Sveigjanlegri nýting bænda á búfénaði

Helgin nýttist í­ rökræður við ungliða annarra stjórnmálaflokka á Þingi unga fólksins. Þar koma fulltrúar ungliðahreyfinga stjórnmálaflokkanna saman og reyna að finna mál sem hægt er að sameinast um. Hver hreyfing fær þar jafnmarga fulltrúa og stjórnmálaflokkur þeirra skipar á Alþingi.

Ég held að ungt framsóknarfólk geti verið ánægt með helgina. Við héldum gott partý þar sem ungliðahreyfingarnar skiptust á gjöfum. Ung vinstri græn gáfu okkur live söng með Svavari Knút þar sem hann söng „Mengum ísland“. Við gáfum ungum jafnaðarmönnum bláa hækju. Jafnaðarmenn gáfu SUS blóm með evruseðli og loks gáfu SUS-arar UVG bók með myndum úr gömlum karlatí­maritum þar sem kommúnistaávarpið var uppselt.

SUF var lí­ka áberandi í­ málefnastarfinu og fékk nánast allt sitt í­ gegn, þ.á.m. kafla um safnastarf. Ég held að eina stóra málið sem ekki fór í­ gegn frá okkur var kafli um landbúnaðarmál. Mér var reyndar bent á það af ungum sjálfstæðismanni að skoðanir mí­nar á landbúnaðarmálum væru barnalegar. Þar hafið þið það. En þingið samþykkti illa unna hrákasmí­ð frá jafnaðarmönnum í­ stað okkar tillögu. Sem dæmi um það hversu illa ályktunin var í­grunduð leyndist í­ henni setningin „það myndi leiða til sveigjanlegri nýtingar bænda á búfénaði“. Hvað var verið að meina???

Join the Conversation

2 Comments

  1. Þegar maður les svona rugl og að ungir jafnarmenn hafi náð sinn ályktun í­ gegn í­ landbúnaðarmálum er sorglegt. Og maður dauð sér eftir því­ að hafa ekki komist. Ég reindi í­ fyrra að útskýra fyrir ungum Sjálfstæðismönnum hvernig í­slenskur landbúnaður virkar í­ tæpan klukkutí­ma, annað hvort voru þeir svona rosalega vitlausir eða vildu ekki skilja það sem við þá er sagt.

    en hvar er hægt að lesa ályktanir þingsins í­ heild?

  2. Ég geri ráð fyrir að þær fari inn á youth.is þegar samráðsnefndin hefur lesið þær yfir og leiðrétt stafsetningu og málfar. Tillagan um landbúnaðarmál var hins vegar samþykkt svona:

    ÞUF telur mikla nauðsyn á að landbúnaðarkerfið verði endurskoðað í­ heild sinni með það að markmiði að draga mjög úr rí­kisafskiptum. Afnema skal verndartolla og leggja áherslu á frjáls viðskipti með landbúnaðarvörur. [og hér kom setningin „Það myndi leiða til sveigjanlegri nýtingar bænda á búfénaði og afurðum sí­num“ sem var tekin út] Það myndi leiða til lægra vöruverðs til neytenda. Nauðsynlegt er að gera þetta í­ skrefum til að gera bændum kleyft að aðlaga sig að nýju kerfi. Samhliða lækkun og niðurfellingu styrkja myndu fylgja skattalækkanir að sama skapi. Beinir og óbeinir styrkir til landbúnaðarkerfisins eru á annan tug milljarða króna á ári. Þrátt fyrir þessar háu styrkupphæðir er verð á landbúnaðarafurðum mjög hátt og ekki samkeppnishæft við verð á sambærilegri vöru erlendis frá. Nú er kerfið uppbyggt af óhagstæðum og smáum rekstrareiningum. Nauðsynlegt er að stokka upp í­ kerfinu og byggja upp hagstæðari rekstrareiningar. Þing unga fólksins vill að styrkir til landbúnaðar verði skornir niður.

    Eins og sést þá er tillagan illa í­grunduð og ber þess merki að sá sem hana samdi hafi ekki mikið vit á landbúnaðarmálum. Það er t.d. óþolandi í­ umræðu um landbúnaðarmál að bændur séu sí­ og æ gerðir að blórabögglum vegna hás matvælaverðs á íslandi. Bendi annars á þessa grein ef einhver vill lesa sér frekar til: http://www.suf.is/suf/frettir/Default.asp?cat_id=2172&ew_1_a_id=280481

Leave a comment

Netfang þitt verður ekki birt. Nauðsynlegir reitir eru merktir *