Þegar ég var að keyra Hringbrautina áðan þá varð ég vitni að skítlegri hegðun hjá ökumanni. Þetta var við þrenginguna, það var að koma sjúkrabíll, allir sem voru fljótir að gefa eftir og koma sér frá. En í kjölfar sjúkrabílsins kom bíll á fullri ferð og nýtti sér svigrúmið sem hinir höfðu gefið eftir. Sá sem sér sjúkrabíl sem tækifæri til að koma sér áfram í umferðinni er skíthæll.
Month: maí 2005
Önn lokið
Ég fékk 8,5 í Norrænni trú. Glaður er ég. Ég hef því fengið 8 – 8 – 8,5 á þessari önn. Á sama tíma var ég í 44% vinnu, fór í framboð til Stúdentaráðs og sat fundi í deildarráði Félagsvísindadeildar, ég get verið mjög sáttur við útkomuna.
Mannfórnaritgerðin metin
Ég fékk 8,5 fyrir ritgerðina um mannfórnir, ég er sáttur. Ég hefði verið óánægður ef ég hefði farið niður fyrir 8. Verst að mér gekk væntanlega verr í prófinu. Og já, hún mun væntanlega verða aðgengileg þeim sem vilja á næstunni.
Lektorinn sem féll fyrir fölsun
Við Hjalti eigum grein dagsins á Vantrú. Við ræðum þar um stórundarlegt svar sem Kristján Valur Ingólfsson lektor gaf fermingarbarni á vef þjóðkirkjunnar. Fyrsta skiptið sem við Hjalti skrifum saman.
Lok annar
Ég þarf að vakna fyrr á morgun til að komast yfir í Odda að ná í ritgerðina mína í Norrænni trú. Fæ þá væntanlega út úr prófinu á morgun. Þá er önninni lokið.
Prestskosningar
Prestskosningarnar á Vopnafirði fóru ekki einsog þær áttu að fara. Sú sem átti að vinna (Bakkafjarðarpresturinn) vann ekki. Planið var að sameina Bakkafjörð og Vopnafjörð undir einn prest en Vopnfirðingar vildu það greinilega ekki. Spurning hvort að nú þurfi að sparka Bakkafjarðarprestinum til að sameina.
Þvottahúsvesen
Mér leiðist verulega hvernig gengið er um þvottahúsið hérna. Fullt af fólki geymir þvottagrindurnar sínar þarna einsog ekkert sé eðlilegra. Í húsinu mínu eru rúmlega 20 heimili og ef allir gerðu þetta væri ekkert pláss eftir þarna niðri. Síðan er fólk sem notar þvottavélina án þess að skrá sig fyrir henni. Í síðustu viku lenti Eygló í því að einhver tók bara hennar tíma.
Ég var að lenda í því að einhver hafði troðið þvottinum sínum í vélina án þess að hafa pantað tíma og hafði þar að auki ekki sett vélina af stað. Ég veit ekkert hvenær þessi þvottur kom þarna, gæti hafa komið mínútu áður en ég mætti á svæðið en gæti líka hafa komið þarna í gær. Ég beið í smá tíma og tók hann bara út og setti minn inn. Ég nenni ekki að púkka upp á fífl sem ekki kynna sér reglurnar.
Árshátíðin
Árshátið Vantrúar var í gær. Rosalega gaman, voru að frá klukkan 7 til rúmlega fjögur um nóttina. Best var reyndar að við erum núna með fullvissu um að Skeptíkus verður öflugur á næsta ári, við erum komnir vel á leið með að skipuleggja sýningar sem ættu að duga alla haustönnina.
Ég skutlaði Bigga, Lalla og Vésteini heim eftir þetta og við enduðum á því að taka okkur smá rómantískagönguferð í Elliðaárdalnum. Indælt.
Að selja sig
Fyrir nokkrum dögum var frétt um að Bono vildi ekki leyfa að eitthvað U2-lag væri notað í auglýsingu. Minnir að þar hafi eitthvað verið talað um að selja sig. Í dag er síðan frétt í Fréttablaðinu um að Bono vilji „klára“ plötuna Pop, að U2 hafi flýtt sér með Pop vegna þess að þeir voru í tímaþröng og aldrei verið ánægðir með hana. Mér finnst Bono setja sig á full háan hest, gerir mikið mál úr því að nota lag í auglýsingu en selur aðdáendum sínum hálfkláraða plötu.
Annar vinnudagurinn búinn
Annar vinnudagurinn er búinn, reyndar bara fjórir tímar í dag og einn í gær. Starfið virðist henta mér, vinnufélagarnir fínir (og líklegir til að lesa dagbókina).
Fyrsti vinnudagurinn
Fyrsta vinnudeginum er lokið, yfirmaður minn þurfti að fara frá í dag og gat ekki verið með mér. Ég fékk því bara snögga yfirferð, heilsaði fullt af fólki og fékk einhverjar grunnhugmyndir um hvernig þetta virkar allt saman. Lýst annars vel á þetta.
I’m your lover, undercover
Fór í Júróvisjón/afmælisveislu hjá Braga. Hitti þar Jósa hárgreiðslumann stjarnanna í fyrsta skipti (ef ég man rétt). Það var bömmer að Noregur tók þetta ekki, samsæri og aftur samsæri. Okkar vandi er að okkar bandalag er of lítið, við þurfum að fara að hluta Norðurlöndin niður. Augljóslega eiga Færeyjar og Grænland að fá sjálfstæði. Hinir og þessi landssvæði í Noregi og Svíþjóð ættu að fara sömu leið. Innan skamms þá vinnum við þetta.
Annars þá var gríska lagið mjög aumt, I’m your lover, undercover er bara of lélegt, jafnvel á Júróvisjón mælikvarða. Moldavía rokkaði svoltið ásamt nokkrum öðrum löndum.
Fyndið að Selma lenti í 16da sæti í forkeppninni, þetta er alveg Gleðibankinn.
Aukafréttatími
Aukafréttatíminn þegar Ingibjörg valtar yfir Össur. Er þetta ekki óþarfi? Reyndar man ég að sýnt var beint þegar Davíð valtaði yfir Þorstein.
DD, FF og QotSA
Við skruppum að kaupa miða á Duran Duran, Foo Fighters og Queens of the Stone Age. Við mættum rétt hálftíma fyrir opnun og það dugði vel. Ég er mjög hrifinn af bæði Foo og Duran en ekkert sérstaklega hrifinn af Queens, samt allt í lagi. 10.000 krónur fyrir að vera á A-svæði á tveimur tónleikum er gott verð.
Drulluspæld í sirkus
Selma er drulluspæld. Hún segir líka að keppnin sé einsog sirkus… nú skil ég pælinguna á bak við búningana.
Ekki kaupa sjónvarp í BT
Júróvisjon bömmer allra tíma. Ísland fær ekki einu sinni að vera með í aðalkeppninni. Ég játa að mér þykir þetta svoltið fyndið. Hvernig fer með öll partíin?
Logi og Gísli eru svo sárir. Þetta virðist allt vera búningahönnuðinum að kenna. Það gæti ekki verið að lagið sjálft hafi bara verið ómerkilegt…
Var Jesús yfirhöfuð til?
Í dag er grein eftir Frelsarann á Vantrú. Þar tekur hann fyrir hinn sögulega Jesú og gengur mjög snyrtilega frá honum.
Greifinn góður
Ég fór á Greifann á laugardagskvöldið. Ég pantaði mér hálfmána og þegar hann kom þá sá ég að það höfðu verið gerð mistök með matinn. Ég kallaði eftir þjónustustúlku og útskýrði málið. Þessu var bjargað, hún setti forgang á hálfmánan minn og bauð mér að hafa þann sem ég hafði fengið á meðan ég beið. Ég var ákaflega ánægður með þetta, maður lendir alltaf reglulega í að eitthvað fer úrskeiðis á veitingastöðum og það er misjafnt hvernig brugðist er við. Þetta var alveg til fyrirmyndar. Það spillti ekki fyrir að ég varð ekki var við reykingar á staðnum en það hefur stundum angrað mig. Það var líka búið að bæta við stóru glasi af Appelsíni á matseðill, áður var bara hægt að fá litla flösku.
Greifinn er semsagt góður. Ég hef stundum sagt það að maður geti ekki metið þjónustufyrirtæki á því hvernig það stendur sig þegar allt gengur vel. Það sem skiptir mestu máli er að ef eitthvað kemur upp á þá sé brugðist við því með þjónustulund og jákvæðni gagnvart viðskiptavininum. Þetta er það sem fær mann til versla aftur við fyrirtæki.
Skipt um tæki
Jæja, ég skipti um tæki í bílnum (alveg sjálfur sko), nú get ég skrifað mp3 geisladiska en ekki bara venjulega tónlistardiska. Síðan er hægt að nota USB-lykla í spilarann líka.
Álheimska
Mér þykir merkilegt að sumt fólk haldi að álverksmiðjur út um allt land sé góð hugmynd. Það er alveg ljóst að ef álverð hrynur einhvern tímann á næstu árum þá mun það hafa alvarlegar afleiðingar á efnahagslífið en samt vill fólk bætta við fleiri svona verksmiðjum. Það er ákaflega slæmt að treysta á svona einhæfan iðnað. Þetta er algerlega aðskilið frá umhverfisverndarsjónarmiðum.
Dáin
Fæddist í júní 1999 og dó 18. maí 2005
Við ákváðum að láta hana heita Zero eða Síró eftir laginu með Smashing Pumpkins en í raun var hún aldrei kölluð annað en Grísla. Við fengum hana þegar hún var örlítill hnoðri þegar við vorum nýbyrjuð saman. Þegar Grísla fæddist þá leit hún út fyrir að vera blind á öðru auga en það lagaðist. Mig minnir að við höfum fyrst séð hana 17. júní um það bil. Ég komst reyndar fljótt að því að ég er með ofnæmi fyrir naggrísum og gat því varla handleikið hana. Fyrir nærri tveimur árum fékk hún sýkingu í fæturnar og þurfti að fara á sýklalyf. Hún náði sér eiginlega aldrei af því. Síðan hefur fleira komið upp á undanfarið. Í fyrra fórum við með hana til dýralæknis sem hafði aldrei heyrt um jafn gamlan naggrís. En greyjið litla dó í kvöld, ég á eftir að sakna hennar. Hún var nærri sex ára.
Að mp3 væða bílinn
Ég er að velta fyrir mér að færa mig yfir í mp3-spilara í bílnum. Lýst vel á einn en er ekki viss. Síðan er reyndar vandi með að það er erfitt að losa gamla spilarann úr bílnum. Það fylgdi víst „lykill“ með til að losa hann en sá er týndur. Þegar ég fór úr Charade’inum yfir í núverandi bíl þá fékk svona lykil lánaðan, spurningin er hvort að þeir eigi hann ennþá. Annars ætti maður að geta losað þetta öðruvísi.
Gamla tækið er annars orðið svona 5 ára gamalt og farið að láta á sjá. Takinn til að lækka á það til að festast alveg sem leiðir til þess að stundum hækkar maður þegar maður vill lækka. Síðan sést voðalega illa á skjáinn, stafirnir eru farnir að dofna mikið.
DVD, geisladiskur og bók
Ég keypti bók, geisladisk og dvd-disk í dag. Þetta var allt í einum pakka og allt About a Boy og kostaði bara 890 í BT. Ég er mjög sáttur við þetta. Bókin er náttúrulega mjög góð. Myndin er hins vegar sú slakasta sem gerð hefur verið eftir Nick Hornby bók (með hugsanlegri undantekningu, hef ekki séð amerísku Fever Pitch).
Kominn heim
Þá er maður kominn frá Akureyri og fer ekki þangað fyrren eftir svona mánuð. Við fórum semsagt í fermingarveislu hjá Aroni frænda. Síðan spiluðum við Katan ítrekað.
Að uppnefna fólk
Mér finnst áhugavert að sjá fólk uppnefna Stefán Pálsson sovétkomma, ég sem hélt að hann hefði verið cirka 16 ára þegar Sovétríkin hrundu.