Mánaðarskipt færslusafn fyrir: september 2009

Starfsmaður á plani

Í fréttum Stöðvar 2 í kvöld var vitnað í ónafngreinda þingmenn í nokkrum flokkum og einnig í ónafngreinda ráðherra. Einn ráðherrann á víst að hafa sagst bara vera „starfsmaður á plani“.

Ef að Össur Skarphéðinnsson vill ekki láta vitna í sig með nafni þá ætti hann ef til vill að sleppa því að slá um sig með frösum sem allir vita að honum einum myndi detta í hug að láta úr sér. Fyrir utan það að vera ekki til fyndið bendir þetta orðalag ekki til þess að hann átti sig alveg á hlutverki ráðherra.

Að því sögðu ætla ég að láta hortugheitum dagsinns lokið.

Hins- og þessvegin punktar

  • Ráðherrar og aðstoðarmenn þeirra virðast vera með ca. 45.000 kall í dagpeninga í utanlandsferðum
  • Ég fann bleika gítarnögl í gær sem er svona líka lekker, sérstaklega með bláa gítarnum mínum.
  • Ég prentaði út söngbók af Gítargrip í kvöld. Hún var 81 bls.
  • Þá er ég kominn með vel rúmlega 100 lög í möppuna. Ekki seinna vænna að fara að æfa sig.
  • Ég glími við ákaflega óræð og einkennileg meiðsl í vinstri upphandlegg. Í æfingum þar sem reynir á vöðvana þar, eins og t.d. Shoulder Press missi ég allt afl eftir nokkrar lyftur. Samt fylgir þessu engin sársauki.
  • Ég hef þjáðst grunsamlega lítið af harðsperrum og öðru fylgifiskum þess að byrja að sprikla eftir hlé. Kannski munar um að láta nokkra mánuði líða á milli en ekki nokkur ár.
  • Mig vantar capo. Veit samt ekki hvort að það borgi sig að kaupa svona einfalt á fimmhundruðkall eða hvort að ég eigi að spandera í eitthvað sem er meira turbo.
  • Mig hlakkar ekkert smá til að fara með filmur í framköllun! Eða kannski réttara sagt að fá þær úr framköllun.
  • Mig hlakkar minna til að borga fyrir framköllunina.

Svona nýtt eitthvað

Jæja.  Nýtt blogg. Kveð bloggspottið for gúdd held ég. Var ekki búinn að vera virkur þar lengi enda ekki verið í miklu skrifstuði upp á síðkastið, nema jú fyrir skólann. Ætla að sjá til hvernig þetta þróast hérna. Ætla þetta fyrst og fremst fyrir hugleiðingar, og ekkert endilega neitt sérstaklega langar hugleiðingar. Er annars bara að átta mig á þessu umhverfi. Lofa góðu.