Bókaormur

Þegar ég eignaðist barn bjóst ég við því að fá senda allskonar bæklinga og auglýsingar um barnavörur, svona af því nú væru komnar nýjar víddir í mögulega peningaeyðslu mína. En ótrúlegt en satt, það eina sem gerðist var að Landsbankinn gaf barninu 5000 krónur. Ég var þá búin að stofna reikning þar svo ég hafði nú ekki á móti því að fá smá viðbót inn á hann. Núna eru rúmir sjö mánuðir síðan þessi neytandi bættist í samfélagið og allt í einu er eins og það hafi verið send út fréttatilkynning um að hann sé fæddur. Á meðan Daði fær tilboð frá símafyrirtækjum fæ ég senda Pampers bleyju og upplýsingabækling um Gerber barnamauk. Ákaflega áhugaverður póstur 😉

Barnið er nú líka gengið í sinn fyrsta klúbb – í kjölfar eins af símtölunum sem snúast um nýlega fæðingu þess. Ég var reyndar mjög ánægð með þetta símtal, klúbburinn heitir Bókaormar. Nú fær hann senda eina bók í hverjum mánuði og það er að mínu mati besti klúbbur sem hann gæti mögulega verið í, ég bíð æsispennt eftir fyrstu sendingu og eftir því sem mánuðir og ár líða verður hann það væntanlega líka 😉 Aldrei of snemmt að byrja að lesa fyrir börn. Það var mjög mikið lesið fyrir mig þegar ég var lítil…. mjög, mjög mikið þar sem ég var yfirleitt lesin í svefn og það hefur aldrei fundist manneskja sem er lengur að sofna en ég, öllum fjölskyldumeðlimum til mikillar ánægju 😉

file0063.jpg

Á kvöld ætla ég út að borða með Lísmundi kökuskrímsli, slurp slurp 😀 Þar af leiðandi get ég því miður ekki tekið á móti símtölum frá æstum söluaðilum rétt á meðan en ég verð ekki lengi 😉

Join the Conversation

  1. Avatar
  2. Avatar
  3. Avatar

3 Comments

  1. Nína var einmitt líka í þessum bókaklúbb… ég skráði hana úr honum þar sem að hún var í þann veginn að rífa allar blaðsíður úr öllum bókunum sem hún fékk… þannig að kéllan hringdi…. sendi inn smá kvörtun… af því að ég bara skil ekki afhverju svona litlum börnum eru sendar bækur úr blöðum sem eru ekki smábarnaheld… og ákvað að skrá hana bara aftur þega hún hefur nægan þroska til að fletta í gegnum þetta sjálf… án þess að rífa allt í sundur…:) sem er akkurat kannski núna:)

    en annars ótrúlega sniðugur klúbbur:)

  2. núhh hvurslags! Hann er búinn að fá fyrstu sendingu og það eru nú bara þykkar harðspjaldabækur :O hann fær reyndar ekki að hafa þær sjálfur enda myndi hann bara éta þær 😉

    Til hamingju með 3 ára Nínu 😀

  3. Ánægð með þig að vera búin að skrá strákinn í ormana:) Hún Karen var ekki nema 2 mánaða þegar bókaormurinn mamma hennar var búin að skrá hana;) Er reyndar nýhætt með áskriftina núna, var búin að færa hana í næsta aldurshóp átti orðið nóg af harðspjaldabókum en það var verið að senda svo óspennandi bækur á tímabili að við ákváðum að taka bara pásu.

Leave a comment

Netfang þitt verður ekki birt. Nauðsynlegir reitir eru merktir *