I just keep loosing my beat

Ég hélt að ég ætti heima á efri hæð af tveimur í mínu fagra húsi. Undanfarna daga hef ég komist að því ég bý á annarri hæð af þremur. Ábúarnir á efstu hæðinni eru svolítið spes… Mér finnst þeir ljótir en það er allavega ekki hægt að segja að þeir séu latir, skila þvílíkum afköstum á hverjum degi. Þeir eru allir með átta lappir… jibbí, ég á heima í kóngulóarhúsi! Þetta hefur alltaf verið draumur minn, ég man hvað ég öfundaði Lísu þegar hún bjó í Kópavoginum og sá nýjar tegundir af kóngulóm á hverjum degi. Gular, grænar, feitar, stórar… yndislegt. Þegar ég lauma barnavagninum út á tröppur í hádeginu snýst hausinn á mér í hringi til að staðsetja hvert einasta kvikindi sem gæti verið nálægt mér. Stundum liggja þær bara og slappa af í þessum fáránlega stóru meistaraverkum sínum sem hanga meðal annars utan í þakinu. Svo lítur maður aðeins af þeim og allt í einu eru þær horfnar! Og mann fer að klæja við tilhugsunina um hvar þær gætu mögulega verið. Hrollur hrollur…..

Þjóðfræðibras: Ég er búin að vera að skrifa upp viðtöl (sem ég á að vera löngu búin með). Fékk annað upptökutæki en ég var með og þar leyndist viðtal sem einhver annar á. Diskurinn er ekki merktur og sá sem tekur viðtalið kynnir sig ekki en þetta virðist vera um Ólafsvöku… einhver búinn að týna viðtali??? Á eftir að athuga þetta betur og auglýsa á réttum stöðum en það sakar ekki að byrja hér 😉

Afmælisbarn dagsins er engin önnur en mamma mín!

family2.jpgmamms.jpg

Mér finnst hún nú hafa breyst fáránlega lítið á 50 árum! Heppilegt að í dag er bannað að vera í megrun, held að ég fái nefnilega svolítið mikið gott að borða á eftir (allir dagar eru reyndar megrunarlausir hjá mér en það er fínt að hafa þetta svona opinbert).

Aukaafmælisbarn dagsins er svo Guðmundur Hrafnkell sem er 3 mánaða í dag!

Húrra, húrra, húrraaaa!

Join the Conversation

6 Comments

  1. já… spjalla… takk kærlega fyrir spjallið í dag… og köku-tebolluna sem var mjög góð:) hef ákveðið að verða fastagestur í sumar á bökunardögunum þínum…:)

    Til hamingju með móðir þína og son… mamma þín hefur jú lítið breyst… það fer ekki á milli mála…:)

    450 orð eftir af ritgerð og ég er að bugast…. þetta er eins og í grunnskóla…:)

  2. til haminju með mömmu þína og hann Hrafnkell..vá líður nú eiginlega alveg óhugnalega hratt… 3ja mánaða.. ussu:) mmmh ég hér með bíð mér sjálfi í heimsókn á bökunardögum líka;)
    heheh ertu í köngulóarheaven.. en gaman! *hrollur* ég er alveg óendanlega ánægð með að vera losnuð undan þessum litlu „vinum“ enda fáar „lóurnar“ sem nenna að trítla uppa 3ju hæð sem betur fer:D

  3. Hér kem ég alltaf svolítið sein. Þetta er ótrúlegt að hafa breyst svona lítið eins og mamma þín. Kannski er svona gott að búa á Skaganum eða þetta er bara í ættinni. Þú getur þá farið að hlakka til að eldast Dagbjört.
    Hvenær kemur þú næst í bæinn?
    kv

Leave a comment

Netfang þitt verður ekki birt. Nauðsynlegir reitir eru merktir *