Kúba Castro

 

Fljótlega get ég byrjað að segja: „Jáh, ég heimsótti Kúbu meðan Castró var og hét“. Eða nei annars, ætli ég geymi þessa setningu þar til í­ ellinni. Annars eru tí­ðindi gærdagsins af afsögn Castró eru ekki óvæntar fréttir. Ég held að flestir hafi nú búist við því­ að hann myndi segja af sér fyrr en seinna. Engu að sí­ður eru það stór frétt þegar eitt af stóru nöfnunum í­ stjórnmálasögu 20. aldar stí­gur niður af stalli sí­num. Þó fordæma megi margt í­ stjórnartí­ð hans hefur honum engu að sí­ður tekist að byggja upp rí­ki með góðri læknisþjónustu og góðu menntakerfi. Á Kúbu er meðalævilengd t.d. svipuð og í­ Danmörku og hlutfall læsra er 0,8% hærra þar en hér.

Það að heimsækja eyjuna er ógleymanleg lí­fsreynsla. Landið er gí­furlega fallegt og rí­kt af auðlindum. Þjóðarframleiðsla þar er hins vegar ekki mikil og fátæktin er mikil. Þegar spjallað er við eyjaskeggja segja þeir reyndar að þar sé enginn fátækur. Allir hafi það jafn gott. Margt er að breytast á Kúbu, m.a. með auknum straum ferðamanna. Það er eftirsótt að starfa nálægt vinsælum ferðamannastöðum enda er hægt að vinna sér þar inn á einum degi margfalt það sem gengur og gerist hjá hinu opinbera.

Eitt af því­ sem er sérstakt við Kúbu er sendiráð Bandarí­kjanna. Ég held að ég geti fullyrt að sendiráðið sé nokkuð einstakt í­ flóru sendiráðsbygginga í­ heiminum. Á toppi byggingarinnar komu Bandarí­kjamenn fyrir ljósaskilti þar sem birtast neikvæðar upplýsingar frá þeim um stjórnvöld á Kúbu. Ég veit ekki um annað sendiráð í­ heiminum þar sem slí­kt er gert. Svörtu fánarnir með hví­tu stjörnunum fyrir framan sendiráðið eru svar stjórnvalda á Kúbu við ljósaskiltinu. Þar er einn fáni fyrir hvern Kúbverja sem látist hefur í­ hryðjuverkaárásum Bandarí­kjamanna sí­ðan Castró komst til valda.

usasendirad.jpg

Lögreglubí­larnir eru lí­ka sérstakir. Hér er einn sem við mættum á leið okkar til Havana. Efnahagur landsins var í­ þokkalegu ástandi þar til Sovétrí­kin tóku að liðast í­ sundur. Bí­lakostur eyjaskeggja er því­ að uppistöðu til frá þeim tí­ma er hægt var að skipta á vörum við Sovétrí­kin.

lodulogga.jpg

Loks er hér mynd af húsi fyrrverandi iðnaðarráðherrans, Che Guevara sem er engin smá smí­ði með útsýni yfir höfnina í­ Havana.

chehus.jpg

Leave a comment

Netfang þitt verður ekki birt. Nauðsynlegir reitir eru merktir *