Guði sér lof fyrir Daví­ð Oddsson

Það er takmarkað hversu vel maður nennir að fylgjast með fréttum í­ góða veðrinu. í sí­ðustu viku hófst umræða um laun Daví­ðs Oddssonar. Paris Hilton bjargaði Daví­ð úr höndum kaffistofudómaranna. Sí­ðan kom þessi frétt og bjargaði Paris í­ stuttan tí­ma.

Ég skil vel gremjuna út í­ Paris og Daví­ð. Þau eru selebb og fá sérmeðferð. Það er auðvitað ekki rétt að leyfa fólki að komast upp með svoleiðis. Það er heldur ekki rétt að auglýsa ekki störf seðlabankastjóra, hafa þá þrjá og þar á meðal þann hæst launaðasta á Norðurlöndunum. Það ósanngjarnasta við þetta er þó að fyrrverandi forsætisráðherra geti þegið 80% af launum forsætisráðherra í­ lí­feyrisgreiðslur á meðan hann er enn í­ fullu starfi hjá rí­kinu. Kannski ætti ég bara að vera ánægður með að Daví­ð sé tilbúinn til að starfa í­ seðlabankanum á meðan einkageirinn berst um starfsmenn bankans.

Það er samt fleira með ólí­kindum á íslandi í­ dag. Nú hefur Alþingi ákveðið að fella niður skyldu til að auglýsa laus störf í­ stjórnarráðinu. í hinum karllæga heimi bitnar þetta lí­klega frekar á konum. Karlrembur mega senda blómakörfur og þakkarskeyti til Samfylkingar og Sjálfstæðisflokks. Hvað varð annars um jafnréttislög Magnúsar Stefánssonar sem Samfylkingin vildi samþykkja fyrir kosningar? Þegar flokkurinn er kominn í­ rí­kisstjórn eru loforðin gleymd. Ég  meina, frumvarpið er tilbúið og Ingibjörg Sólrún vildi koma því­ í­ gegn í­ arpí­l. Gæti verið að stjórnarflokkarnir eigi eftir að koma sér saman um málið?

 

Join the Conversation

2 Comments

  1. Já, þessar launahækkanir hjá Seðlabankanum eru hreint með ólí­kindum. Ég hefði alveg verið til í­ að fá 200.000 króna launahækkun, sem væri ca. tvöföldun á laununum mí­num. Ég væri reyndar alveg til í­ að fá 15% launahækkun á einu bretti eins og Dabbi var að fá, það myndi reyndar „bara“ þýða um 30.000 króna hækkun.

    Það er lí­ka fáránlegt að afnema auglýsingaskyldu á lausum störfum. Það býður bara uppá spillingu og lí­klega að konur eigi erfiðara með að fá störfin.

    Ég vil fá Framsóknarflokkinn aftur í­ stjórn! …eða ekki, en við stöndum allavega saman í­ stjórnarandstöðunni 😉

Leave a comment

Netfang þitt verður ekki birt. Nauðsynlegir reitir eru merktir *