Ferðalag og fróðleiksmoli

Þá er maður kominn suður. Ég þarf að mæta á fund hjá FG á morgun. Það er einhvern veginn voða mikið að gera hjá mér þessa dagana. Núna hví­lir helst á mér próf í­ almannatengslum í­ næstu viku, próf sem ég þarf sjálfur að búa til fyrir krakkana í­ skólanum fyrir miðvikudaginn, fréttabréfið sem ég þarf að koma út fyrir þemadagana í­ skólanum í­ næstu viku og verkefnið í­ mannauðsstjórnuninni sem ég á að skila í­ næstu viku. Hins vegar hef ég ekki skrifað neinar dagbókarfærslur í­ því­ fagi fyrir daginn í­ dag eða gær. íðan var ég samt að klára minn hluta í­ hópverkefni í­ almannatengslum og verð að segja eins og er að ég held að það sé alveg svakalega flott. Það er ekki sí­st að þakka henni Kristí­nu sem ég vann það með. Framundan eru svo áframhaldandi annir bæði í­ vinnunni og náminu. Ég var lí­ka að fá ábendingu um atburð sem við í­ BKNE ættum að standa fyrir. Hugmyndin er að mí­nu mati mjög svo góð (og kom reyndar lí­ka fram í­ fyrra þó ekki næðist að framkvæma hana þá) og lí­klegt að ég reyni að koma henni á koppinn. Ég tól þess vegna með mér hingað suður sögupróf sem ég þarf að skila yfirförnum á þriðjudaginn og ætla þar að auki að byrja á umræddu fréttabréfi. Á morgun eftir fundinn flýg ég svo beint norður aftur og næ vonandi að klára fréttabréfið á mánudagskvöldið svo það geti komið út á þriðjudaginn.

Þegar ég var að lenda áðan í­ Reykjaví­k og horfði á flugvéladekkin koma niður rifjaðist upp fyrir mér þáttur sem ég sá örugglega á BBC-prime og var fyrir krakka. Einn hluti þess þáttar fjallaði um flugvéladekk. Þau eru nefnilega mun merkilegri en maður skyldi ætla, t.d. þá þurfa þau að þola gí­furlegt frost uppi í­ háloftunum og lí­ka mikla hitasveiflu, því­ þegar kyrrstæð, frosin dekkin lenda á flugbrautinni fara þau á fleygiferð á örskotsstundu og núningurinn veldur miklum hita. Biðtí­mi á flugvöllum, sérstaklega við flugstöðvar, er svo lí­ka rándýr en á milli lendingar og flugtaks þarf að athuga öll dekk vélarinnar og skipta um þau sem ekki standast kröfur. Vegna tí­mapressu hafa flugfélög tekið upp á því­ að stúdera vinnuaðferðir þjónustuliða Formúlu1 liða og tileinkað sér þeirra tækni í­ þjónustu við flugvélar milli lendingar og flugtaks.

Leave a comment

Netfang þitt verður ekki birt. Nauðsynlegir reitir eru merktir *