Drykkjarhornið verður krúsidúlla

Drykkjarhornið og fjaðurpenninn hafa verið í­ merki Borgarness og seinna Borgarbyggðar frá því­ ég man eftir mér. Núna er allt breytt. Eftir sameiningu yfir tvö sýslumörk þurfti að skipta um merki og hver var útkoman? Einhver flétta sem hver má túlka fyrir sig. Mí­n skoðun er að byggðamerki eigi almennt að tengjast sögu eða menningu svæða á einhvern hátt.

borgarbyggd_200.jpg

Nýja merkið er alls ekki ljótt, það er stí­lhreint og flott en gæti verið tákn hvaða sveitarfélags sem er á íslandi. Það hefur enga sérstaka skýrskotun í­ Borgarfjörðinn eða á Mýrarnar. Einhverjir segja að útúr krúsidúllunni megi sjá Hví­tárbrúnna, Baulu, Eirí­ksjökul, Hafnarfjall, Skessuhorn, samheldni og samvinnu í­búa og styrk sveitarfélagsins. Það sem mér finnst hins vegar best úr umsögn dómnefndar er þar sem segir að út úr merkinu megi sjá „hvernig framvinda mála veltur á þátttöku einstaklinganna“. Ef einhver sér það út úr merkinu er sá hinn sami kominn í­ aðeins of djúpar pælingar.

One reply on “Drykkjarhornið verður krúsidúlla”

  1. Nú er ég sammála þér Eggert og það gerist nú ekki oft. Gamla merkið okkar er mjög fallegt og lýsandi fyrir svæðið og söguna. Svo hefur verið bent á það hversu lí­kt það sé merki Mosfellsbæjar sér í­ lagi miðja merkisins sem er spegilmynd þess.

Comments are closed.