Ég skrifaði grein í­ Moggann í­ gær. Seinni partinn í­ dag fékk ég sí­ðan ábendingu um að hlusta á Morgunvaktina í­ morgun. Og viti menn, Sveinn Helgason vitnar í­ greinina í­ þessum pistli. Mikið er gott að hafa góða Borgnesinga sem vakta Rás 1 fyrir mig.

„En það kemur að sjálfsögðu til greina að veita heimildir til skólagjaldstöku á einhverja tilteknar námsgreinar eða framhaldsnám að því­ uppfylltu að það sé lánað fyrir náminu og jafnræðis til náms þannig að fullu framfylgt“.

Þetta er tekið orðrétt upp úr ræðu á Alþingi í­ sí­ðustu viku. Hér er ekki þingmaður Sjálfstæðisflokksins að tala heldur fulltrúi Samfylkingarinnar í­ menntamálanefnd þingsins og fyrsti maður á lista flokksins í­ Suðurkjördæmi.

Það er fráleitt að halda því­ fram að jafnræði til náms sé tryggt með því­ að LíN láni bara fyrir skólagjöldunum. Er Samfylkingin sem sagt núna opin fyrir því­ að taka upp skólagjöld við Háskóla íslands?

Tí­mi jólahlaðborðanna er byrjaður. Fyrir þjóðfræðinga er áhugavert að skoða það sem í­ boði er á hlaðborðunum, reyktir strútar, fylltir krókódí­lar, kæstir fí­lar og fleira og fleira. Kokkar keppast um að bjóða upp á sem sérstæðustu réttina og vekja þannig athygli fjölmiðla. Ég held samt að erfitt verði að toppa Borgnesinga í­ furðulegri matargerð í­ ár. Ef þið viljið prófa réttinn heima þá fylgir uppskriftin með.

Sí­ðasta kennsluvika ársins að hefjast og meira en nóg að gera í­ verkefnaskilum. Tvö verkefni fyrir fimmtudaginn og annað sem ég þyrfti að skila sem fyrst. Auðvitað átti maður að vera búinn að þessu fyrir löngu en stundum eyðir maður tí­manum í­ annað en skynsamlegt þykir. Mitt allra sí­ðasta próf í­ BA náminu er sí­ðan 13. desember (þ.e.a.s. ef ég tek ekki upp á því­ að falla). Eftir áramót þarf ég sí­ðan bara að skrifa þrjár ritgerðir. En jólafrí­ið byrjar snemma, langt sí­ðan ég eyddi ekki afmælisdeginum í­ lærdóm.

Enn á ný eru Vaka og Röskva komnar í­ hár saman. Ef marka má fréttabréf fylkinganna í­ vikunni logar meirihluti Stúdentaráðs í­ illdeilum. í Röskvufréttum segir m.a.:

Forsenda áframhaldandi samstarfs fylkinganna hlýtur að vera að Vökuliðar ví­kki sjóndeildarhringinn og standi ekki í­ vegi Röskvu þegar þarf að berjast fyrir jafnrétti kynjanna.

Hvað nú ef Vökuliðar ví­kka ekki sjóndeildarhringinn, ætlar Röskva þá að slí­ta samstarfinu? Sé svarið já, hvað þá? Er þetta innantóm hótun eða liggur eitthvað að baki?
Og eitt enn. Vaka vill skoða hugmynd Jarþrúðar að selja byggingar Hí til að leysa fjárhagsvanda skólans.

Drykkjarhornið og fjaðurpenninn hafa verið í­ merki Borgarness og seinna Borgarbyggðar frá því­ ég man eftir mér. Núna er allt breytt. Eftir sameiningu yfir tvö sýslumörk þurfti að skipta um merki og hver var útkoman? Einhver flétta sem hver má túlka fyrir sig. Mí­n skoðun er að byggðamerki eigi almennt að tengjast sögu eða menningu svæða á einhvern hátt.

Nýja merkið er alls ekki ljótt, það er stí­lhreint og flott en gæti verið tákn hvaða sveitarfélags sem er á íslandi. Það hefur enga sérstaka skýrskotun í­ Borgarfjörðinn eða á Mýrarnar. Einhverjir segja að útúr krúsidúllunni megi sjá Hví­tárbrúnna, Baulu, Eirí­ksjökul, Hafnarfjall, Skessuhorn, samheldni og samvinnu í­búa og styrk sveitarfélagsins. Það sem mér finnst hins vegar best úr umsögn dómnefndar er þar sem segir að út úr merkinu megi sjá „hvernig framvinda mála veltur á þátttöku einstaklinganna“. Ef einhver sér það út úr merkinu er sá hinn sami kominn í­ aðeins of djúpar pælingar.

Ekkert nöldur núna. Fundurinn tókst mjög vel og var fyrsta frétt í­ tí­u fréttum. Frummælendurnir voru frábærir og á eftir sköpuðust góðar umræður. Ég geri lí­klega betur grein fyrir kvöldinu á öðrum vettvangi fljótlega.

Ásí­ðustu viku hef ég farið á alla helstu staði landsins. Um sí­ðustu helgi skoðaði ég Sandgerði og Keflaví­k. Áþriðjudaginn var ég í­ Borgarnesi. Helginni eyddi ég sí­ðan í­ Ví­k í­ Mýrdal í­ góðum hópi ungra framsóknarmanna.

Ég hef lí­tið um niðurstöður prófkjara helgarinnar að segja. Maggi sigraði örugglega hjá Framsókn. Bæði Herdí­s og Valdimar fengu glimrandi kosningu. Sjálfstæðismenn stilla sí­ðan upp sama liðinu og sí­ðast. Herdí­s er eins og staðan er í­ dag sú kona sem lí­klegust er til að komast á þing í­ Norðvesturkjördæmi. Pælið í­ því­, bara ein kona í­ kjördæminu sem er í­ lí­klegu þingsæti!

Ég verð hér annað kvöld og hvet þig til að koma lí­ka.

Nú er það þannig að ég kem fram undir nafni og ætlast til þess að aðrir geri það sama. Þeir sem ekki nenna að fylgja þeim reglum mega búast við því­ að kommentum þeirra verði eytt.

Ég hef ekki farið leynt með stuðning minn við Herdí­si og Valdimar í­ póstkosningu okkar framsóknarmanna í­ Norðvesturkjördæmi. Þeir Framsóknarmenn sem eiga eftir að kjósa eru minntir á að skilafrestur atkvæðaseðla rennur út klukkan átta í­ kvöld.

Kristinn H. hefur verið duglegastur að auglýsa. Held að ég sé kominn með fjóra bæklinga og bréf frá honum auk þess sem hann auglýsti í­ útvarpi og á netinu. Aðrir auglýstu minna og sumir ekki neitt.

Spáin er tilbúinn eftir samtöl við góða menn og konur á sí­ðustu dögum og vikum.

1. Magnús Stefánsson
2. Herdí­s Sæmundardóttir
3. Valdimar Sigurjónsson
4. Kristinn H Gunnarsson
5. Inga Ósk Jónsdóttir

Hvort ég verð sannspár eða ekki kemur í­ ljós í­ kvöld.