Gengi dönsku krónunnar gagnvart þeirri íslensku hefur nú náð nýjum hæðum. í dag er gengið á þeirri dönsku 13,346 og hefur aldrei verið hærra. Fyrra „metið“ er síðan 28. nóvember 2001 þegar hún var á 13,094. Skiljanlega er ég ekki hoppandi kátur með þessa þróun. Svo dæmi sé tekið af húsaleigunni minni þá gerði ég ráð fyrir að borga 35.307 kr. á mánuði miðað við umsóknina frá 1. október í fyrra. Gengið gerir það að verkum að ég er að borga 40.035 kr. í dag. Þar sem ég verð hér í fimm mánuði þarf ég að borga 200.175 kr. miðað við gengið í dag í stað 176.535 kr. ef ég miða við gengið 1. október. Mismunurinn er 23.640 kr. sem ég hefði gjarnan viljað nýta í eitthvað annað.