Það er af það sem áður var að á heiminn herjuðu óumburðarlyndisfasistar eins og Hitler. Núna þurfum við að fást við svona umburðarlyndisfasista. Við erum í stórhættu.
Month: maí 2008
Umburðarlyndisfasismi
Þegar orðið umburðarlyndisfasismi var fyrst yrt af prestsyninum þá var ég mest hissa á að blaðamaðurinn sem tók viðtalið skyldi ekki hafa spurt manninn hvort hann væri ekki örugglega að grínast. Það hefði líka verið gott að prestsonurinn hefði verið spurður hvort hann vissi hvað fasismi væri. En þetta virðist ætla að verða kjörorð Framsóknarflokksins. Verði þeim að því. Ætli kjósendurnir séu stoltir?
Ferðaplönum loks lokið
Á fimmtudaginn hitti ég loks Júlíönu og fór með henni að ganga frá hennar bókunum fyrir Derry ferðina. Það var samt vesen með hótelbókun fyrir nóttina í London. Ég hafði pantað áður á hóteli en ekkert var laust. Við tókum því og leituðum uppi hótel á svipuðum slóðum fyrir hana og það fannst. En við hefðum væntanlega getað sleppt því að velja eftir staðsetningu því í morgun bókaði ég á sama hóteli og Júlíana þannig að við erum komin með allt á hreint með ferðaplönin. Ég þarf síðan að dunda mér að skoða hvernig greinin getur virkað betur sem fyrirlestur o
Giftingaplön
Í dag hitti ég mann sem lofaðist til að gifta okkur Eygló. Það þarf bara að tryggja að hann sé á landinu þegar að því kemur.
Corkað í dag
Í dag sendi ég smá skrif til Cork og fór líka í bankann til að reyna að innleysa ávísun frá leigusalanum þarna úti. Það mun víst taka allt að tvær til þrjár vikur að fá peningana. Þá gæti verið liðið hálft ár frá því að ég fór þaðan.
Ungliðar Samfylkingar og Sjálfstæðisflokks
UVG stóð sig prýðilega sem samviska þingflokksins en maður hlýtur að spyrja sig hvar ungliðar Samfylkingar og Sjálfstæðisflokks séu þegar þeirra fólk ræðst að trúfrelsi í landinu.
Húsþrælar
Það þótti ekki falleg einkunn þegar Harry Belafonte kallaði Colin Powell húsþræl. Ástæðan er sú að húsþrælar voru lítils metnir af öðrum þrælum. Með því að vera sérstaklega þjónustulundaðir við meistara sína fengu þeir að vera inn í híbýlum þeirra og þjóna þeim. Fengu gömul föt af þeim og héldu að þeir væru þess vegna meira virði. En í raun voru þeir bara þægari. Það er ekkert virðingarvert við það. Húsbændurnir voru líka alveg líklegir til þess að losa sig við þá þegar þeir komu ekki lengur að gagni. Þeir áttu því afar fáa vinir, þessir þægu húsþrælar.
Fann fyrir þessum
Þetta er væntanlega stærsti skjálfti sem ég hef fundið fyrir. Húsið nötraði alveg.
Biturleikann burt
Stefni á að vera minna bitur bloggari á næstunni allavega.
Vel að lygaratitlinum kominn
Maðurinn á allavega ekki erfitt með ljúga. Hvenær á síðan að verðlauna fólk sem segir sannleikann?
Að ljúga fyrir málstaðinn
Þegar menn ljúga fyrr málstaðinn þá er það fyrst og fremst vísbending um að málstaðurinn sé ekki góður.
Þreytti maðurinn
Dagurinn í dag var ágætur. Hætti um hádegi í vinnunni og rölti niður í bæ Dagbjörtu og Guðmundi Hrafnkel (sem reyndar svaf í vagninum sínum). Borðuðum á Red Chili og röltum síðan aðeins meira.
Þrátt fyrir að hafa hætt svona snemma þá er ég ennþá þreytti maðurinn. Ég þarf að slappa af. Fara snemma að sofa.
Framsókn
Á ævi minni hef ég fáar ákvarðanir tekið jafn snjallar og að hætta að styðja Framsóknarflokkinn. Þið getið getið ykkur til um að ákvörðunin að styðja þennan flokk til að byrja er akkúrat á hinum endanum á þessum skala.
Annars þá er alveg óendanlega skrýtið að Guðni haldi að hann græði eitthvað á að gera flokkinn kristilegan. Það tókst ekki þegar Halldór reyndi það. Íslendingar kjósa ekki eftir trúarskoðunum, hvorki trúaðir né trúleysingjar. Ég veit bara um einn söfnuð á landinu þar sem kosið er eftir flokkslínum og þar lætur leiðtoginn hjörðina kjósa nafna sinn.
„Ég er reyndar svo djúpur“
Hverjum dettur í hug að tala svona um sjálfan sig?
Mér finnst hugmyndin um að sýna iðrun með því að fara í göngutúr vera stórundarleg. Hvernig fá menn svona hugmyndir? Er svona óbærilega erfitt að rölta um Þingvelli eða í kringum Mývatn? Maður sýnir iðrun í verki en ekki með labbi.
Áhugaverð enska hjá Kaupþingi . . .
Á Vísi er frétt þar sem stendur:
Kaupþing hafði ætlað að fá fjárfesta inn í Kaupthing Opportunistic Real Estate Fund
Frjálsa orðabókin skilgreinir oppurtunistic sem:
Taking immediate advantage, often unethically, of any circumstance of possible benefit.
Kannski að maður ætti bara að þakka fyrir heiðarleikann.
Myndskilaboð – Tölvuskjáir
Magnús Þór
Þegar andstæðingar stjórnmálamanna gera allt til að vekja athygli á því sem frá þeim kemur þá bendir það ekki til þess að um sterkan leik hafi verið að ræða.
Hálfvitar á þingi
Sérstök vonbrigði að sjá þingmenn VG ganga gegn ályktun landsfundar um trúfrelsi.
Dylan in the Wind
Í síðustu viku fékk ég 2 fyrir 1 tilboð á Dylan. Ég hafði samband við Sigga og við ákváðum að fara.
Tónleikarnir voru semsagt í kvöld. Ég var þannig séð hrifinn af fyrstu lögunum. En þetta varð svolítið endurtekningasamt. Ég er til dæmis hrifinn af blúsdjammi en mér fannst það vera í nær hverju lagi. Í lokin tók Dylan síðan Blowin in the Wind í eiginlega nákvæmlega sama stíl og öll hin lögin á tónleikunum. Hann snerti sjálfur aldrei gítar.
En jæja, allavega hefur maður séð goðsögnina og getur síðan bara hlustað á klassísku lögin hans heima hjá sér.
Klikkað fólk
Það er erfitt þegar klikkað fólk hegðar sér á klikkaðan máta án þess að maður megi í raun segja að það sé klikk.
Spínat
Ég deili ekki ást kokksins hérna á spínati. Þetta er líklegasta ein ofmetnasta matvara í heimi. Einhvern tímann á fyrrihluta aldarinnar olli gölluð rannsókn því að járninnihald spínats var ofmetið. Það varð síðan til þess að teiknimyndapersónan Stjáni blái notaði það til að styrkja sig. Í kjölfarið hafa væntanlega flestir krakkar sem lesið hafa þessar sögur eða séð teiknimyndir byggðar á þeim prufað að fá sér spínat til að verða stór og sterk. Án árangurs augljóslega.
Er ekki komin tími til að jarða spínatgoðsögnina og jafnvel spínatið sjálft?
Þrjár vikur
Ég á eftir að vinna í þrjár vikur áður en ég fer í ekki beinlínis frí.
Hvers vegna hætti Björgvin?
Af hverju læðist að mér sá grunur að vinnustaðaskipti Björgvins Guðmundssonar sé tengd ráðningu meðritstjóra hans á dögunum?
Björgvin er annars í seinni tíð einn af uppáhaldsfrjálshyggjumönnunum mínum, einn af þeim sem mann grunar að aðhyllast þessa hugmyndafræði í raun en ekki sem yfirvarp. Ég hef nefnilega merkilega lítið á móti frjálshyggjunni sem slíkri heldur aðallega það hvernig menn nota þessa hugmynd til að réttlæta eigin græðgi og skort á samkennd.
Gubbaðu þessu út úr þér maður
Sagði Sigmar núna áðan í Eurovision atkvæðagreiðslunni. Mig grunar að sjónvarpsáhorfendur um allt land hafi einmit ítrekað öskrað eitthvað álíka á Sigmar þegar hann er að draga að segja hvort svör séu rétt eða röng í Gettu Betur. Maður kann þá list bara alls ekki.
Annars er eitthvað voðalega fallegt við að sjá lönd sem hafa verið í stríði og kúgað hver önnur gefa hvert öðru stig alveg á fullu.
Afrek dagsins í dag…
Í morgun skutlaði ég Eygló út á flugvöll en hún var að fara í sauðburð fyrir austan. Ég fór síðan í Odda til að prenta út greinar fyrir ritgerðina. Þegar Bókhlaðan opnaði fór ég þangað til að ljósrita og leita að heimildum. Ég prufaði líka í fyrsta skipti að nota filmuvélarnar til að skoða gömul dagblöð. Það var barasta fjör.
Það var síðan badminton eftir hádegi Siggi leysti Eygló af. Þetta var skemmtilegt nema fyrir Sigrúnu sem meiddi sig ítrekað og fékk líka ótal skot í sig, oft frá mér reyndar. Eftir að Siggi Ö. og Sigrún voru farin tókum við Siggi hörkuleik. Það var mikið hlaupið.
Ég afrekaði ekki mikið eftir að ég kom heim og ég endaði með að leggja mig og svaf yfir alla keppendur í Eurovision, sem var ágætt.