Eggert Sólberg

4. maí 2009 | Heimasíða SUF
Það þarf að grípa til aðgerða STRAX!

Núverandi ríkisstjórn hefur haft tíma frá 1. febrúar til þess að leggja fram raunhæfar aðgerðir til þess að takast á við vandann. Hún virðist ekki gera sér grein fyrir stærðargráðunni á vandanum sem við er að etja enda hefur ekkert komið frá henni sem gefur okkur vonir um að hún sé fær til þess að koma okkur aftur á rétt spor.

27. apríl 2009 | Heimasíða SUF
Sigur okkar allra

Framsóknarflokkurinn hefur nú náð vopnum sínum á ný. Eftir kosningarnar á laugardaginn er flokkurinn kominn með níu þingmenn, bætti við sig tveimur og fékk samtals 14,8% fylgi á landsvísu.

19. apríl 2009 | Heimasíða SUF
Framhaldsskólanemar ættu að kjósa Framsókn í vor

Í vikunni sem leið spurði framhaldsskólanemi mig af hverju hann ætti að kjósa Framsóknarflokkinn. Einfaldri spurningu fylgir langt svar þar sem framhaldsskólanemar eru fjölmennur og margbreytilegur hópur.

16. mars 2009 | Heimasíða SUF
40 dagar

Kosningabaráttan nú verður frábrugðin mörgum fyrri baráttum. Hún verður stutt og snörp. Ekki verður lagt út í mikinn kostnað við auglýsingar í fjölmiðlum heldur verður áhersla lögð á að virkja það tengslanet sem til staðar er í flokknum.

2. mars 2009 | Heimasíða SUF
Ráðþrota ríkisstjórn

Það ætti öllum að vera orðið ljóst að ríkisstjórnin er ráðþrota í efnahagsmálum. Frá henni koma engar tillögur til þess að leysa vanda heimilanna. Frá henni koma engar tillögur til þess að koma hjólum atvinnulífsins aftur af stað.

23. febrúar 2009 | Heimasíða SUF
Góðar tillögur – Frumkvæði Framsóknarflokksins

Á blaðamannafundi fyrr í dag kynnti forysta Framsóknarflokksins tillögur til úrbóta í efnahagsmálum þjóðarinnar. Þar kennir ýmissa grasa en allar miða tillögurnar að því að bæta hag heimilanna, efla atvinnulíf og endurreisa bankakerfið.

16. febrúar 2009 | Heimasíða SUF
Geislavirkur úrgangur

Sjálfstæðisflokkurinn hefur verið í ríkisstjórn síðustu 18 ár og hefur gott af hvíldinni frá ríkisstjórn sem hann kemur vonandi til með að fá á næstunni. Hann þarf á endurnýjun að halda, bæði hvað varðar mannafla og hugmyndafræði.

9. febrúar 2009 | Heimasíða SUF
Nektardans á Alþingi

Jafnvel þó svo ég sé alla jafna frekar frjálslyndur og á móti boðum og bönnum þá eru þau rök sem færð hafa verið fyrir því að banna nektardans sterkari en þau sem mæla með dansinum að mínu mati.

2. febrúar 2009 | Heimasíða SUF
Framsóknarflokkurinn kom hreyfingu á hlutina

Á síðustu vikum hef ég fengið að fylgjast með nýrri forystu Framsóknarflokksins vinna að því samkomulagi sem nú liggur fyrir milli Framsóknarflokksins og nýrra stjórnarflokka um að.

26. janúar 2009 | Heimasíða SUF
Kjósum í apríl

Það að kjósa í miðjum prófatíma leiðir til þess að námsmenn eiga erfiðara með að sækjast eftir baráttusætum á lista, að námsmenn geti ekki tekið virkan þátt í kosningabaráttunni auk þess sem námsmenn hafa minni tíma til að kynna sér þá flokka sem í boði eru og þá stefnu sem þeir standa fyrir.

19. janúar 2009 | Heimasíða SUF
Lifi byltingin!

Við kröfðumst breytinga á forystu flokksins. Við kröfðumst líka breytinga á vinnubrögðum innan flokksins og var stigið stórt skref á þinginu í þeim efnum.

16. janúar 2009 | Fréttablaðið
Framsókn til framtíðar

Við þurfum á tímum sem þessum að leita til þess að endurvekja reisn flokksins með þessi grunnstef í forgrunni enda á frjálslynd félagshyggja ávallt við og hefur ekki beðið skipsbrot eins og þeir ismar sem hafa verið boðaðir á sitt hvorum væng pólitíska litrófsins.

22. desember 2008 | Heimasíða SUF
Hátíð ljóss og friðar

Jólin eru skemmtilegur tími fyrir þjóðfræðing eins og mig. Ekki nóg með að ýmsar hefðir og siðir tengjast jólahaldinu beint þá eiga jólin í dag að vera trúarhátíð.

8. desember 2008 | Heimasíða SUF
Er ekki rétt að kjósa til stjórnlagaþings?

Í stað þess að fara í bútasaumslagfæringar á stjórnarskránni nú er rétt að skoða þær hugmyndir að fullri alvöru hvort ekki sé rétt að kjósa til stjórnlagaþings. Þær kosningar gætu jafnvel farið fram í vor og myndi þingið ljúka störfum næsta haust.

1. desember 2008 | Heimasíða SUF
Ráðherrana burt

Ég tel að það muni styrkja löggjafarvaldið til muna láti þeir þingmenn sem taka að sér ráðherraembætti af þingmennsku á meðan þeir sitja í ríkisstjórn. Í dag er það t.d. þannig að ráðherrar í ríkisstjórninni hafa 12 atkvæði af 63 á þinginu.

24. nóvember 2008 | Heimasíða SUF
Minkurinn í hænsnakofanum

Það er áhyggjuefni ef Sjálfstæðisflokkurinn með dyggum stuðningi Samfylkingarinnar ætlar að hefjast handa við að einkavæða í heilbrigðiskerfinu á meðan styrinn stendur um hvernig bjarga eigi þjóðinni út úr þeim ógöngum sem hún er komin í.

17. nóvember 2008 | Heimasíða SUF
Fuglaskoðunarhúsið

Verkefnið fór mörg hundruð prósent fram úr áætlun og engin heimild var fyrir framúrkeyrslunni. Það upplýstist þó að millifært hefði verið á milli liða í fjárhagsáætlun og m.a. teknir peningar úr undirbúningi að fyrirhuguðum ævintýragarði.

10. nóvember 2008 | Heimasíða SUF
Heimskum hvítum körlum gefið frí

Þó sigur Obama hafi verið nokkuð sannfærandi benti Pulitzer verðlaunahafinn Nicholas D. Kristof á það í pistli í New York Times fyrir um mánuði síðan að líklega væri Obama með 6% meira fylgi ef hann væri hvítur.

3. nóvember 2008 | Heimasíða SUF
Yngjum upp

Við höfum ungt fólk sem tilbúið er til starfa og leitar að tækifærum, hvort sem það er á vettvangi stjórnmálanna eða í atvinnulífinu. Nú skulum við byggja nýtt Ísland. Uppbyggingu nýja Íslands verður vonandi stýrt af ungu kraftmiklu fólki sem kemur fram með svörin þar sem þeir eldri sigldu í strand.

27. október 2008 | Heimasíða SUF
Maður er manns gaman

Þing kjördæmissambandanna eru með mikilvægustu stofnunum innan flokksins. Þar hefur grasrótin tækifæri til þess að koma skilaboðum til þeirra sem standa í stafni flokksins.

20. október 2008 | Heimasíða SUF
Horft til Finnlands

Hið opinbera getur stutt við rannsóknir m.a. í gegnum sjóði og stofnanir. Stuðningur hins opinbera þarf ekki alltaf að vera í formi beinna styrkja heldur er einnig hægt að leggja til hlutafé og veita víkjandi lán. Þá er hægt að gera regluumhverfið hvetjandi fyrir einkaaðila að leggja fé í nýsköpun, m.a. með hvetjandi skattalöggjöf.

13. október 2008 | Heimasíða SUF
Rússíbanareið

Á mánudagsmorgun boðar Geir formenn stjórnarandstöðuflokkanna á sinn fund þar sem hann gerir þeim í fyrsta sinn grein fyrir þeirri stöðu sem upp er komin. Hann boðar að lagt verði fram frumvarp sem hafi það að markmiði að tryggja áframhaldandi almenna bankastarfssemi í landinu sem og að tryggja innstæður almennings í bönkunum.

6. október 2008 | Heimasíða SUF
Bót unnin á svartsýni og böl

Síðasta vika var sérstök og minnti einna helst á kvikmynd með Bill Murray  frá fyrri hluta 9. áratugar síðustu aldar þar sem hver dagur var öðrum verri. Það gefur því að skilja að föstudagurinn var undarlegasti dagur vikunnar. Það var sama hvort ég fór í bankann, búðinni eða gekk um ganga Háskóla Íslands; óvissan og vonleysið skein úr andlitum fólks.

29. september 2008 | Heimasíða SUF
Aðalfundir og kjördæmisþing

Í tilefni af því að haustin eru tími aðalfunda og kjördæmisþinga í flokksstarfinu er ágætt að fara yfir nokkur atriði sem tengjast þessum samkomum til upprifjunar.

22. september 2008 | Heimasíða SUF
Sóst eftir sæti á meðal þeirra stóru

Í tæp 62 ár hefur aðild Íslendinga að Sameinuðu þjóðunum verið einn af hornsteinum íslenskrar utanríkisstefnu. Fyrir um 10 árum var tekin sú ákvörðun um að Ísland myndi sækjast eftir sæti í Öryggisráði SÞ árin 2009-2010. Íslendingar gengu þá inn í samnorrænt fyrirkomulag þar sem eitt Norðurlandanna hefur boðið sig fram annað hvert kjörtímabil.

15. september 2008 | Heimasíða SUF
Menntamálaráðherra gerir ekki neitt

Ljóst er að fjárhagsleg staða margra námsmanna erlendis er ekki öfundsverð á meðan menntamálaráðherra framfylgir stefnu núverandi ríkisstjórnar þar sem ekki stendur til að koma til móts við þá sem verulega hafa orðið fyrir barðinu á krónunni.

8. september 2008 | Heimasíða SUF / Morgunblaðið
Hvers vegna er ekki samið við ljósmæður?

Ljósmæður hafa fundið fyrir stuðningi þjóðarinnar í þeirri kjarabaráttu sem þær eiga í um þessar mundir. Óskandi væri að þær fengju stuðning frá ríkisstjórninni sem ábyrgð ber á launamálum þeirra. Einstaka þingmenn stjórnarflokkanna hafa reyndar gefið út stuðningsyfirlýsingu við þær en á meðan stuðningurinn er í orði en ekki á borði er lítið að marka hann.

26. ágúst 2008 | Heimasíða SUF
Draumalandið Skagafjörður

Þeir eru margir framsóknarmennirnir sem líta á Skagafjörðinn sem draumalandið. Þar er enn í dag rekið öflugt kaupfélag og Skagfirðingar treysta Framsóknarflokknum best til að vinna að mikilvægum framfaramálum í þjóðfélaginu. Nægir þar að nefna að flokkurinn er sá stærsti í sveitastjórn Skagafjarðar með 35,2% fylgi á bak við sig.

26. ágúst 2008 | Heimasíða SUF
Borgarnesræða Guðna Ágústssonar

Guðni hefur leitt gagnrýni framsóknarmanna á aðgerðaleysi ríkisstjórnarinnar og hefur meginþorri hagfræðinga sem og greiningadeildir bankanna verið honum sammála um þær aðgerðir sem hann hefur beitt sér fyrir.

18. ágúst 2008 | Heimasíða SUF
Sumarmorgunn í Ásbyrgi

Það er nánast ómögulegt að lýsa þeim straumum sem um smágerðan manninn fara þegar komið er út úr tjaldi að morgni á svo mögnuðum stað. Umhverfis mann er hátt og fagurt byrgið sem Sleipnir sporaði forðum.

12. ágúst 2008 | Heimasíða SUF
Frá Ólympíu til Peking

Það að meina ákveðnum hópum aðgang að ólympíuleikunum í dag, t.d. geðfötluðum stríðir gegn grundvallarhugsjónum ólympíuhreyfingarinnar sem byggir á samvinnu, mannúð og virðingu fyrir fjölbreytileika einstaklinganna og manngildinu.

28. júlí 2008 | Heimasíða SUF
Með bundið fyrir eyrum er sama gamla platan spiluð endalaust

Stuðningsmenn ríkisstjórnarinnar og þá sér í lagi Samfylkingarinnar hafa sýnt það og sannað síðustu daga að enginn er jafn blindur og sá sem ekki vill sjá. Að þeirra mati hefur flokkurinn ekki gert neitt til þess að eiga skilið skammir vegna efnahagsástandsins sem nú ríkir. Einmitt vegna þess að flokkurinn hefur ekkert gert er ástandið jafn slæmt og það er.

21. júlí 2008 | Heimasíða SUF
Þjóðin sem safnar söfnum

Starfsemi íslenskra safna stendur í miklum blóma um þessar mundir, ekki aðeins er meiri metnaður lagður í sýningahald heldur eru mörg söfn orðin sannkallaðar þekkingarstofnanir í héraði.

14. júlí 2008 | Heimasíða SUF
Af hverju áframhaldandi áhrifaleysi?

Í Evrópumálunum hefur ríkisstjórnin tekið þá ákvörðun sem hún virðist taka í svo mörgum málum að sofa Þyrnirósar-svefni. Á meðan syngjum við ungt framsóknarfólk: „Ó, vakna þú mín Þyrnirós, Þyrnirós, Þyrnirós / Ó, vakna þú mín Þyrnirós, Þyrnirós.“

7. júlí 2008 | Heimasíða SUF
Smáir en knáir háskólar

Nú velta því margir fyrir sér hvert næsta skref skuli vera í sameiningu háskóla. Samkvæmt höfðatölunni sem jafnan er höfð til hliðsjónar þegar Íslendingar kryfja málin til mergjar kemur í ljós að sjö háskólar er of mikið fyrir þessa rúmlega 300.000 manna þjóð. Þessu hefur verið haldið fram í opinberri umræðu af fullkomnu ábyrgðarleysi á síðustu dögum, vikum, mánuðum og árum.

14. júlí 2008 | Heimasíða SUF
Þökk sé þeim sem þorðu

Í skjóli fáfræðinnar hafa allt of lengi þrifist fordómar í garð samkynhneigðra sem þurftu þar af leiðandi að lifa skuggalífi á Íslandi. Það ötula starf sem félagar Samtakanna 78 hafa á síðustu þrátíu árum gegnt í uppfræðslu og vitundarvakningu í mannréttindamálum er ómetanlegt. Sú fræðsla hefur leitt af sér betra, víðsýnna og frjálslyndara samfélag.

14. júlí 2008 | Heimasíða SUF
Óvænt lífsmark

Kröfurnar um einkavæðingu Íbúðalánasjóðs voru háværar þegar ábyrgðarlausir bankarnir voru nýbúnir að ryðjast inn á íbúðalánamarkaðinn. Nú er svo komið fyrir þeim að Íbúðalánasjóður þarf að koma þeim til aðstoðar. Kaldhæðnislegt ekki satt.

14. júlí 2008 | Mosfellingur
Blómstrandi þekkingarsamfélag

Menntakerfið er einhver besti fjárfestingakostur hins opinbera og eru fáar fjárfestingar sem bera meiri arð. En fjárfesting í menntun er ekki nóg ein og sér. Stjórnvöld þurfa að skapa umhverfi hér á landi, efnahagslegt og félagslegt sem gerir það að verkum að menntað fólk kjósi að búa á Íslandi að loknu námi.

29. ágúst 2007 | Heimasíða SUF
Hamingjuóskir til Borgfirðinga

Fram til þessa hafa nemendur sem ljúka grunnskólum á svæðinu þurft að sækja annað í framhaldsskóla, flestir á Akranes en margir farið til Reykjavíkur. Þeir sem fóru suður snéru margir hverjir ekki aftur heim. Það vantaði því tilfinnanlega framhaldsskóla til að tengja saman það menntagap sem skapaðist milli grunn- og háskólamenntunar á svæðinu.

19. maí 2007 | Heimasíða SUF
Hvað var svona “fjandi skemmtilegt”?

Allir eiga sér sína drauma ríkisstjórn. Ég hef ég heyrt í mörgum sem helst óska sér R-listastjórnar, margir vildu framlengja núverandi stjórnarsamstarf en ég hef nánast engan hitt ég sem vill vekja upp draug Viðeyjarstjórnarinnar. Össur Skarphéðinsson skýrði þó frá því í kvöldfréttum í gær (18.5.2007) að það hefði verið „fjandi skemmtilegt“ að vera ráðherra í þeirri stjórn.

3. maí 2007 | Heimasíða SUF
Jón Baldvin, Samfylkingin og landbúnaðarstefna Framsóknar – 1. kafli

Verð á vörum og þjónustu á Íslandi er almennt hærra en gengur og gerist í kring um okkur. Á Íslandi er 14% útgjalda heimilanna ráðstafað til matvælakaupa, þar af tæplega 6% vegna kaupa á innlendri búvöru. Frá janúar 2003 til september 2007 hækkaði vísitala neysluverðs um 21, 2% á sama tíma og nýmjólk hækkaði um 2,6% og skyr og ostur um 2,5%.

14. mars 2007 | Heimasíða SUF
Miðjugrænir

Sjálfbær nýting náttúrunnar er grunnstefið í umhverfisstefnu Framsóknarflokksins. Unnið hefur verið að rammaáætlun um nýtingu vatnsafls og jarðvarma með það að markmiði að leggja mat á og flokka virkjunarkosti með tilliti til orkugetu, hagkvæmni og umhverfisáhrif.

23. desember 2006 | Morgunblaðið

Frú Þorgerður, hvað á að gera við geirfuglinn?

Náttúrugripasafn Íslands er í dag í hrörlegu bráðabirgðahúsnæði við Hlemm sem alls ekki er bjóðandi stofnun sem hefur að geyma slíka dýrgripi eins og þar er að finna. Geymslur safnsins eru í misjöfnu ásigkomulagi, dreifðar um höfuðborgarsvæðið.

22. nóvember 2006 | Morgunblaðið

Mikilvægt að umræðan sé upplýst og án fordóma

Fræðslu- og kynningarnefnd SUF stóð fyrir fræðslufundi mánudagskvöldið 20. nóvember sl. um málefni innflytjenda sem hafa verið áberandi í þjóðfélagsumræðunni upp á síðkastið. Frummælendurnir komu úr ýmsum áttum en áttu það sameiginlegt að hafa komið að umræðu síðustu vikna. Allir lögðu þeir áherslu á innflytjendur væru ekki einsleitur hópur og að umræðan þyrfti að vera málefnaleg og án fordóma.

31. október 2006 | Heimasíða SUF
Þing norðurlandaráðs æskunnar

Fundir eins og þing Norðurlandaráðs æskunnar gefa ungum stjórnmálamönnum tækifæri til að hittast og ræða saman um lausnir á sameiginlegum vandamálum og miðla því sem vel hefur verið gert annars staðar eða þá misheppnast.

Comments RSS