Spámannshæfileikar mínir virðast vera að einhverju leyti takmarkaðir. Þessu átti ég kannski að gera mér grein fyrir þegar ljóst var að Pólverjarnir sem ég spáði velgengni á Evrópumótinu komust ekki upp úr riðlinum sínum. Strax eftir riðlakeppnina tók ég þátt í getraunaleik í vinnunni og spáði því að Portúgal, Króatía, Holland og ítalía myndu komast í undanúrslit. Raunin varð sú að þetta voru liðin sem töpuðu sínum leikjum í átta liða úrslitum. Nú fæ ég að spá fyrir um hvort Þýskaland eða Tyrkland og Rússland eða Spánn komist í úrslit. Ég spái Þjóðverjum og Rússum í úrslit. Það verða því líklega Tyrkir og Spánverjar sem leika til úrslita á endanum.