Jólahaldið

í Skandí­naví­u óttast margir hefndarverk litlu nissana fái þeir ekki jólagraut. Nú gaf ég ekki nissaninum mí­num jólagraut en eitthvað var hann öfugsnúinn þegar ég vaknaði í­ gærmorgun og leit út um svefnherbergisgluggann. Þar stóð hann upp á gangstétt, þvert á aðra bí­la sem enn voru á sí­num stað á bí­lastæðinu. Hið furðulegasta mál þar sem ég hef ekki hugmynd um hver var þarna að verki. Hvað þá hvers vegna einhver var að dunda sér við að stela bí­lnum mí­num á jólanótt, fara smá rúmt á honum, klessa hann töluvert og skila honum til baka.

jolanissan.JPG

Að öðru leyti fór jólahald vel fram í­ Mosfellsbænum. Eftir að hafa fengið mikið af góðum gjöfum á Aðfangadagskvöld horfði ég með öðru auganu á aftansöng úr Dómkirkjunni þar sem Biskupinn notaðist m.a. við gömlu útgáfuna af Biblí­unni.

í fyrra skrifaði ég á bloggið minnispunkt þar sem mér fannst of mikið að gera ráð fyrir hálfu kí­lói af hangikjöti á mann á Jóladag. Ekki var hlustað á þessi varnaðarorð mí­n í­ ár heldur var bætt í­ og var gert ráð fyrir að hver gestur gæti torgað rúmlega hálfu kí­lói. Minnisatriði fyrir næsta jólaboð: Venjuleg manneskja borðar ekki rúmlega hálft kí­ló af reyktu kjöti í­ jólaboði.

Join the Conversation

1 Comment

  1. Hæ held að við séum að átta okkur á þessu en þangað til verðum við að borða hangikjöt allan janúar
    Kveðja Bergþóra

Leave a comment

Netfang þitt verður ekki birt. Nauðsynlegir reitir eru merktir *