Færeyskir þingmenn og múslimar

Hvað eiga þessir tveir hópar sem ég nefni í fyrirsögninni sameiginlegt? Eitt af því sem nú er hægt að nefna er að í báðum hópum getum við núna fundið dæmi um einstaklinga sem nota trú sína til að réttlæta hegðun og skoðanir sem almennt þykja ekki alveg í lagi í okkar samfélagi.

Þess vegna finnst mér núna svolítið fyndið að sjá marga hörðustu trúmenn bloggheima verja þessa framkomu Jenis þingmanns. Hann sé bara samkvæmur sinni trú og það eigi sko alls ekki að ráðast á hann fyrir það heldur sé þetta einmitt eitthvað sem eigi skilið hrós. Sjá dæmi:

Theódór Norðkvist. Snorri ‘Bethel’ Óskarsson. Óskar Sigurðsson.

Þeir eru fleiri sem hafa varið Jenis á þessum forsendum, og eiga flestir það sameiginlegt með ofangreindum að teljast í trúhneigðari kanntinum. En sami hópur er einmitt oftar en ekki fyrstur á svæðið til að benda á alls konar hluti sem múslimar fremja í nafni sinnar trúar og þeir vilja meina að séu af hinu slæma.

En á að skipta einhverju máli hvort að menn beiti fyrir sig Kóraninum eða Biblíunni þegar þeir reyna að réttlæta eigin fordóma? Er nokkuð einhver smá hræsni þarna á ferðinni?

Join the Conversation

3 Comments

  1. Er ekki stórmennskubrjálæði fólgið í því að kalla það ,,að leggja blessun sína yfir hjónaband“ að sitja kvöldverðarboð í sömu stofu og viðkomandi hjón. Leggur hann þá kannski blessun sína yfir íslam með því að sitja til borðs við ísamstrúarmanni? Guð forði okkur frá blessunum slíkra manna, íslenskra sem færeyskra.

  2. Góður punktur. Það mætti skoða hvaða ‘lífstíla’ eins og Jenis kallar samkynhneigð hann hafi lagt blessun sína yfir í gegnum tíðina með þessum hætti.

Leave a comment

Netfang þitt verður ekki birt. Nauðsynlegir reitir eru merktir *