Hrafnkell Kristjánsson og Guðmundur Torfason lýstu leik Portúgala og Tékka á Evrópumótinu í knattspyrnu karla í dag. ísamt því að lýsa því sem fram fór á inni á vellinum gerðu þeir skilmerkilega grein fyrir störfum fjórða dómarans* sem er frekar óvenjulegt. Þeir hafa sjálfsagt búist við því að íslendingar fylltust þjóðarstolti þegar Portúgalinn Moutinho fór af velli og Meira kom inn á. Þar sást þessi fjórði dómari halda á skiltinu þar sem númerin á leikmönnunum komu fram. Hrafnkell sagði allavega þessa frábæru setningu með íþróttafréttamannlegri röddu þannig að um mikið afrek virtist vera að ræða: „þetta er örugglega gert hjá Kristni Jakobssyni“. Jú, vissulega örugglega gert en maðurinn hélt nú bara á einu laufléttu skilti og ekki miklir möguleikar á að klúðra því.
*Fyrir þá sem ekki vita þá er fjórði dómarinn fyrir utan völlinn og sér um eftirlit þar, hefur umsjón með skiptingum o.fl.