakandi og hress, frábært að eiga allan daginn eftir en vera samt búin að gera helling. Af einhverjum undarlegum ástæðum hef ég aldrei sofið jafn vel á nóttunni og verið jafn óþreytt á daginn og eftir að ég eignaðist barn! Hef alltaf átt svo erfitt með að sofa en nú er álagið svo jafnt yfir allan daginn að ég steinsofna um leið og ég leggst á koddann. Draumabarnið er líka svo tillitssamt að því finnst best að sofa á nóttunni svo við vöknum bæði hress og kát á morgnana.

Ég er annars alltaf að uppgötva fleiri og fleiri lagatexta sem ég hef sungið vitlaust þegar ég var lítil… já og suma löngu eftir að ég hætti að vera lítil. Á fyrsta lagi hafði ég mikla þörf fyrir að syngja enska texta án þess að skilja neitt í ensku – en það skiptir engu máli þegar maður er svona lagviss eins og ég 😉 eheheh, ég held mér hafi aldrei tekist að raula lag þannig að önnur manneskja fatti hvað það er. En allavega…. ég söng hið frábæra lag „agadjúsei“ villt og galið sem mér fannst vera fagur óður um djús en er víst „I’ve got you babe“ sem er ekki næstum því jafnspennandi. Ég á milljón dæmi um svona enska texta en það eru eiginlega íslensku textarnir sem eru verri.. það er eitthvað svo áberandi að syngja þá vitlaust og þar sem ég þjáist af mjög miklu ímyndunarafli myndskreytti ég lögin oft algjörlega vitlaust. Vögguvísur eru mér kannski óeðlilega ofarlega í huga núna en ég heyrði „Dvel ég í draumahöll“ alltaf mjög vitlaust… „sígur ró á djúp og dal, dýr til hvílu ganga“ heyrði ég „sígur rófa á djúp og dal, býr til hvíluganga“. Ég sá alveg þessa hvíluganga fyrir mér, langir gangar með rúmum… en ég skildi ekki hvernig rófan bjó þá til. Ekki fleiri opinberanir…. ég er farin að gera eitthvað!

Join the Conversation

9 Comments

  1. ehhehe kannast ansi veeeel við það að misheyra lög svona svakalega..
    var og ER alveg mjög dugleg við það:)
    gott dæmi er lag sem ég man eftir þegar ég var yngri..sem er held ég með KK .. en hann söng S O S ástin ein..(að ég held) en ég heirði alltaf S O S álfapest.. hmmm bæði svosem ansi undarleg;) en álfapestar eru náttúrulega stórhættulegar;)

  2. Hahahah! I got you babe (ub40 útgáfan) var einmitt í MIKLU uppáhaldi hérna megin…nema hvað að ég söng „gagatjúbei“…sem ég reiknaði með að væri orð á ensku sem ég myndi læra þegar ég yrði orðin aðeins stærri. Aaaah dæs 🙂

    Gott að heyra að mömmuskapurinn gengur vel 🙂

    knús á ykkur

  3. hehe… snilld… ég held að joini inn í þennan misheyringa-klúbb… misheyrði hin ýmsu lög og geri jafnvel enn…. en ekki þó í eins ríku mæli…:)

    SOS Ást í neyð…. það er með Villa Vill, og við Dabba vorum einmitt svo duglegar að hlusta á það… man þessa daga þegar maður fór heim til döbbu eftir skóla, fékk ALLTAF eitthvað gott með kaffinu og svo var sett plata í spilarann og hlustað á SOS Ást í neyð… eða Ástin ein… það er spurning hvernig þetta er….

    Einnig vil ég koma því að að ég man hvað ég var ótrúlega ekki þreytt þegar Nína var svona lítil…. svo þegar hún varð svona 1 árs þá heltist þreytan yfir mig …ég bara svaf endalaust þá…:)

  4. hehe já ég man eftir þessu Villa tímabili 😀 ein þú getur bjaaaaaargað méééér… mjög dramatískt allt saman 😉 Ánægð að heyra að það eru til fleiri útgáfur af Sonni&Cher smellinum góða 😉
    Og Lísa… þessi álfapest er alltaf jafnundarleg 😀 Minnir mig á jópestina… hehehehe hver kannast ekki við hið rótgróna íslenska orð jópest?

    Ég bý mig þá undir að verða ofurþreytt í febrúar á næsta ári 🙂 Zzzzzzzz…

  5. ég kannaði málið frekar… hhahaha…. talandi um að heyra vitlaust…

    textinn á laginu er SOS ást ÞÁN ein…..

    jájájá… maður er nú bara í ruglinu sko….

  6. hehehe gott og gaman að vita af því að það er ekki bara ég sem hef verið að heira þetta lag svona ofur vitlaust:) heheh held nú reyndar að maður sé nú ekkert að vaxa uppúr því;)

    já Álfapest…hehe náttúrulega mjög eðlilegt að synja það hástöfum.. errm.. en já jópestin taaahahah … var bara búin að gleima því! djö langar í skrabble:D

Leave a comment

Netfang þitt verður ekki birt. Nauðsynlegir reitir eru merktir *